「朱施嬅」到底係邊個？ TVB《天命》海報連主角名都錯
撰文：陳栢宇
出版：更新：
一年一度嘅影視界盛事「2018香港國際影視展」（Filmart）將於下星期一舉行，當中最矚目包括有無綫所介紹嘅一系列新劇。最近就有一批無綫劇集海報喺網上曝光，包括即將播出的《逆緣》、《宮心計2深宮計》同正在拍攝嘅《白色強人》、《包青天再起風雲》嘅海報。有眼利嘅網友就喺呢批海報中發現到問題，而呢個問題就係出現喺由陳展鵬、譚俊彥主演嘅《天命》海報上，喺主要演員列表裏面，排喺兩位男主角後面係「朱施嬅」呢位聞所未聞嘅「新演員」，搞到一班網友都爭住問到底呢位演員係邊個。
排係兩個男主角名字後面的，是李施嬅？朱施嬅？李施嬅？朱施嬅？（網上圖片）
其實大家都好清楚「朱施嬅」其實係李施嬅，佢哋咁樣問都係拎呢件事嚟講下笑，不過都有網友好認真，問點解咁都可以出錯：「女一都可以打錯姓，有冇咁兒戲呀，冇人做校對？」真係愛之深責之切。據了解，呢批流出嘅海報好多都係初稿嚟，當中嘅《天命》海報都係其中之一，相關人士就指做校對時已經發現李施嬅嘅姓氏誤植咗做朱姓，並立即作出修正，而海報嘅最終設計仍然尚未落實，仲要同監製洽商，或者會用返TVB月曆版本嘅《天命》海報。
呢張海報就冇出事嘅，李施嬅都仲係李施嬅。（網上圖片）
網上出現多張嘅無綫新劇海報，好多張都係初版：
+11