放假去大埔有咩玩？今次 ReUbird 爲大家歸納咗全大埔多個好去處，讓你放低工作壓力，同家人放鬆下，感受大埔嘅恬靜閒適。
文章一共有以下部份：
【懷舊美食】
其實大埔有好多隱世美食㗎！等小編以當區美食指南作為大埔親子一日遊嘅開端啦！以下將會介紹四間抵食老字號，一定有間啱你心水~
老字號1：陳漢記
「煲仔飯」，相信大家都耳熟能詳。而大埔就有一間非常馳名嘅中式麵食館，店內有唔同口味嘅煲仔飯提供。
除咗有暖笠笠嘅煲仔飯之外，仲有足料又新鮮嘅腸粉，喺店内可以搵到好多深受大家喜愛嘅傳統美食㗎！
圖片來源：OpenRice 及 牛牛生活Cow Cow Store
店鋪基本資訊及點評：
地點：大埔運頭街89號 （顯示地圖）
交通：港鐵大埔墟站 A1 出口, 步行約7分鐘
電話：2658 2277
開放時間：星期一至日 11:00 - 16:00
美味：★★★★★
環境：★★★★☆
老字號2：蔡潤記
一碗港式粉麵充斥住唔同時代嘅香港人回憶，而呢間馳名粉麵店以牛腩麵加爽滑彈牙魚旦最爲出名，唔少遊客都慕名而來！
圖片來源：LeDo ADs 呢度廣告
圖片來源：Twitter
小編提提你，一碗麵份量比較少，記得要加底哦~
店鋪基本資訊及點評：
地點：大埔東昌街7號（顯示地圖）
交通：港鐵大埔墟站 A1 出口, 步行約9分鐘
電話：2657 6460
開放時間：星期二至日 07:30 - 16:00 （星期一休息）
美味：★★★★☆
環境：★★★★☆
老字號3：林記點心
林記點心係一間位於大埔墟熟食中心嘅老字號，店内特色係豆豉蒸排骨飯同埋鵪鶉蛋燒賣，係白飯上面淋滿熱烘烘嘅甜豉油，十分美味，係當地居民經常光顧嘅人氣小店。
圖片來源：尋找隱世的味道
圖片來源： OpenRice
除咗林記點心之外，大埔熟食中心仲有好多懷舊小食店舖，有唔少都係由昔日橋頭大排檔演變而嚟，大家不妨去嗰度尋覓一下老字號。
店鋪基本資訊及點評：
地點：大埔鄉事會街8號大埔墟街市及熟食中心2樓CFS08-09舖（顯示地圖）
交通：港鐵大埔墟站 A1 出口, 步行約5分鐘
電話：9720 8932
開放時間：星期一至六 03:00 - 14:00 （星期日開至15:00）
美味：★★★★☆
環境：★★★☆☆
老字號4 ：亞婆豆腐花
豆腐花係大多數香港人嘅童年回憶，而大埔就有一間馳名老店，店内賣嘅豆腐花香滑可口，係大埔必食嘅懷舊小食之一。 店内座位唔多，每逢假期都大排長龍㗎！
食完正餐再去食碗滑捋捋嘅豆腐花，簡直完美！豆腐花可任加糖漿或者黃糖，唔使怕唔啱口味~
圖片來源：OpenRice
圖片來源：Foursquare
小編俾個貼士大家，上面介紹嗰幾間茶餐廳都同亞婆豆腐花好近，食完飯可以順便食碗豆腐花，俾小朋友品嚐一下懷舊美食嘅獨特之處，充完電再去玩~
店鋪基本資訊及點評：
地點：大埔大光里2A號（顯示地圖）
交通：港鐵大埔墟站 A1 出口, 步行約7分鐘
電話：不適用
開放時間：星期一至日 09:30 - 20:00
美味：★★★★★
環境：★★★★☆
【綠色郊遊】
第一站：蝶豆花園
有機農莊「蝶豆花園」佔地逾50萬平方呎，除咗有夢幻花海作打卡位，仲有一面天然湖，一家大細可以去搭天鵝船游船河，好好享受親子時光！
