好聲好戲|阮兆祥回歸勁sell節目:綜藝科同事個個廢寢忘食|香港01|即時娛樂

好聲好戲|阮兆祥回歸勁sell節目:綜藝科同事個個廢寢忘食

撰文:
最後更新日期:

無綫(TVB)新節目《好聲好戲》是一個藝員比併配音功力的真人騷,每集都會有不同的藝員上節目接受挑戰,從而選出最強的藝員界配音能手,玩法以及節目風格都有耳目一新的感覺,阮兆祥還受邀成為《好聲好戲》的節目主持,相當令人期待!

阮兆祥、曾志偉和王祖藍出席《好聲好戲》拜神錄影。(葉志明攝)

今日(03/04)舉行《好聲好戲》的拜神錄影,主持阮兆祥、賴慰玲以及一班參加的藝員張振朗、黃翠如、謝嘉怡等均有出席。阮兆祥接受《香港01》訪問時,久未踏足TVB後再回到熟悉的地方,覺得十分開心:「我見到綜藝科同事個個廢寢忘食,佢哋真係幾辛苦下,仲見到有啲人做通宵,個士氣真係好高昂,個個都希望喺綜藝上面畀多啲新嘢觀眾。」

阮兆祥和賴慰玲做《好聲好戲》主持。(葉志明攝)

他也表示,這個節目相當有難度,但參與的藝員都十分「畀心機」:「為嘅就係想有好表現,佢哋要涉獵自己好陌生嘅範疇,但係都好肯下苦功。」

好熱鬧。(葉志明攝)

阮兆祥回歸,是不是和王祖藍一起回到度橋的「奮鬥房」?他大笑:「哈哈哈,以前新藝城嘅電影時代就有志偉同徐克導演嗰啲成班一齊喺『奮鬥房』奮鬥,其實喺TVB都有無數嘅『奮鬥房』,同埋有『瞓覺房』添,哈哈哈。」

+6
+6
+6


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。