堅離地愛堅離地|黃心穎女僕造型疑重見天日:希望帶俾大家歡笑
多次排檔又多次撤回嘅TVB劇集《堅離地愛堅離地》,2017年尾拍攝,本為2018年香港國際影視展17部推介劇集之一,但因為安心事件而被禁慘成倉底貨。最近張振朗喺《反黑路人甲》、《踩過界II》及《使徒行者3》都有亮眼表現,令《堅離地愛堅離地》再次重出生天,有指將會安排緊接《使徒行者3》後於月底播出。對於喺TVB最後一套存貨終於播出,黃心穎都有所回應。
最新5G手機12 Pro隨時屬於您!投選「01最賞睇娛樂大獎」兼答簡單問題,內容寫得最精彩、令人印象深刻及令人產生共鳴的答案就可以成為巨獎得主啦!
即投「01最賞睇娛樂大獎」兼答簡單問題,被選中內容最精彩、令人印象深刻及令人產生共鳴的答案,就有機會贏最新5G手機12 Pro,按此即投贏巨獎!
《堅離地愛堅離地》係一套時裝愛情科幻喜劇,故事以創新科技行業為背景,講述科技進步神速,人與人之間溝通的問題,由張振朗、龔嘉欣、黃心穎、陳智燊及劉佩玥領銜主演,更加係張振朗、龔嘉欣首套擔正男一女一嘅作品。可惜受累於安心事件,播出日期一拖再拖。此劇原時段乃緊接《鐵探》播完後,因節目調動關係原定抽起《C9特工》而改播此劇,但由於同年4月發生安心事件,其後時段由《婚姻合伙人》取代。
10月25日《TVB節目巡禮2021》播出片花中,《堅離地愛堅離地》有兩個鏡頭,估唔到突然被安排於12月28日播出。呢套戲播嘅時間一拖再拖,第二男主角陳智燊以及裕美都經已離巢,亦係黃心穎喺TVB拍落嘅最後一套劇集存貨,對於劇集終能播出,黃心穎回應《香港01》話唔清楚播出安排:「No idea.公司的安排你問返佢地啦。have a good day!替劇組開心。在抗疫期間希望套劇能帶俾大家娛樂同歡笑。」而主角之一的龔嘉欣則表示 :「我都唔清楚啊,如果係真嘅都會開心,因為每一套劇集,台前幕後,都放咗好多心機,希望快啲比觀眾睇到!」