新煮意 (已結業)

今晚收左工，有d累，所以都係食左飯先番屋企。我叫左個蘑菇黑松露意大利飯餐，個餐有件厚多士同個湯，個忌廉湯一般般，偏鹹，同埋唔係好夠熱。個包冇乜特別，同普通多士差唔多。個蘑菇黑松露意大利飯都幾快就黎到，睇落個份量唔算大，但係食落味道幾清，味道唔會話好濃，少少黑松露配蘑菇同埋少少忌廉汁，而且配上意大利飯，感覺幾配合，而且個意大利飯冇煮到好稀，食完都唔會話口乾，系份量只係剛剛好。係呢d街坊餐廳，比較少見呢d菜式，都可以接受，價錢都叫做合理既。

今日遲左番屋企，見樓下間餐廳仲開緊，於是入左去食埋個晚餐先番屋企。一個人的晚餐，我只係叫左個焗肉醬飯餐，餐包埋餐湯，包同野飲。羅宋湯同方包好快就到。羅宋湯飲落不算太鹹，配料也算足夠，味道適中，不算太辣。方包有烘到，加牛油同平常既多士差唔多。飲完湯，焗飯已經到左，焗飯分量足夠，我也吃不完，而且焗飯系新鮮焗出黎，夠熱同夠香，不過個飯底炒得不是太夠，炒耐一點會更加好吃。整體都唔錯，呢間餐廳係做街坊生意，價錢唔算太貴，而且質素都挺好。

一個午餐$38 包餐湯， 焗意粉 及 餐茶， 係而家來說， 確實不貴， 可能做開街坊生意， 所以份量都好足！餐湯ok, 有肉味，幾好飲！我一個人食唔哂， 一個男人份量， 新鮮焗出， 好香， 不過如果意粉可以先炒下再焗仲正， 推介！加左$3 要檸蜜， 茶記水準， 可以啦！

今晚有朋友介紹嚟晚餐，話呢度食到平價西餐，所以嚟試下!先講講環境，大家嚟開大埔食嘢的話，好多時都要等位!呢間舖，人流唔算多，一入去就有位唔駛等，環境唔嘈，可以傾下計，人唔多唔會催你埋單，趕你走!今晚order 咗一個鐵板豬手同焗牛柳粒飯，兩個餐都有跟餐湯，多士，同餐飲隻豬手就一般，可接受，但個焗飯就真係未必個個女仔食得哂，牛柳粒，很軟熟，味道都算唔錯。服務方面，待應主動性可以改善，整體還可以!話哂平價西餐，兩個餐加杯凍飲+$2total 埋單$110，算經濟實惠啦!

鐵板西冷牛扒係生招牌，好多時都有人叫，包飲品、例湯、包，可以選薯菜、飯或意粉。因為比較餓，叫左個鐵板西冷牛扒跟飯，五成熟。如果跟薯條就冇咁飽。當日鐵板非常夠熱，牛扒仲有血水出緊，真係岩岩好五成咁上下，好好味＼(^o^)／！！！另外，因為鐵板夠晒熱，d飯有飯焦，好正！！！而之前飲嘅西湯都好夠熱，非常好味^_^！！！侍應都係年青人，好有禮貌。總體非常滿意嘅一間餐廳。埋單都係$58+2凍飲，冇加一。

首先.呢間野既野食以個平價錢黎講.真係抵食.!~!不過大家一定要睇埋我下面呢段.基本上我成日都去呢度食.因為貪平.吾洗等位.快!入面D侍應其實OK. 不過!!有個成日坐收銀位既冇紮頭髮. 曲髮既女人 態度真係超吾友善.第一.佢收銀位隔離果張卡位.每1次.真係每1次都有留座既牌. 佢係留俾自己D FD坐. 就算冇位都一樣吾理.都係留俾佢自己D FD坐.同佢傾計.第二.態度超晦氣.收親錢有時聽吾清楚問多次幾多錢.佢就會好吾据甘大聲覆一次. 我係熟客.每次多謝都冇聲.第三. 勞役一D吾係佢FD既侍應. 有D佢叫契仔契女果D就成日同佢打晒牙較.換下牙簽甘就叫係做野. 其他見冇同佢兩句既侍應就呼呼喝喝叫佢執野執盛.當人狗甘.如果冇左呢個做收銀既無禮貌收銀.我相信會更加好生意.

