父女戀!陳嘉上認與28歲內地女拍拖:家人知|即時新聞|東網巨星|on.cc東網

父女戀!陳嘉上認與28歲內地女拍拖:家人知

20180530
東網電視
更多新聞短片
雖然年紀相差30年,但陳嘉上與女友夏沫僑依然好夾。

現年58歲導演陳嘉上被爆有女友,年紀相差30年!陳嘉上女是內地演員夏沫僑,28歲卜卜脆,她更拍過陳嘉上執導的電影《畫璧》及《四大名捕》。最近夏沫僑嚟咗香港,同陳嘉上周圍甜蜜遊,二人翹住手去shopping之餘,仲不避嫌同住一間酒店。

陳嘉上接受東網訪問,亦大方承認與女友拍拖多年,佢笑言:「估唔到依家有人關心!」說到二人年齡相距30年,大家溝通如何同見過對方家長未?佢話:「家人都知道,但都唔想多講喇!」陳嘉上再於社交網留言:「哎呀,我的愛情生活不值得浪費其他人時間。我倆已經在一起一段日子,我感恩現在的生活,非常珍惜。謝謝大家關心了。 ​​​​」

陳嘉上於1990年因拍《小男人週記II 錯在新宿》而結識前港姐陳慧儀,兩人育有兩名子女,其後離婚。陳嘉上近年於內地工作,之前他被指曾威脅及性侵內地女星鄭爽,當時他於社交網表示願意與爆料者對質,之後鄭爽即時出聲明,指與陳嘉上合作愉快,更指謠言全都是憑空揑造。又好難怪陳嘉上咁鬼嬲嘅,原來人哋已經有一個拍拖多年、去到見家長地步嘅正印女友,嘩!分分鐘談婚論嫁㗎嘛!梗係要還自己一個清白啦!