羅麥記 (奧海城)

營業中

休息中

再來食個羅麥記茶餐，下午5pm 冇咩人，坐得好舒服。茶餐都有好多款，邪惡厚切午餐肉麵，但我叫左蕃茄豬扒通粉，配炒蛋多士。香濃蕃茄湯，豬扒有點韌，但炒蛋夠滑，多士太多牛油放棄左。

我好鍾意去茶餐廳食早餐，羅麥記係我返工早餐最愛選擇。豬扒通粉湯底濃郁，豬扒又夠大塊，啖啖肉！炒滑蛋亦都非常之滑，配麵包食勁好味！呢間鋪仲要好多卡位，坐得好舒服。

港式茶餐廳，新式夠哂企理，裝修好有港式味道，坐得好舒適，早餐唔多人，食完可以坐一陣吹下水先走人，唔需要急住咁走。咁就試一試味道啦!食早餐都會叫沙爹牛肉公仔麵＋腸仔煎蛋配餐飽熱奶茶茶味唔夠香濃，唔夠滑口腸仔煎蛋配餐飽就不過不失沙爹牛肉公仔麵煮得岩岩好，唔會太淋或太硬，沙嗲唔係一pat醬 ，不過味道就普普通通，牛肉食落軟淋係湯底就稍為鹹左少少整體係好普通茶餐廳水平。唔係咁特別，價錢比普通茶餐廳稍為貴左少少。

咁就一年，依然戴住口罩，依然喺大角嘴揾食，今日落雨避左入奧海城，吾係太想食老麥既情況之下，俾多次機會《羅麥記》，再試下佢既午餐。年幾前食左個凍既早餐，其實附近都好多嘢食就較少返黎幫襯。今日見佢推個午餐選擇都幾多，就叫左「焗住食」- 即係《焗豬扒飯》頂肚。大家理想既焗豬扒飯有咩條件？我既見解係《焗豬》一定熱上，塊扒一定要大大件最好會跟蛋漿焗，最好就用湯匙都切到，多層芝士，炒飯底。大快樂心心快餐店做到既野應該係基本盤。今日試呢碟《焗住食》完全符合以上條件，豬扒足手掌長，未算特別厚切，但的確連蛋漿掃面焗，芝士多到可以拉絲打咭，食到菇亦有蕃茄粒，但個紅汁有頗濃喼汁味，份量剛好完全完全覆蓋飯面，炒飯底。咬落塊豬扒有蛋香亦有芝士微焦既味道，塊扒切落都要用少少力，未致於快餐店「嗱」到𣺉曬既地步。成個飯睇得到食得到有個質素喺度，呢點要讚。入《羅麥記》，杯奶茶可能係最緊要，今次焗飯又得，奶茶亦保持水準，六十蚊喺大商場。滿意！總結 - 可以收貨！

成日聽呢間，今次終於嚟咗食，佢俾我感覺就係高級啲乾淨啲靚啲嘅茶餐廳。今次lunch叫咗幾樣嘢食同朋友share，咁就可以食多幾款～乾炒牛河好食，好夠味，但油咗啲，牛肉片又腍又入味。星洲炒米炒得都夠鑊氣，調味剛好瑞士雞翼撈通粉瑞士汁好濃，雞翼都算滑，但撈通粉就有啲怪。如果係撈麵撈丁會開心啲，但原來轉撈丁要加$10，貴咗啲。仲跟埋個炒蛋多士，少蛋好滑，好食。椒鹽豬扒飯油咗啲，但幾好食嘅，整體都唔錯。呢到價錢尚可接受，都會再幫襯。

係呢頭咁耐都未幫襯過。Weekend都有全日制常餐，定價唔平。炒蛋OK，但塊多士就麻麻蕃茄濃湯豬扒通粉個湯底一D都唔濃😅，豬扒好細塊，但肉質係OK既。總括嚟講一般，應該唔會再試。

咕嚕肉小炒💰68配白飯一碗及湯🔸上菜熱辣辣，但肉質比較乾，炸粉比較多，肉的份量少，味道可以魚香茄子煲💰68配白飯一碗及湯🔸上菜熱辣辣，仲聽到咋咋聲 ，濃辣惹味的醬汁，加上鹹魚香氣、豬肉以及料頭的精華，全被茄子飽滿地吸收柚子雞翼跟餐加💰35（3隻）🔸普通的雞翼加上柚子，即刻變了另一番風味，食落清新唔油膩，而且雞翼皮好脆口🔸雞翼調味不錯蝦多士跟餐加💰32（3件）🔸多士麵包吸了太多油，有點兒膩，但食落外層酥脆，內裡鬆軟🔸蝦膠有點兒韌🔸蝦多士大件，味道不錯，上菜熱辣辣🙂上菜速度快🙂食物份量大

