「大榮華」都去過好多次，飲茶晚飯都試過，而家得返元朗總店，今日同屋企人嚟飲早茶，都差唔多滿座，十一點前大、中、小點一律當小點計$27，咁就梗係叫大點啦。

✣沙律海鮮卷
點心紙上無，係侍應用托盤捧住推銷，好耐無食過，新鮮炸起，威化紙沾上麵包糠嘅外皮炸得脆而軟，咬開熱辣辣，芒果酸甜，蝦肉爽口，撈埋沙律醬好夾。而家飲茶好少見，通常係舊時去飲會食到。

✣韮菜豬紅 (大點)
醬汁濃郁惹味，豬紅口感幾滑好入味，韮菜有啲老。

✣香煎蝦米腸 (大點)
碟細細但都好多條，腸粉一邊煎得好香脆，食到蝦米同蔥粒，混埋芝麻、豉油、麻醬、甜醬食。

✣雞球大包 (大點)
係懷舊點心，真係大件夾抵食，皮厚又鬆軟，塞滿餡料：雞肉、叉燒、冬菇、菜粒⋯⋯

✣鮮蝦菜苗餃 (大點)
一籠有三隻，皮煙韌餡料足。

✣百花釀北菇 (大點)
百花係蝦膠，彈牙都幾大粒，但同冬菇分開移咗位。

✣沙嗲金錢肚 (大點)
金錢肚一格格浸滿醬汁濃郁入味，都算幾多件。

✣蒜蓉蒸鮮魷 (大點)
魷魚彈牙，蒜蓉蒸更能提鮮，豆卜吸晒湯汁嘅原汁原味。

✣切肉燒賣王(大點)
一籠有四粒，係經典燒賣口味，手切豬肉粒加蝦做餡料蒸得夠脹身，入口彈牙。

✣四寶滑雞扎 (大點)
有兩件，腐皮包住，雞肉入味，豬肚爽口，芋頭粉淋，魚肚吸湯。

#大榮華酒樓
地址：元朗元朗安寧路2-6號冠煌樓2樓

巳有多年沒有探訪元朗大榮華酒樓了，今晚專訪來個晚膳，坐下開了茶梁文韜先生走來特別介紹四月時菜~蕎菜炒龍躉肝。
決定嚐嚐罷，先來道蕎菜炒龍躉肝~蕎菜炒得嫩滑爽口，龍躉肝剛熟很柔滑，味道中和；
然後繼續來了幾道菜：
拔絲咕嚕肉~咕嚕肉脆口，惹味；
酥炸台山蠔（一桶）~炸得非常香口，外脆內軟；
順德拆魚肉羹~熱氣騰騰魚肉挺新鮮；
家鄉腰果小炒王~放了不同的材料：蝦乾、腰果、魷魚、三色椒、豆、葱等等，有嚼感；
意猶未盡加追蕎菜菜甫火腩條~半肥瘦的火腩很爽口，有嚼勁，很滿足的一顿家常小菜呀！

大榮華圍村菜 (灣仔) 🍲
灣仔史釗域道1號地下及1樓
拉到最後有食神韜哥係到😎➡️ 今天公司尾牙，黎到食神韜哥主理既餐廳@大榮華圍村菜。🥢因為係公司活動總共擺左三圍，間隔左一間房比我地進行抽獎活動同食套餐。不過間隔有點尷尬😳，中間有一大條柱分隔左另一枱。

非常有幸，到場剛巧遇到食神韜哥🥰打邊爐最緊要個爐個個韜哥🍾真人好有善，要求合照留念都不拒。🍷 鴻運乳豬件🐖：外皮燒到非常脆口，整隻豬肥瘦均勻，是但拎一舊都已經好好味😋。配上甜醬，咬一口外脆內軟而又吾會太油既乳豬，人生一大樂事😚。 瑤柱雙喜蔬：上面佈滿瑤柱碎同汁，下面配上貴價既豆苗，豆苗比較乾身鞋口吾係咁易咬，好彩配番個瑤柱汁，中和番，瑤柱汁吾會死咸，味道中規中矩。

碧綠滿掌原隻鮑魚：鵝掌蚊得比較焾身，好易LUN骨出黎，鮑魚是罐頭🥫貨，不過咁先夠吊味，底下配上生菜🥬，好爽脆鮮甜，沾上滿滿鮑魚汁。

奶皇馬拉糕：好鬆軟，食落仲好有濕度，香噴噴既奶皇味，成個呈現金黃色，好美味😚

蓮蓉西米焗布甸：味道吾錯，不過剛好食左甜既馬拉糕之後食成件事好膩，加上佢係用上蓮蓉，同埋好焾既西米布甸成個好似一堆野既結構，口感差少少，西米吾夠咬口。

總結：
成個套餐有好有壞 不過整體來講算吾錯 水準之上
傳統味道 加上大家下次黎睇下撞吾撞到韜哥😋

好耐冇黎大榮華飲茶，呢度嘅環境一般，坐得比較陜迫。不過點心款式比較多，味道也不錯。炒粉麪也很有水準，可以一試！

星期日晚上來，因為冇得訂位，所以五時已到達，不用等位直入，6人套餐好豐富，多到食唔晒，食物也不錯，飯是一筒上的，附上豬油和頭抽，好香，膽固醇萬歲。最欣賞係奶黃馬拉糕，非常鬆軟。