圖片來源：mamibuy 及 GetReady
園内有一大亮點，就係6隻來自澳洲嘅小羊駝，大家可以零距離餵食。除咗可以同可愛小羊駝零距離接觸、治癒身心外，仲適合俾小朋友學習動物小知識。
圖片來源：18 Hall
作爲大埔親子遊好去處，當然少不了遊樂設施。園内專程設置彈弓床、彩色滑梯、充氣彈床等等，包保小朋友唔會悶。
小朋友放電嘅時候，家長們可以去high-tea，品嘗以當地天然蝶豆花製作嘅下午茶！
圖片來源：GOtrip 及 TieTheKnots.hk
蝶豆花園基本資訊：
地點：新界大埔鳳園路8號（顯示地圖）
交通：乘坐來往大埔中心和鳳園村的小巴20M
電話：6583 5111 / 6583 3111
開放時間：星期一至日 10:00 - 18:00
網址：按此
詳情：大埔蝶豆花園有機農莊
第二站：嘉道理農場暨植物園
嘉道理農場佔地148公頃，係橫跨大埔同元朗嘅一個環境保育教育中心。園内所飼養嘅動物同埋蟲大多都係拯救返嚟嘅，如野豬、赤麂、紅鶴等等。
圖片來源：Topick-經濟日報
圖片來源：隨意窩
園内設有溫室小花園，除咗俾你有機會親親大自然，仲可以體驗遠足行山嘅樂趣。
另外，園内嘅藝舍仲有工作坊提供俾小朋友參與，包括織繩、畫畫等，唔使怕小朋友會悶~
圖片來源：HK01 及 V'air Hong Kong
園内環境寧靜雅緻，山清水秀，非常適合親子遊，亦可以打卡留低深刻回憶~
嘉道理農場暨植物園基本資訊：
地點：大埔林錦公路（顯示地圖）
交通：乘搭東鐵或巴士，於大埔墟或太和站下車，轉乘64K巴士
電話： 2483 7201
開放時間：星期一至日 09:30 - 17:00
網址：按此
詳情：嘉道理農場
第三站：元洲仔自然環境保護研究中心
元洲仔自然環境保護研究中心現時已被列入為香港法定古蹟之一，園内經常舉辦各種教育活動宣傳保育，活動種類多元化，有靜有動，如有元洲仔花園導賞團、多肉盆栽工作坊、海岸探索導賞團等等。
元洲仔秘密花園爲英式庭園風格，好適合打卡㗎！
圖片來源： Yahoo新聞
圖片來源： www.fso-createhk.gov.hk
元洲仔自然環境保護研究中心基本資訊：
地點：大埔大埔公路元洲仔段（顯示地圖）
交通：乘搭港鐵至大埔墟站，再轉乘搭港鐵接駁巴士K18至廣福巴士總站下車，徒步約10分鐘即可到達
電話：2651 0276
開放時間：星期三至日 10:00 - 18:00 （星期一二休息）
網址：按此
【玩樂景點】
如果覺得生態旅遊唔適合你，可以選擇去玩戶外運動！以下小編幫你嚴選咗兩個大埔玩樂好去處，亦適合親子遊。
第一站：香港青年獎勵計劃賽馬會愛丁堡公爵訓練營
位於林村嘅歷奇訓練營佔地5646平方米，適合一家大細去玩，營地設有巨型繩網陣、AR攀石、AR閃避球等等。
營地亦提供住宿服務俾家人朋友過夜，參加親子宿營都係一個唔錯嘅選擇！
圖片來源： 香港青年獎勵計劃
訓練營基本資訊：
地點：林村坑下莆90號（顯示地圖）
交通：乘搭港鐵至大埔墟站，再轉乘巴士64K/64P/65K或專線小巴25K
電話： 2627 2000
開放時間：星期一至日 09:00 - 17:00
網址：按此
詳情：林村歷奇訓練
第二站：Core Aqua Park 水上競技樂園
