好多人話人大咗，經歷多咗之後，對好多嘢嘅睇法都會有所轉變。諗返以前，我會鍾意將工作排得密密麻麻，覺得要塞爆個schedule先至夠充實，收工之後會去gym room做多陣運動先返屋企，放假又會約朋友出去打波消遣。不過自從做咗爸爸之後，生活習慣同心態都唔同咗好多，每日除咗工作以外，我最期待嘅就係放工返屋企同家人相處嘅時間。因為我知道小朋友嘅成長階段都係非常可貴，作為父母最想嘅，就係可以同佢一齊長大，一齊探索呢個世界。當您見到佢由一張白紙，到慢慢學識好多新事物，就算只係好簡單嘅 ABC，或者開口講一句「爸爸」，都已經令我非常雀躍同感動。

上年因為疫情關係，令到部分工作要暫停，但亦都因為咁，令我多咗好多時間留喺屋企陪 Abi。我最慶幸嘅係，我屋企嘅財政大臣──即係Abi媽咪，一早已經教識我要有計劃地儲錢，以備不時之需，先至令我可以無憂無慮咁享受親子時光。而當今年收入穩定返嘅時候，第一樣想實現嘅都係要畀更好嘅生活屋企人，好似最近搬屋係想小朋友有更多空間成長，而屋企嘅傢俱擺設我都有份參與設計。除咗繼續努力工作同儲蓄之外，我亦都會將一部份嘅錢拎去投資，因為想預備定多筆教育基金畀Abi。

講到投資，我覺得人生唔同階段嘅投資取態都會唔一樣，就好似買車咁，年輕嘅時候追求型格同刺激，當然係會揀一部型號最新、性能最高最快嘅跑車，投資方面會比較著眼短期內嘅表現，最好可以喺一段時間內獲取可觀嘅回報；但而家成為咗一家之主，要照顧太太同小朋友嘅時候，就自然會揀返一部坐得舒服、安全嘅七人車，投資方面亦會諗得長遠啲，會想傾向透過唔同類型嘅投資產品，平衡返成個投資組合嘅風險同回報。

想了解更多唔同嘅投資產品同特性，又唔知應該點樣入手？Citi Plus就有一系列理財攻略同投資小貼士，可以由淺入深level up您嘅理財知識，畀您一路學，一路揀最啱您嘅投資產品。除此之外，您仲可以透過「您」想目標呢個function幫自己訂立各個儲蓄大計，只要set好目標，Citi Plus就會好似personal trainer咁guide住您去實踐，幫您輕鬆計劃將來！