13
9
2
| 餐廳: | 大家樂 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
附加資料
無肉餐單詳情: 逢星期一、二及三午市供應素食菜式。
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
相關文章
大家樂係我細個時就鍾意食嘅快餐店，最愛就係佢嘅招牌焗豬扒飯啦！今日同男朋友去觀塘睇戲之前就去食返個回憶中嘅美食。個豬扒炸得香脆，肉汁豐富，蕃茄汁又唔會太酸，好開胃。飯又夠熱夠香，每一啖都好滿足。不過我覺得佢嘅分量同質素都退步咗，可能係物價上升嘅關係。不過都唔減我對佢嘅愛啦！我仲記得細個時同屋企人去食，每次都要爭先恐後咁食，因為怕食唔到最後一啖。而家長大咗，雖然唔會再咁搶食，但每次食到都會感受到溫暖同幸福。呢個焗豬扒飯真係我嘅至愛！
繼續閱讀
芋香南瓜炆雞翼？炆雞翼？Are u kidding me? 南瓜2粒，芋頭3粒，炸雞翼4隻，放埋一齊淋啲芋蓉上面好意思叫炆雞翼🙄你扮韓式咁叫芋蓉炸雞翼我無咁嬲，另外中湯今次鹹左啲。
繼續閱讀
放LUNCH時間，唔知食咩好就黎左大家樂食飯，選擇左個雞扒飯咁啦。呢個飯正正常常啦，但係以LUNCH黎講，性價比(CP值)都算高。個餐都係$HKD55，加埋餐飲都唔洗超過$HKD60，以今時今日黎講已經叫好抵食架啦。首先講個雞扒先，外層既皮都煎得幾香脆，而個雞扒既份量都大足夠你送飯。仲有個汁都幾配雞扒，而且汁量都多，足夠撈埋D飯。反而飯量比較多，如果對一般OFFICE打工仔真係未必食得哂，建議大家可以選擇少飯，唔好浪費。
繼續閱讀
話說每個星期返工總有一日會口痕想飲“茶走”，所以個個星期都會叫大家樂食。咁啱公司樓下就有一間，所以真係好方便！🤣我多數都會叫一哥焗豬扒飯食，最鍾意佢嘅炒飯底，粒粒分明金黃色嘅蛋飯，同埋厚切嘅焗豬扒，最最最最鍾意佢嘅蔬菜番茄汁撈飯😍食咗咁多年都係咁好食👍🏻總有一間係左近，有時我覺得都係食緊香港人情味，食緊童年回憶，唔知你又認唔認同呢？
繼續閱讀
大家樂相信無一個香港人無聽過大家樂, 而大部分人都應該有食過. 大家樂都出品唔少名物. 例如厚切焗豬扒飯,芝士肉醬意大利面…..大家樂咁多人食其中一個原因好大機會係佢夠平!!就算係晚市, 大部分飯餐都只係$50有找仲包野飲. 糧尾恩物.身為打工仔既我都食唔少, 今日早左少少起身, 就去左食佢地既早餐.簡左個雞扒炒蛋套加$7要多左個雪菜肉絲米.雞扒配上洋蔥汁好好食, 雞扒好嫩仲要好多汁. 面包都烤到脆身附上牛油一齊食, 絕配.炒蛋應該落左牛奶炒, 有微微牛奶香, 但唔會無曬蛋味, 炒得剛剛好.雪菜肉絲米好大碗, 都只係加$7好抵, 我一個女仔都唔係好食得曬全部野食.下次都係唔好眼寬肚窄,哈哈. 大家身邊實有間大家樂係附近, 又平又方便, 食物質數對得住佢價錢, 超曬班.
繼續閱讀