大家有冇睇過Running Man玩水上競技呢？而家可以親身去玩啦~
大埔水上競技樂園又稱小白鷺水上樂園，設有12個大競技障礙，如炮彈飛人、垂直滑梯、六米高嘅充氣滑梯等等，無疑係一個刺激好玩嘅消暑活動！
圖片來源：The Loop HK 及 Green Queen
Core Aqua Park 基本資訊：
地點：大埔滘紅林路2號（顯示地圖）
交通：乘搭港鐵至大埔墟站轉乘的士，車程約4公里
電話： 2465 3468
開放時間：星期三至日 10:00 - 18:00 （星期一二休息）
網址：按此
【打卡熱點】
第一站：香港鐵路博物館
香港鐵路博物館位於大埔墟市中心，原爲舊大埔墟火車站，以中國傳統建築風格設計。館内有多種火車展出，外牆亦保留咗傳統中國雕刻，欣賞中國傳統藝術之餘，亦可影相打卡留念。
如果小朋友鍾意火車模型，呢度就再適合不過啦！除咗可以親身一睹舊式火車嘅樣貌外，仲可以進一步認識火車嘅進化史。
圖片來源： Hong Kong D
香港鐵路博物館基本資訊：
地點：大埔崇德街13號大埔墟 （顯示地圖）
交通：乘搭港鐵至大埔墟站，步行約5至8分鐘
電話：2653 3455
開放時間：星期一及星期三至日 10:00 - 18:00 （星期二休息）
網址：按此
第二站：舊北區理民府
舊北區理民府係英國租借新界後興建嘅第一幢民政大樓，大樓主要以紅磚砌成，配以拱形嘅門窗，復古味十足。
路程較需時，要行一段小斜路。沿途枝繁葉茂，花草清香四溢，大家趁機做下運動之餘，亦可以感受大埔自然環境嘅幽靜。親子遊最緊要開心又放鬆~
圖片來源：U Lifestyle 及 GetReady
舊北區理民府基本資訊：
地點：大埔運頭角里15號香港童軍總會新界東地域總部羅定邦童軍中心（顯示地圖）
交通：乘搭港鐵至大埔墟站，步行經過春暉園和運頭角遊樂場，約10分鐘即可到達
電話：不適用
開放時間：星期三至日 10:00 - 18:00
網址：按此
第三站：Botanic Union
Botanic Union係一間隱藏於大埔林村嘅植物溫室小店，周圍充斥住異國風情嘅多肉植物，彷似秘密花園。有興趣嘅仲可以買小植物返屋企，老闆會好熱情咁教你種植技巧㗎。
店内佈置清新又文青，必定係打卡聖地 ！
圖片來源：人人焦點
Botanic Union基本資訊：
地點：林村較寮下65號(坑溪里入)（顯示地圖）
交通：乘搭港鐵至大埔墟站，步行至大埔墟站巴士總站，再乘搭64K巴士，較寮下落車，折返去坑溪里進入
電話： 5222 3314
開放時間：星期一至日 10:00 - 18:00
網址：按此
詳情：林村隱世打卡植物園
唔知道以上資訊可唔可以幫到大家計劃一個豐富而有趣嘅大埔一日遊呢？平日生活繁忙，不妨偶爾遠離城市煩囂，到大埔呼吸新鮮空氣~ 唔需要好遠嘅路程就可以享受清幽嘅大自然環境，仲可以淨化心靈。
其實，香港仲有好多好去處等住俾大家去發掘㗎，如果想去第二度玩，歡迎去 ReUbird 度睇下~
延伸閱讀：
- 【城門水塘】漫遊白千層 壯觀的水壩 | 城門水塘郊遊路線
- 【西貢好去處】最齊全西貢美食、打卡、郊遊攻略! 拍拖親子玩樂一應俱全
- 【石澳好去處】最齊全的石澳攻略 · 打卡行山燒烤BBQ盡在石澳
- 【南丫島一日遊】最詳盡的南丫島交通、景點、美食攻略