Facebook

啟德SOGO嘅「雙子塔式地標」建築，佢嘅「設計圖」好耐之前已經喺網上流傳( https://lihkg.com/thread/1965070 )。不過官方從未證實設計圖嘅真偽，隨住大樓工程展開，就直接去地盤現場睇睇啦～

第一張圖係地盤告示板影嘅位置圖(圖1)，展示咗SOGO兩邊地盤嘅位置同建築面積：紫色嘅係非建築面積，唔會起樓；紅色就係會起樓嘅範圍。

第二張係協調道地盤(Site A)嘅航拍相(圖2)，同圖1比較，兩者嘅建築範圍係吻合嘅，所以圖1都算如實反映建築外型。

然後拎圖1同流傳嘅設計圖比較，唔吻合嘅地方都幾多，例如大樓底部線條唔似；大樓向上收窄嘅形態亦唔一樣。

雖然我喺網上都見到其他模擬圖，啲圖同實際建築都幾吻合，不過未經證實都係唔擺住，費事嚇親大家。下星期SOGO母公司利福國際開董事會會議，期待有更多啟德SOGO嘅消息發佈。

#啟德資訊 #啟德SOGO #啟德1E2用地

—————
如果呢個專頁能幫助你更深入認識啟德，不妨考慮用PayMe資助 ( https://payme.hsbc/ktas )，鼓勵持續發掘更多啟德嘅資訊。但更重要嘅係希望大家多啲關心啟德社區，多留言多交流，一齊參與社區，令社區健康發展～