新創建暑期培訓計劃 300中學生推廣地質保育

地質保育同大家息息相關，黛安知道新創建集團同香港地貌岩石保育協會合辦嘅「青年地質保育大使」培訓計劃，今年就有300位中學生成為「青年地質保育大使」學員，會喺暑假參加一系列培訓活動，成為地質達人！

聽公關姊妹講，新創建過去8年已經培訓咗超過1,600名高中生，提升新一代對地質保育嘅認識，學員累積學習時數已超過5萬小時喇。

學員為期1年嘅培訓活動非常多元化，包括地質理論課、香港世界地質公園考察、辯論工作坊，和今年新增嘅數碼媒體推廣實踐教室等。今年表現出色嘅學員，仲有機會參加首次增設嘅「世界地質公園管理培訓生」，有機會到境外世界級地質公園，參與管理同宣傳等實務工作，可以擴闊眼界，真係非常難得。