基隆茶餐廳

營業中

休息中

今日一反常態 , 冇去 coffee shop 飲咖啡 ....反而去了位於 深水埗-北河街 的著名 💛「黃店」基隆茶餐廳 食下午茶 , 飲茶記齋啡 ~我們點了 支竹火腩飯 (跟齋啡) & 蝦多士拼薯條 (跟凍檸茶) ~支竹火腩飯 : 勁夠風味 , 吃得出是廚師落足心機去煮 , 芡汁的稀杰度和味道是煮得不錯 , 火腩是肥瘦均勻 , 夠味亦不過鹹 , 支竹都入味 , 很有水準 ~蝦多士拼薯條 : 蝦多士炸得金黃脆口 , 餡並非蝦膠肉 , 反而是蝦仁&沙律醬 , 有夠特別 , 薯條也炸得夠透 ~齋啡 : 味道正正常常 , 啡味都算濃郁 ~凍檸茶 : 夠茶味亦夠檸檬味 , 不錯喝的 ~可以講係食物美味 , 價格便宜 , 而且立埸黃到金 , 絶對值得多多懲罰 ~本篇完 ~

今日經過深水埗肚餓，見深水埗地鐵站口有間茶餐廳就入去試下。叫左兩個餐， 馬拉盞通菜豬頸肉同埋豉椒蒸馬友。馬友好大條。好新鮮 好好味。馬拉盞通菜就好野味。整體食物質數唔錯。應該會再次光臨食其他東西。

講到基隆我第一反應都係台灣🤣好少有機會去到深水埗，係香港肉餅關注組見到過一次相，仲係良心店黎，咁就一定要幫襯啦💛出地鐵站就可以見到真係超醒目👀手寫餐牌上今日蒸飯有咸蛋蒸肉餅我即刻揀定😍一點幾到都幾full，入去啱啱好係最入邊仲有一個位😂嗌咗之後好快上黎，見到個肉餅就覺得好正🤤好大塊又好厚身🤤個邊好似有一節手指咁厚～肥瘦均勻食落唔會覺得油，肉質緊實鮮香有咬口，完全米飯殺手啊！係我鍾意既肉餅style💛本身我有啲後悔唔記得叫少飯，到最後飯都食得七七八八🤣不過我就覺得飯硬咗少少🙈even覺得硬我都食咗咁多個肉餅真係出色👍咸蛋蒸肉餅 8.0/9店內氣氛好街坊，店員都好nice，一個熱檸水都有四片檸檬好良心😆lunch肉餅飯加嘢飲只要42蚊真係平靚正💛

今日又同大家遊歷全港各地唔同嘅茶餐廳，嚟到位於深水埗好出名嘅基隆茶餐廳❗️❗️❗️腐乳通菜豬頸肉飯 $42平時食茶餐廳嘅話，通常都多肉少菜，食得多出邊野成日都唔夠纖維，今日叫咗呢碗腐乳通菜豬頸肉飯，啲菜多到滿瀉😍😍腐乳：腐乳好多，攞嚟撈飯又得，又唔會太濃味太鹹，食落好惹味 👍🏻👍🏻👍🏻通菜：份量好多，又好新鮮，唔會煮到太老，又爽口🤘🤘🤘豬頸肉：煮到啱啱好，又冧又入味，正👍🏻👍🏻整體來講質素幾好，價錢又平，呢個時勢食到四字頭嘅飯都真係唔容易

今日係深水埗放工，好肚餓，突然間好想食茶餐廳既小炒，所以決定試一試呢間基隆茶餐廳小店。位置唔算多，每張圓枱都有隔板，因為坐正電視機下面，果時播緊歌，都幾大聲🙈。乾炒牛河$44好有鍋氣，睇得出係落單即炒即上枱，份量都幾多，炒得好惹味，河粉好入味，連埋芽菜一齊食，口感超正。另外，牛肉片都多，性價比高。下次一定再嗌！焗豬扒飯或意粉🍝$48今次揀左配飯，醬汁就揀左鮮茄汁，豬扒有手掌咁大塊，好軟淋下，番茄醬汁好下飯。

有事要去深水埗，search到尼間黃店茶餐廳，決定lunch黎試下！首先要讚環境幾靚，又唔會逼，食得幾舒服番茄雞肉通粉 配火腿庵列 西多士(+$1) 凍檸茶 $41 ★★★★★👍番茄湯好濃，唔知點解有小小似羅宋湯🙈👍雞肉好滑，可惜份量較少👍炒蛋好有奶香味又狗滑👍西多士烘得啱啱好脆又唔會燶👎檸茶好苦澀，飲左一啖就唔想再飲整體黎講個餐真係好好食，分量十足，兩個人食一個餐都夠飽！下次會試下番茄牛肉🤤

街坊系列 –基隆茶餐廳💛由運動到抗疫😷同文華一樣都係文宣組既佼佼者立宇宙法後😡店內一樣係少左大量靚靚既文宣🥺但都仲有少量吉祥物同合格文宣🤗------------------------------環境: 深水埗店係新既分店😄裝修比較上新整🛠️樓底十分之高枱同枱之間有易拉架做分隔座位並唔算多,大約20個左右------------------------------食物: 蕃茄雞肉麵 ($40)🍜蕃茄湯非常香🍅重重既蕃茄香味加上大量既椰菜🥬洋蔥🧅甘荀🥕為湯底增添自然既甘甜味😋雞肉唔會太老太難咬,用左雞脾肉🐥份量都唔小,食到尾都有雞肉😮公仔麵正常,無煮到一PAT PAT🥢海鮮鰻魚炒飯 ($58)🍛一定要先講份量😰真係好多多多多😱大約有2碗半飯既份量,細食女仔要注意👩🏻鑊氣亦非常之夠,每粒飯都好乾身配料有鰻魚,魷魚粒🦑生菜等等加上鰻魚汁快炒,風味十足,CP值非常高💯------------------------------服務: 店員普遍年紀比較大既叔叔姨姨🧑🏻👨🏻但絕對唔係一般見識既廢老😤有禮貌,有笑容,唔會催你落單同走茶餐廳黎計,一定係合格以上👍🏽-------------------

