唐文龍自爆性傾向

年屆四十七歲嘅唐文龍，自從同空姐女友分手之後，已經好幾年無拍拖，所以上年畀人影到佢同劉永健喺圓方甜絲絲歎茶，對方仲對唐文龍手多多掃背，成個畫面即刻好hehe。早前，唐文龍就同東姑呻：「我同女仔食飯，你又話我哋拍拖；我同男仔食飯，你又話我哋係基民，呢個世界唔係男就係女。我好肯定話畀你知，我一定係鍾意女人，仲要係非常之鍾意嗰隻。」佢自爆情人節同咗一位靚女食飯，不過對方唔係佢嘅女朋友，只係一個好、好、好、好嘅朋友。

日前，東姑去咗一個星星聚餐，除咗有唐文龍、李龍基、林雅詩，仲有好耐冇見嘅藍莓（劉俐）。當晚，好多人覺唐文龍唔單止大隻咗，仲話佢個樣好似謝霆鋒，既有型又大隻，食咗防腐劑咁款，唔怪之得佢唔急搵女友啦！

當晚，好多人都覺得唐文龍唔單止大隻咗，個樣仲好似謝霆鋒喎。

唐文龍一舉手一投足，都充滿肌味，男女都冧死！

就連林雅詩都忍唔住，要捉住呢位大隻佬影番張合照。

莫講話女人見到唐文龍咁大隻，都為之瘋狂，就連李龍基都忍唔住要向佢集郵。