214
89
29
港鐵宋皇臺站B3出口, 步行約1分鐘
繼續閱讀
電話號碼
26232006
開飯介紹
餐廳由有80年歷史的「大和堂蔘茸藥行」舊建築活化而成，內外的裝修都富有歷史價值。主打西式菜餚，當中以「雞蛋仔與雞」最有噱頭，即港式雞蛋仔配炸雞，再淋上薑汁糖漿。
繼續閱讀
營業時間
今日營業
08:30 - 17:15
星期一至日
08:30 - 17:15
公眾假期
08:30 - 17:15
公眾假期前夕
08:30 - 17:15
以上資料只供參考, 請與餐廳確認詳情
有關獎賞計劃
食家推介
☕️九龍城百子櫃打卡Cafe☕️-呢間由著名九龍城地標中醫館大和堂改建成嘅咖啡店成日都好有人氣 周末勁多人排隊😗 所以難得平日放假 就去食吓佢😜-🐣雞蛋仔與雞 炸雞配waffle可能大家有食過 不過轉咗香港味嘅雞蛋仔加炸雞就好少見👀 佢嘅雞蛋仔係伯爵茶口味 茶味都幾出 唔會好甜🤓 炸雞係外層裏好大塊脆脆嘅炸粉 食落卜卜脆 每件都有充足嘅汁包住😗 最有特色係佢用咗葱味好濃郁嘅葱油汁 好有中西合璧feel😂 不過大家記住要趁熱快啲食 因為我地掛住影相所以個雞蛋仔遇上醬汁所以開始淋咗😂-🥪口水雞三文治 唔想食pasta所以㨂咗呢個light少少嘅sandwich😝 麵包有先烘過 乾乾脆脆 唔怕吸收醬汁後變淋😎 本身以為係涼拌嘅口水雞做饀 不過原來佢係用炸雞再加上口水雞嘅川辣醬汁😂 炸雞一樣係走大塊脆脆炸粉流派 不過因為個包都係乾脆路線 成份食哂會有啲渴口 醬汁可以落多啲😉-🌹玫瑰鮮奶打卡靚靚嘅玫瑰鮮奶 望到佢係用日本明治牛奶 夠晒滑😎 加上玫瑰同些少蜂蜜 有花香亦唔會太甜😘-☕️大和堂拿鐵咖啡呢杯係佢地嘅signature latte 係以鮮奶拿鐵作為基底 加上蜂蜜同伯爵茶茶粉😗 奶泡綿滑 飲落有啖啖嘅earl grey餘韻 同蜂蜜味🐝 層次滿滿-📍大和堂咖啡店 (九龍城)九龍城衙前塱道24號地舖
繼續閱讀
1920年大和堂蔘茸藥行，捱過日本侵華時代，見證住九七回歸，至2017年正式結業。2018年舊鋪活化，百子櫃、鐵閘、長木椅、金漆牌匾仍然保留。先唔評論食物同咖啡，只係以上歷史同事物已經足夠我去一探究竟👍🏻平日下午去已經人山人海，根本坐無虛席，一路食一路都有人入嚟。如果要評論埋食物同咖啡，令我更加欣賞👍🏻座位數量適中，坐得舒服，唔狹窄。好欣賞佢將以前牌匾仍然保留之餘，仲加入咗啲新嘅元素，兩者毫無違和感。Barista位置後面成大個百子櫃，將作狀嘅手沖咖啡推到極致🤣(真心好少寫食評係寫到呢度都仲講緊環境以非食物🤣)本人係手沖咖啡愛好者，與專業一詞毫無關係，但仍然好喜歡同Barista吹水學野。$80/Hand drip，(唔好意思忘記咗邊隻豆)飲到有層次，flavour of almond and plum！很可以！店員仲介紹埋另外兩款豆俾我，諗住下次再番去encore㗎啦❤️傳統英式早餐 $108好食就係天經地義🤣如果All day都唔好食，呢間cafe…都可以保留嘅，因為coffee好飲🤣大和堂聯乘李輝記漢堡包 $168反而想讚嘅係呢個漢堡包，李輝記係九龍城好出名賣凍肉嘅舖頭，每逢過時過節打邊爐就會排長龍🤣喂估唔到平時打邊爐嘅牛肉整成嘅漢堡包，係咁好食😋同埋上面塊煎蛋，個蛋黃流心到好似假咁，靚到一個極點。