香港單位逼樓價又高，但疫情下都想係村屋搵地方下抖下氣？又或者想要個好啲嘅工作空間居家工作？村屋的天台地方開闊整個園藝空間/工作空間，係一個解決方案。
組合屋作工作用途或悠閒平台
村屋單位想要悠閒地方，除左一般村屋園藝設計或者放個燒烤爐做下假日燒烤，其實村屋仲可以加建一間天台組合屋或者一個儲物櫃，為自己加多一個多用途室內空間嚟做下儲物同園藝花棚或者作為悠閒空間嘅延伸。
亦都可以係組合屋入面一邊工作一邊睇住小朋友係出面嬉戲，減少發生家居意外。
最近可移動天台組合屋開始興起，不但建立方便，又十分多功能兼實用，再加少少村屋天台設計就有完美空間啦。如果唔想建造理想空間落入天台僭建陷阱就要睇埋落去啦。
天台組合屋設計多樣性價比高
組合屋設計多樣彈性大，可以按你使用需要訂造設計同組件配合，想要玻璃屋又得，想要隔熱防水嘅組合屋亦得。
淨係想要儲物空間放園藝用品唔想要咁大間組合屋？防水戶外儲物櫃就係你嘅解決方案。
怕花費會好大？組合屋嘅價格相宜，配合埋佢可以隔熱、隔音、保溫、防潮等，性價比高。
下圖就為你整理出各樣組合屋設計，對可以創造的空間有個更好概念。
組合屋仲有咩好？
- 香港颱風多，組合屋均具有防颱風等特點，較為安全。
- 房屋架構裝拆方便，施工期短。
- 房屋自重輕，運輸既方便又節省，
- 規格化的標準構件，可根據用戶需要組裝各種面積大小不等，用途不同的活動房。
業主天台做花園小心變僭建
怕天台加建會誤入法網變左違例建築工程？其實屋宇署係小型工程監管制度下，就天台搭建物或構築物有清晰規定嘅。我地為你整理簡化建築物條例。
天台放置玻璃屋：
就算可以拆除，屬於非永久性裝置，都不可高於2米，總體積要少於3立方米，否則就屬違規。
天台放置花棚：
剛剛提過園藝花棚，它的大小不可高於2.5米，而且不可設有上蓋及四邊圍封。
村屋天台放置天台太陽能板：
近年政府放寬天台太陽能板，批准村屋可放置2.5米以下的太陽能板。不過，人就在太陽能裝置下，加裝玻璃門圍封作室內空間借此走法律漏洞。其實條例清楚列明，裝置四邊或下面都不可圍封。一旦發現，屋宇署可發出檢控，下令在限期前清除。
天台放置儲物櫃：
非永久性裝置，都不可高於2米，總體積要少於3立方米。 大過就會變僭建物。
村屋僭建除了違法，更可導致被釘契、影響樓宇按揭、樓價等，而且一旦發生家居意外，保險公司亦有權拒絕賠償，後果可大可小，業主切勿以身試法！
