受情困未放下?暴瘦張惠雅凌晨出Po嚇壞網友|即時新聞|繽FUN星網|on.cc東網

受情困未放下?暴瘦張惠雅凌晨出Po嚇壞網友

2021年01月21日 12:37
東網電視
更多新聞短片
前女子組合HotCha成員張惠雅(Regen),早前於節目中表示受情困,與年輕8年的台灣男友分手,令她飽受情傷,暴瘦至84磅,我見猶憐。
事情發生已經一段時間,Regen似乎還沒有放下,今日凌晨4時上載一張披頭散髮照,然後留言:「如果有一天我突然暴斃請不要驚訝,我已經有呢個覺悟了,晚安」即刻嚇親大家,有網友即刻留言叫佢「阿儀,唔好咁(張惠雅本名張惠儀)。」情況令人憂心。
而翻查Regen的舊Post,從網友留言得知,她經常借酒澆愁,有網友留言關心問:「幾時戒酒?」她回覆:「呢幾日冇飲。」而從她上載的近照所見,體重沒有回升的迹象,仍然係皮包骨,非常令人擔憂!
及後,佢再更新社交網,晒出2張遊船河靚相,見佢笑晒口自拍,又表示「天氣好啊」、「照顧到自己先照顧到人地」,似乎心情已經平復。
好友湯怡回覆東網叫大家毋須擔心:「放心,佢呢排實在太攰,太多嘢做,間中都會返長洲,佢話攰到隨時隨地都瞓得着。佢不嬲打字都好誇張,我間中都會陪佢,或者都會入長洲搵吓佢,放心佢冇嘢。」
HotCha舊隊員Crystal(張紋嘉)回覆東網:「我都係剛見到,啱啱都Text咗佢,最近我都有問候佢,佢都話冇嘢,佢幾個鐘頭前都有post嘢,我諗佢OK嘅!」
Regen另一好友Cheronna(吳嘉熙)也說:「前兩日先見完佢,去咗On仔(陳健安)新碟發布,我哋一齊唱歌,我估佢呢啲都係咁講啫,好似caption咁冇乜嘢嘅,因為我哋私底下有group有聯絡都冇乜問題。」