3.3.2013返完教會之後都已經一時半了, 於是就去了大夥兒時常去的港式西餐廳吃午飯. 這裡的選擇很多, 但以焗飯焗意粉居多, set lunch 包餐湯, 主菜和餐飲. 左揀右揀之下, 最後揀了芝士焗魚柳意粉($35)餐湯在紅湯和白湯之中, 選擇了前著. 紅湯的紅蘿蔔湯有驚喜. 湯料充足, 竟然有大大塊紅蘿蔔哩. 湯身雖不太杰, 但甜酸度平衡得宜. 主食的芝士焗魚柳意粉, 熱騰騰的來, 帶著陣陣香濃芝士味, 吃著也感到芝士和白汁相當濃郁, 且份量很多, 多到就算吃完了意粉, 還剩下不少白汁. 魚柳有三大塊又厚肉, 雖然還有少少雪味, 但仍可以接受的. 而意粉可能煮得太久, 變得有少少淋和發漲. 不過, 鋪在白汁上面的粟米粒又多又清甜, 可減低了白汁的咸味. 餐飲我選了熱好立克, 難得地杯底沒有太多未溶的好立克粉. 如果以大埔區的平價西餐廳來說, 這間的質素算是OK的了, 因此, 它可算是在大埔區的平價港式西餐的好選擇.

又是一個在大埔中心出發上班的日子，當一早到達了中埔中心的停車場，總會有一個癮就是要吃好才搭車上班。就腳的大埔中心一帶已給我吃得七七八八了，要找新意思就要行遠啲，泊好車時，突然想起了一個很久也沒有到過的地方，就是新興花園的小商場。這一個商場，同大埔中心只是一橋之隔，但就十分之冷清。也許，只有地下一層的小商場，橋上及平台上沒有正式的通道下去，而富善邨的行人也只會經過上面的平台，所以這一種設計，一定被蘇師父罵死。辛苦地在這一個小商場，找到了一家叫新煮意的餐廳，那就直接成為了我是日的早餐新主意。不過，這只是飲食地點的新主意，入室吃的東西，也不就是平凡的公仔麵餐。麵，是普通的大光麵；湯，單看顏色就知道是用過雞精雞粉的，但我叫下的五香肉丁麵，其肉丁的厚厚肉方粒，及辛辣的味道，把這雞湯的味道蓋過了，而這一個香味十足的肉丁，把平凡的味道變成好味道。包一腸一蛋，換話說我點的是一個三餸的早餐麵。單面煎的蛋，外表美觀，但說蛋味，但說蛋味，就確實是沒有了，腸同包，也是普通。早上，最重要是一杯香滑的奶茶，而是日的奶茶就感覺未夠奶，苦了一點點。吃畢，前往富善邨搭K17，途中發現了可愛的冬菇亭，頓時感覺到，我的早餐

話說當日得我同媽媽撐枱腳~老媽子就提議黎呢間「新煮意」喇~其實小妹係富善渡過中小學生涯以黎, 第一次見呢個鋪位做西餐廳架!!上手 / 上上手都係普通茶記~ 所以老媽子話呢度開西餐我梗係有興趣啦!我地8點鐘去到, 坐左6成人, 仲有幾張空枱~坐低左, 昅下menu, 好多意粉 / 扒餐, 仲有好似吉野家個d "恰恰下" 套餐添!我叫左一個花枝鮮蝦卡邦尼闊麵set~~價錢合理~都係42蚊!驚喜出現啦!唔好睇佢只係街坊西餐, 個湯同包包真係誠意之作!南瓜湯入面真係搵到打碎左既南瓜肉~~而包包唔係平時d翻叮再翻叮餐包, 係即烘既多士呀!! 仲另上牛油俾你慢慢搽~~真係唔講得笑!!到主菜啦~~佢既卡邦尼冇平時食開咁濃味~反而似普通白汁!不過呢,配料足!! 大大片花枝片再加大大隻蝦!!如果呢個轉左做焗既煮法我諗會更加正!!整體黎講不過不失~~街坊口味西餐其實唔錯ga!!!haha~

Today i order chicken wing with french Fries, very disappointed. The chicken wing's size so small and french fries not crispy. Also wait the food for a long time. But if u don't like wait the seat, u can come here. i never come here again.