第一次幫襯，d位好窄（茶餐廳feel），個餐牌好多選擇，揀咗兩樣特色嘢➕幾樣普通嘢試試特色之一：蝦多士，唔油，個沙律醬好食，不過麵包太厚，唔脆，冇多士feel… 傳統蝦多士好食d特色之二：紅豆冰奶茶，奶茶好飲，紅豆好棉，不過舊雪成冰塊的紅豆冰有d多餘，阻住筆底下d紅豆添普通嘢之一：餐蛋治，正常，冇驚喜冇投訴普通嘢之二：鹹魚雞粒炒飯，雞肉多、飯少，鹹魚有炸香，算ok普通嘢之三：凍啡，最唔掂，咖啡帶酸總體來講都算OK，價錢係奧海城入面餐廳收費（合理，畢竟唔係街邊茶餐廳），下次可以再試其他嘢

今天沒有人陪自己去羅麥記嘆牛扒，裝修好普通 。我打開餐牌就見到我最愛西冷牛扒我馬上叫侍應帮我落Order。侍應姐姐好專業的問我要幾多成熟要咩汁 我諗咗幾秒選擇咗蒜汁。 牛扒黎了 刀叉必備 一啖吃落去好正好正，再望去出菜位原來係個水吧肥師傅煎既 牛扒肉質好嫩滑 煎得啱啱7成熟。今餐好滿意，下次再黎食西冷牛扒

今日和男朋友過咗去羅麥記食飯。一入門口見到有位員工要求我們安心出行登記。之後帶到我們去到近窗的卡位。我們點餐的過程突然發覺自己唔記得食藥，拿出💊。🈶️位侍應哥哥拿咗杯暖水俾我，話俾我食藥。果刻有點窩心，環境都好乾淨舒服 ，食物不差一定有下次光顧

羅麥記真係長期飯堂咁濟, 今次我地就食肉醬意粉同蝦多士意粉質地夠al dente，醬汁調味適中，但又不會過酸，份量都足以撈勻整碟！正！而蝦多士一碟有5大件，到枱時熱辣辣、脆卜卜，蝦膠夠彈牙最後臨走時見佢地出左新既晚市菜式，搵日夜晚會再幫襯

食物質素明顯差咗好多：平時間唔中都係呢間食早餐，近幾次食唔同的早餐都細咗同味道差咗，今朝叫沙爹牛肉番茄湯公仔麵，牛肉明顯用梳打粉長時間醃製, 未入口先散開， 無口感。上次下午茶叫餐牌入面原價的星州炒米，因為之前食過都好食，個人好喜歡茶餐廳的的星州炒米，但上次炒出來米粉碎哂，又唔夠星味，不再可口，有點失望。其實這家餐廳的員工服務態度一向都是一般，但越來越差，又其是坐滿的時候，有人離開，無人手執台，要等上好一段時間。有位坐低不斷舉手有waiter望到但不停忙著其他就無應食客，又唔打聲招呼。最近一次要起身找waiter第三次才有人清枱，之後又要再叫人來落單，實在太費勁去食個早餐，怕怕。

服務態度衰到不能再衰，地方污糟不單止！檯也不抹、凳也有食物，沒人理，每個員工見到客人點餐扮看不到！做野越黎越衰！絕對不會再幫襯！員工有心幫公司趕客！互相推卸責任！

Waited 30 minutes for a takeaway baked curry chicken dish and the chicken was grey and tasteless. I threw the chicken away and ate the rice and curry. Even the curry was very mildly seasoned. I can't give a score low enough for the taste. At least they said sorry for the long wait - just kidding, they didn't.

4月5日我哋去食早餐，俾左一張檯我地，檯面有一隻死左既曱甴，櫈上面又有一隻....喺疫情如此嚴重既時期，衛生環境居然如此惡劣，大家要小心！食物質素方面，麵食一般，咖啡沖得還可以，但多士真的很硬很難吃🤮🤮🤮