從演最激咀戲！湯洛雯怕醜唔敢睇Playback

藝人湯洛雯（靚湯）與譚俊彥（Shaun）於無綫劇集《失憶24小時》中有激吻戲，之前靚湯表示拍這場戲時，會先知會男友馬國明，笑言不是備案，而是給對方心理準備。靚湯從演9年以來最激的吻戲今晚播出，劇情講述二人到訪朋友空置單位，突然雷響，曾因綁架引致失憶的Shaun驚恐症發作，身為心理醫生的靚湯即安撫他，將對方擁入懷內，情到濃時二人就咀起來！由於電視尺度關係，電視播出嘅版本刪減了不少，而無綫於社交網晒出一刀不剪足本版，兩人咀得非常肉緊，更咀到有口水聲！

拍攝時靚湯穿着背心裙，Shaun就赤裸上身，靚湯接受東網訪問時坦言：「初頭睇劇本都不以為意，但錫錫吓開始有少少緊張，以前拍嘅咀戲都只係蜻蜓點水，今次係攬住錫嗰啲，嗰日原本有同事喺現場拍Making of（花絮），但我都同個同事講，可唔可以唔Roll機，我有啲怕醜，拍完我就連Playback都唔敢睇。」而身在深圳的男友馬國明接受東網訪問時，問他冇沒有睇靚湯場激咀戲？他說：「咁啱冇睇到！」

江欣燕露Tube Bra挑逗前夫

今集張達倫、江欣燕這對經常打「友誼波」的過氣夫婦亦有咀戲，但就有點搞笑，劇情指江欣燕食飯食到㷫合合，專登晒Tube Bra來挑逗前夫張達倫，最後更遭對方識破她提供穿窿避孕套。而楊埕與黃建東「車震」時，同江欣燕一樣玩內衣誘惑，以黑色Lace bra情挑對方，更有網友好搞笑咁將佢哋個樣遮晒兼大字標題話：「39歲TVB小生慾照連環圖流出」，仲留言話：「條仔執到啦！」，黃建東都忍唔住轉發呢輯「慾照」：「究竟呢條咁幸運嘅仔，係邊個呢？」