單文柔孖閨蜜好舉行驚喜婚前單身派對　「係女人的浪漫」

視帝陳展鵬與未婚妻單文柔 (Phoebe) 將於本月13日舉行婚禮，正式拉埋天窗，現已進入倒數的階段。呢日Phoebe的兩位好姊妹，與她同樣是參選2016年港姐出身的劉穎鏇與魏韵芝，就為她搞了一個婚前的單身派對，為呢位索爆準新娘送上驚喜。三位靚女亦分別於她們的IG post了這個party的靚相同大家開心share。

相中見到Phoebe戴住皇冠同頭紗，笑得好sweet好幸福，她於IG的post留言表示：「去匆匆，前一晚我仲想取消見面，因為我時間真系唔夠用，你地話一個鐘都好，結果送了一個super big surprise俾我，我有想過搞一個bridal shower，但因為有太多要處理，所以打消了念頭。Bigbigthanks!!!!!」她更形容這是女人的浪漫。相信準新娘Phoebe近期都係忙於籌備婚禮，已經無咩時間做其他事，難得兩個好閨蜜知道她的心意兼且又咁有心，當然令她非常感動啦。

一齊睇下Phoebe個婚前派對嘅靚相，同埋再loop多次佢同陳展鵬嘅pre-wedding靚相啦。