是日星期六，想休閒一下，到此店點了兩份下午茶，有芝士焗西蘭花粟米意粉、炸雞脾配沙律及飲品兩杯（凍檸茶及凍杏霜）。意粉用汁的鹹甜濃稠適中，蔬菜配搭簡單清新，有益健康。炸雞脾皮脆肉嫩而不油膩，沙律用料既足，又新鮮。凍檸茶有清幽茶香，杏霜濃淡得宜。整體而言，各食物和飲品為用心之作，值得推介。

富善其實什麼都有, 最近還開日本料理餐廳,但就欠缺西餐廳, 突然想起新興這裡有間"新煮意"便和女友特地去試試!點了 " 鐵板紐西蘭牛柳", 及焗龍蝦汁鮮蝦雞扒飯"最好的是有包及湯送, 凍飲還不用加錢, 最抵讚的地方!!牛柳很大塊, 七成熟, 肉質不錯, 沒有雪味, 我們選了黑椒汁, 不過比較辣, 令我大汗疊細汗...至於龍蝦汁鮮蝦雞扒飯, 很新鮮, 一出來時四周的汁都是滾著,味道來說汁是不夠味, 但雞扒和蝦都讚, 很入味!總結, 沒有其他食評說得那麼差, 可以一試!

雖然係TEA TIME...不過有上次經驗....都係食唔過所以今次食午餐-.-"........我叫左個芝士焗龍利火腿意粉($26)得面頭少少芝士....下面D白汁是淡而無味...龍利都係淡而"鞋"的......男朋友叫左個什扒餐($48)有豬,牛,雞扒+火腿+腸仔+薯條~男友話牛扒好食....其他無特別.....好似唔係好值$48.....開左一段時間...D WAITER都好似仲未熟手咁.....D WAITER要叫到先識俾把刀佢.....&服務真的麻麻....黎呢度係住附近貪方便......之後應該盡量唔揀黎呢間食了......

第一次係佢地開張1個星期左右,其實我明知新開張鋪頭通常D waiter同廚房未熟手都唔好去試,但我Daddy堅持話去食,我其實住新興所以去吓啦....新開張午餐差不多座滿,叫個哥哥仔waiter落單,點知等極都唔見有餐湯到,問另外侍應都幫唔到,鬼咩,原來個哥哥仔寫完張單掉咗,見佢去個垃圾桶搵番...D食物上枱超慢....唔係只係我哋,大部份枱都追單架....第二次我Daddy又話要去試個晚餐,同第一次相隔了1個月....我食咗個牛柳粒意粉,D肉麻麻地好食,有D「林」有D「鞋」,個汁好唔掂,野食比第一次出得快好多....因為7點幾得3,4枱人,冇人幫襯..... 總括兩次經驗: 因晚餐同午餐原則上個menu冇分別,唯一價錢梗係晚餐貴D啦,選擇只係多咗一張頭盘的menu ,食物超級少選擇,一定要食set,食量少想只要份三文治,或只喝湯都唔可以,招呼普通個普通......就算我住新興都未必會再幫襯......

上次試左晚餐~今日去試下D TEA~叫左個炸雞翼焗薯~ (好似24蚊,凍飲+2 = $26)WA~~~O了咀~雞翼唔好食之餘...仲要SIZE細到同片青瓜差唔多囉~焗薯無誠意~是但整熟左再+擘沙律醬....唔好食!!!...下次都係食返晚餐......