【聲明】港生活網站並無進行電話推廣活動

爸爸被「起底」唔介意 姚焯菲︰望大家專注我唱歌

發佈時間: 2021/07/05

歌手王灝兒(JW)、泳兒率領無綫歌唱比賽《聲夢傳奇》15位學員,昨天在將軍澳電視城拍攝東京奧運主題曲《奪金》的MV。大熱之一姚焯菲(Chantel)的爸爸近日被「起底」,被網民大讚有型靚仔,Chantel指爸爸沒有介意,但她希望大家將焦點集中在她唱歌方面。而日前因聲帶受損而影響表現的炎明熹(Gigi)表示,幸好聲帶未有太大影響,目前會專心好好養聲。

《聲夢傳奇》將於本月19日舉行決賽,姚焯菲表示現正開始準備,心情有少許緊張。問到爸爸被「起底」一事,Chantel說︰「我希望大家將focus放番喺我唱歌方面,(爸爸紅過你喎。)多謝大家,佢都無乜介意,到決賽嗰晚佢都會到場打氣,我參賽以嚟佢每個星期都會陪我一齊,(會唔會考慮搵爸爸伴舞?)咁又唔會嘅,不過平時爸爸都會同朋友一齊唱K,(歌唱天份係咪遺傳自爸爸?)應該都係,不過我好少同佢一齊唱歌,希望遲啲有機會啦。」

至於在前晚播出的最新一集中,炎明熹因為聲帶受損而表現失準,Gigi承認當晚表現的確令人失望︰「我唔知應該點樣面對自己,同埋教自己嘅人。」不過Gigi表示目前有好好養聲,多喝蜂蜜水以及看中醫,幸好醫生已向她「打定心針」,指她的聲帶受損是因為開聲太多,並沒有太大影響。

唱奧運歌迎戰學友

另外,有份參與拍攝MV的泳兒認為,是次可以多人一起合唱,感覺自己變得年輕,十分開心。提到香港開電視邀得「歌神」張學友主唱奧運主題曲,今次與學員們是否迎戰對方?泳兒表示︰「其實奧運好值得大家去支持,大家應該好好享受,亦希望百花齊放。(驚唔驚外間拎嚟比較?)我覺得無受影響,其實我哋本身都好被動,始終兩首歌嘅曲風都唔同,大家聽完覺得首歌好就得啦。」

採訪︰Pauline

美術︰梁政敏

爸爸被「起底」唔介意 姚焯菲︰望大家專注我唱歌

泳兒(右)笑言已一星期沒有見學員,竟感到有點不習慣。

爸爸被「起底」唔介意 姚焯菲︰望大家專注我唱歌

Chantel的首席財務官爸爸早前被「起底」,被網民大讚「型英帥」。(資料圖片)