圓玄學院元辰殿（又稱太歲殿）係香港著名拜太歲嘅地方。主要供奉儒、佛、道三教，並兼關帝、觀音等神衹。

今日年初四係最暖嘅初四，排隊搭小巴都等30分鐘。但係，場地仍然香火鼎盛，善信「打蛇餅」排隊，至少排1 小時以上入殿，到殿內中央的「斗姆元君」參拜。
由於小編趕時間，小編喺殿外炷香，媽媽替一家人入內參拜，不得不佩服佢嘅誠心，唔知排完未呢😹本來5點關門，但咁多善信，應該會延遲唔少。

拜太歲亦有步驟講究。
☝🏻殿外參拜
✌🏻殿內中央的「斗姆元君」參拜
🤲🏻拜訪38號「當年太歲」
🤲🏻再到自己「本命太歲」參拜

如果唔想排長隊，我哋可以運用新程式，網上購買太歲衣包同代拜太歲。

自高中以來，小編好少去圓玄學院拜神，印象中仲係停留喺初中一家人駕車遊，仲見到劉青雲同郭藹明。 🤣

今年小編一家犯太歲，新年又無特別節目，就跟隨去啦。 以往每年難得大家放假，去澳門食葡餐、自助餐，碰下運氣（有收$10 嘅賭大細機🤣小有小賭）

除咗拜神求簽，仲有食齋菜先夠誠心。

羅漢賜福祿 （羅漢上齋）$130
大集匯，有冬菇、蘑菇、粟米芯、白菜。
慧根映彩虹（菠蘿生根）$110
較為酸甜，記得要拌飯食。除左菠蘿仲有三色椒。份量算多。
仙班大賀壽（年年有餘-芋頭魚）$130
小編最愛，每次必叫，較為少見，外層香脆可口，內裏啖啖軟綿綿芋蓉。
甜甜蜜蜜（生磨合桃露）$30/ 盅，$85/ 窩
相對合桃露無咁濃味，新一年補下腦先。😹

圓玄素菜館
荃灣三疊潭老圍路圓玄學院
綠色專線小巴81 號, 於總站下車
星期一至日11:00 - 16:00

位於荃灣的小山上，遊客可以乘搭小巴由荃灣港鐡站出發前去，大概15分鐘車程。那裏是中國傳統文化和宗教的合體，非常值得一去。在傳統節日是會比較多人，所以要注意這點。

大家新年都會去拜拜，我就去左荃灣嘅圓玄學院，等81小車都等左好耐呀！圓玄學院有蕭三教（儒家佛教道教），亦有觀音像同十二生肖嘅石岩。小弟係度為香港祈福，希望新一年香港會繼續發光發亮！