大和堂曲奇 $48/塊係唔平㗎啦，但係佢竟然有嘉應子味道嘅曲奇，喜歡試新嘢但又怕伏嘅我，只係嗌左朱古力曲奇🤣正常發揮嘅好食。唔知醜嘅我問店員R左半塊嘉應子曲奇試🤣(其實仲想試臘腸雪糕Pancake and 鴨肝菠蘿油，呢啲新奇野🤣無奈胃太細，都係留返下次先）味道偏甜，唔伏嘅，但未必係我口味。下次想試埋ginger and nuts 🍪 好少真係打咁大篇嘢，但係呢間Cafe係值得，的確會再encore👍🏻推介大家試試佢❤️
繼續閱讀
唔好再懷緬啦，就算佢搵返我今次真係忍無可忍㗎啦冇事冇干嘅時候，我哋禮拜日會一齊食早餐佢先返工。多數以Cafe為主啦，因為難得weekend梗係食好啲啦。多數我哋會嗌一份Yogurt bowl 另外一份正常將每人嗌杯咖啡今次都唔例外,另外嗰份我哋要咗牛油果蕃茄蛋sourdough! 呢度嘅Yogurt Bowl 用咗橙嚟做其中一樣水果，有啲特別，出面多數都係Blueberry啊，士多啤梨🍓等等 Sourdough 都唔算好硬淨，用刀切都切得開，唯獨係個蛋佢係用咗烚蛋切片中以為諗住下次嚟試吓炒蛋添，而家應該冇機會有下次。（i mean同佢一齊。）算啦算啦拖拖拉拉都10幾年啦，都係時候要沽貨啦，真係唔夠佢玩要放棄
繼續閱讀
大和堂一直響我wish list, 一直未有機會試，難得今日放假，就過嚟碰下運氣有冇位先！可能過咗peak hour, 幸運地可以直入。佢安排我哋坐咗一張大檯，感覺係前身店舖張檯已有響度。佢哋保留咗一啲之前舖頭嘅特色裝修，例如百子櫃，有一度好舊嘅鐵門入去後面嘅洗水間，充滿特色😊我哋分別叫咗自家製熱香餅，雞蛋仔與雞，法式焦糖多士。熱香餅最有特色嘅係，佢有幾粒好似反沙芋嘅脆糖，仲有佢跟嚟嘅蜂蜜，蜂蜜唔太甜👍🏻，配熱香餅剛剛好👍🏻👍🏻雞蛋仔與雞係俾佢外觀吸引咗，雞蛋仔略嫌多粉咗啲同唔夠脆，但呢個配搭食起上嚟就冇咁漏。最後嘅toast 係我想食嘅French toast, 充滿蛋漿，唔錯唔錯！而咖啡方面，我揀咗佢哋嘅推介，大和堂鮮奶咖啡同冷泡咖啡，杯latte原來係伯爵茶latte，飲落仲有淡淡蜜糖味🍯Cold brew上檯時跟咗個茶樓飲茶嘅茶杯仔，好貼合呢間cafe嘅整體裝修同陳設😊
繼續閱讀
睇報道介紹睇過好多次，都想一心理嘗試吓點樣將中國古式混合西方咖啡店，就咁聽都覺得非常有創意，無奈地點離我屋企都比較遠，難得今日經開九龍城就一於試一試佢環境：一如以往我預期的一樣，是將港式古式既裝修風格融入去西方嘅食物文化，這兩個配搭真是非常特別。店內坐得都比較舒服，乾淨企理，冇異味，上菜速度都好快，服務員親切有禮全日早餐加咖啡：食物就中規中矩啦，份量不算很多，不過去開咖啡店食嘢都知道一定係咁，所以呢樣嘢冇得挑剔總結：如果嚟到大家係想食味道嘅就可能未必適，這間店都係想感受一下中西合璧，裝修文化的體驗
繼續閱讀