今日經過呢度食早餐，要知道深水埗最出名嘅係豬膶麵，而呢度就有個薑酒豬膶麵，而且早餐連飲品只係$38，凍飲加兩蚊。佢都冇來早餐已經好快上，面底係一般茶餐廳嘅面底，而豬潤就好普通，而且好像煮多咗時間。面上面鋪滿滿滿的姜蓉，但食落去其實唔係咁多薑味，呢碗麵只係可以算係普普通通。下次再嚟應該食返普通嘅早餐就算！

*念念不忘胡椒豬肚湯*早前和大家分享過基隆茶餐廳的胡椒枝竹咸菜豬肚湯，隔左一排都好掛住啦！今次我地除左叫胡椒枝竹咸菜豬肚湯，仲叫埋蒸魚套餐，條豉汁蒸馬友真係好大條，一上枱果下都真係嚇親，好彩無叫好多野食，如果唔係兩個真係會食唔晒。條豉汁蒸馬友蒸得啱啱好，肉質口感好滑，好入味，跟餐送白飯，是日老火湯和餐飲。重點再推介胡椒枝竹咸菜豬肚湯，一定要試，實在太好飲！胡椒味好開胃仲好暖胃，撈飯一流，我地一大碗全部飲晒。

盤菜足料，另奉送1枝汁，價錢實惠。茄汁蝦好好味，西蘭花仲好青綠，無焗黃，鮑魚仔有鮮味。如果可以多啲枝竹、蘿蔔，少啲蓮藕就更好啦，因為呢盤太多蓮藕，同埋切得太大舊。總結味道啱啱好，無過咸過濃味，食完唔會口乾，汁嘅味道調教得很好。

難得星期六中午唔洗排隊～選擇好多花多眼亂，見到小食有炸鯪魚球就一定會點！正餐呢最後點咗茄子炆米，紅豆冰。以為紅豆冰係特飲+$5，點知姐姐話佢唔係特飲要$12。想飲就算喇都照要！茄子炆米好濃好香，一啲都唔硬但又唔會碎濕濕！好好食！未食過咁香濃嘅炆米！另外炸鯪魚球就外脆內軟，無腥味無魚骨！炸完熱辣辣食個時要小心！而且粒粒都好大粒～至於紅豆冰唔會太甜，好多紅豆。唯一美中不足就係紙吸管好幼，紅豆會卡住好難飲⋯店員個個都好有禮貌好熱情❤️

最近天氣開始凍，又係食蛇羹保保暖嘅時候食蛇羮幫助血氣運行，滋潤養生，奈何最近疫情又嚴重返,好難出街食...基隆最近除咗小菜外賣套餐，仲推出咗蛇羹餐，咁就安坐家中都可以品嘗美食menu有幾個選擇，可以揀小菜+ 蛇羹2碗 + 糯米飯2碗或者蛇米餐：蛇羹2碗 + 糯米飯2碗($180) 今次點了沙姜雞同X0醬荷芹炒肥牛，肥牛肥美又唔會太肥，糯米飯好暖胃，最後食埋蛇羹，由於外賣都有d涼左，自己加熱返就💯混合蛇肉、肉絲、木耳絲，口感實在，仲附有脆脆，食完成個人都暖笠笠

同朋友去左深水埗買野，原來都有幾多手工材料選購，一睇就睇唔停，買下買下就到晚餐時間，知道附近有間一定要支持的新開分店，就係基隆茶餐廳。我同朋友點了一份小菜套餐，係椒絲通菜炒豬頸肉，跟餐送白飯，是日老火湯和餐飲。椒絲通菜炒豬頸肉好好味，份量都好大碟，豬頸肉都有好多片。另外再點了一個胡椒枝竹咸菜豬肚湯，真係真係真係十個好味呀！胡椒味好開胃仲好暖胃，撈飯一流，佢地見我地有兩個人，仲送多一碗白飯俾我地。我同朋友都話下次一定要再黎食多次個胡椒枝竹咸菜豬肚湯，好令人回味！但係疫情爆發期間，食飯的枱無用隔板，我見有時要同陌生人同枱，呢點真係需要改善。

此店一向駱驛不絕，今次疫情下光顧了午餐set，店子座位不多，每小枱加了不透明隔板，所以搭枱也有私密性和安全感，不過若二人幫襯就是感覺窄了。是次叫了沙薑雞飯配熱奶茶，茶多奶很滑，只是茶味不太濃，雞份量大到似酒樓例牌菜，壯觀且華麗，分開另一碟上有胸肉和髀肉，感覺雞最好的部位全都擁有了，肉香也滑連大量的雞汁及沙薑醬十分下飯，而飯也極大碗用上靚米甘甜，套餐價$45考慮到分量和極佳質素真不愧茶餐之霸。深水埗乃城中窮區，區內不乏大量美而廉食肆，而且交通方便，西九龍商場及黄金/高登電腦城也近在咫尺，適合大眾到訪留連。

而家嚟親深水埗都會去一去基隆星米算一流, 夠味5油有鑊氣~~之前見人哋話必吃乾炒牛河, 味道5錯, 不過個日我吃嗰個冇乜鑊氣, 得暖暖地...豬頸肉炒河油左D啦~!整體嚟講都OK嘅!服務都5錯!!