好聲好戲|殿堂級配音員做導師 多啦A夢、孟波即場獻技!|香港01|即時娛樂

好聲好戲|殿堂級配音員做導師 多啦A夢、孟波即場獻技!

撰文:
最後更新日期:

無綫(TVB)新節目《好聲好戲》是一個藝員比併配音功力的真人騷,題材新鮮,不過講到藝員們以配音一較高下,又點少得TVB工作多年的幕後員呢?《好聲好戲》還邀請了專業配音員曾秀清、梁偉德、曹啟謙和黃昕瑜出鏡,最特別的還有龍天生、張炳強和黃鳳英擔任導師,夠晒份量!

上排左起,黃昕瑜、曾秀清、梁偉德、曹啟謙,下排左起黃鳳英、張炳強、龍天生。(葉志明攝)

7位配音員接受《香港01》訪問時,還以自己的經典角色對白逐一介紹自己,配過《城市獵人》孟波的張炳強,一句「肥婆奶奶,你話係就係吖?」就足以令在場人士捧腹大笑,聲演小夫的曾秀清的一句「胖虎,唔好打我」也令人即時有畫面,一次過見晒曾秀清、梁偉德、曹啟謙、黃昕瑜龍天生、張炳強和黃鳳英7位配音員,令人有種強烈的既視感。

黃鳳英是不少經典動漫角色的聲演,有《城市獵人》的麗香,《數碼暴龍》的八神太一,《電影哆啦A夢:大雄之新恐龍》的骨川小夫等等。(葉志明攝)

龍天生:「等啲評判評完參賽者之後,我哋就開始執漏,有咩好同唔好我哋就執出嚟,然後畀啲經驗佢,改好佢。」黃鳳英:「希望分享多啲經驗,其實聲同演係一樣,做戲好唔等於配音好,配音好又唔等於做戲好,咁就到時大家研究研究。」張炳強:「互相學習,互相模仿,就會有進步。」

張炳強則是《成語動畫廊》李廣、東郭先生的聲演,也配過《IQ博士》的傻瓜超人,《寵物小精靈》的大木博士,《電影多啦A夢:大雄之新恐龍》的野比大助等等。(葉志明攝)

談到第一次出現在幕前,黃昕瑜就直言:「好驚,唔知望邊度,哈哈,因為我哋唔慣面向鏡頭。」曹啟謙:「因為我哋平時只會對住盞燈。」黃昕瑜和梁偉德:「仲有對住個電視對住個支咪。」對節目有什麼期望?張炳強回答:「想多啲人認識呢個行業。」黃鳳英:「因為配音唔似外國咁受重視,日本聲優真係配得好hit,但係香港配音唔着重呢個環節,所以今次有呢個節目係好!」

+5
+5
+5


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。