奪命提示｜張振朗傷後照樣唔錫身 郭柏姸低聲讚嘆心心眼
廣告
無線娛樂新聞台報導：早前因為拍攝新劇《奪命提示》眉骨受傷要縫針嘅 張振朗 轉頭已經繼續開工拍攝喇。呢日佢亦繼續拍攝動作戲，三兩吓手勢就將對手鎖住喇，喺現場一直旁觀嘅 郭柏姸 仲猛讚嘆Owen又勁又有型呀。
Owen本人就話完全冇對上次意外有陰影，仲認為只不過係意外，而傷勢亦都好得差唔多，仲話有疤痕都冇有怕呀。而女友 楊偲泳 參演嘅電影票房破香港歷史，呢日Owen就話戥佢開心成績咁好，仲不時會交流演出希望大家有更好表現呀。
而要被追逐嘅 丁子朗 同 Rosita 今次成日打到黑，佢哋就話學到唔少嘢喇，Rosita仲克服怕槍同火光，今次要試開真槍呀。之前因為《下流上車族》傳出緋聞嘅佢哋，今次又再扮一對情侶，但係佢哋就話唔會尷尬，仲成為一對歡喜冤家呀。
網民點睇？
Aiyo
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
