沖一杯高質既咖啡除左要有恰到好處既酸度、醇度同香氣之外，吸引人既賣相都好重要！優雅地融合左咖啡同鮮奶嘅拉花班近年人氣急升，無論係幾精緻既圖案，拉花師都可以創造出令你心動既造型咖啡。鍾情咖啡既你又點可以唔嘗試下咖啡拉花？以下小編為大家推薦3間香港人氣咖啡拉花班！
大家對咖啡拉花藝術有興趣，但覺得購買咖啡機、蒸汽打泡機好昂貴？又擔心自己係屋企好難試到。唔洗擔心，以下小編將會為大家介紹3間人氣咖啡拉花班。係專業既導師指導下，你將會了解到更多關於咖啡既資訊，直接自己動手玩轉拉花，創造獨一無二既咖啡。從中更可以透過同導師既交流學習如何品嚐同享受咖啡！
首先為大家介紹既係觀塘既Coffee Studio-咖啡.工坊，距離地鐵站只需要3分鐘步行距離，位置十分方便。
Coffee Studio係香港其中一間人氣極高嘅咖啡教室，最初店主因為覺得香港人生活急速又大壓力，所以就為大家推出咗唔同嘅咖啡工作坊希望為大家減減壓有一段慢活的時光！而佢地嘅拉花班推出左之後更係大獲好評，係Facebook上更係獲得左超過七十個5星好評！可見學生參加完都十分滿意佢地嘅質素。
Coffee Studio 選料十分嚴格，店內亦選用新鮮優質烘焙咖啡豆。Coffee Studio唔單止係一間咖啡教室，仲有係一間咖啡素食館。Coffee Studio推廣環保、慢活、社區概念，旨在為顧客一處心靈綠洲係繁重既生活下，絕對係一個令你遠離煩俗既好地方。聞住濃濃既咖啡香氣，一切煩惱都悄然消失。
Coffee Studio既課程種類好豐富，唔單止有一般既咖啡體驗學習班，仲有咖啡禪、咖啡探索之旅，從各種課程剖析咖啡真諦。
咖啡拉花工作坊
除左以上嘅課程，當然就係最受歡迎嘅咖啡拉花工作坊啦！係工作坊，導師會教你如何運用不同拉花技巧去拉出一杯精巧嘅拉花圖案！Coffee Studio嘅基礎拉花課程係專門設計畀冇任何咖啡經驗嘅朋友，就算係第一次玩都冇問題！專業嘅咖啡導師會全程喺你身邊，有任何唔明都可以隨時發問。等你可以由零開始由淺入深慢慢接觸拉花。
係兩個鐘嘅課程中，參加者可以係舒適嘅環境下慢慢享受拉花嘅樂趣，完成左之後仲學識三款唔同嘅拉花圖案，十分有滿足感！學習好拉出基本圖案後，你仲可以自由發揮，創造更具創意既圖案。導師亦會透過各種練習方法，令學員係短時間內掌握拉花技巧！
雖然用料同導師都十分高質，但Coffee Studio嘅收費都十分親民，2人同行時$430/位就可以玩足兩個鐘，性價比極高！拉花課程係佢地Best Sale之一，有興趣嘅朋友就快嘅預約啦！
Coffee Studio
⏰ 【時間】2小時
🗺【地點】觀塘
💰 【費用】$480/位 (二人同行$430／位)
Coffee Studio 熱門課程
| 三類咖啡沖煮工作坊 | 基礎咖啡拉花工作坊 | 手沖精品咖啡實習工作坊 |
| $480 (二人同行 $430/位) | $480 (二人同行 $430/位) | $480 (二人同行 $430/位) |
| 2小時 | 2小時 | 2小時 |
| 適合任何人士 | 適合任何人士 | 適合任何人士 |
| 課程詳情 | 課程詳情 | 課程詳情 |
第二間係位於葵興既Tasse Coffee。Tasse Coffe係香港其中一間最出名嘅咖啡工作坊，更經常受各大傳媒平台如叱咤903、ViuTV等追訪。佢地提供多款高質素嘅咖啡工作坊，而當中最受歡迎就係咖啡拉花體驗！課程為1.5小時，價錢每位$450!
課程內容十分豐富，包括認識基本拉花工具、親身用咖啡機學習打奶、當然仲有幫你地打卡嘅時間！課程完成後，每位參加者更可以獲得一包香味十足的咖啡掛耳包，令你回到家都能回味咖啡香氣及時光！
工作室地點非常方便，距離葵興站只需要5分鐘步行距離。課室環境寬闊，教學環境十分舒適！
導師經驗豐富，已有多年咖啡沖調經驗，而且所有導師均考獲Latte art grading system 的課程證書， 師資質素得到認可。除左教班之外，Tasse Coffee亦曾為不少大小企業、學校、機構開辦咖啡班，導師纍獲好評。就算零經驗都可以放心參加，係導師在旁指導下，令任何程度、任何年紀學員都可以瞬速掌握拉花技巧，拉出最靚既拉花。課程亦有輕鬆自在的氛圍，令學員在學習拉花期間身心都得以放鬆。
導師對咖啡豆嘅要求非常嚴格。嚴謹挑選高質咖啡豆，保證咖啡班所用既咖啡都係高質素材料。除此以外，教室仲配以先進專業咖啡器材。難怪佢地嘅咖啡拉花班都係好評不斷！
TasseCoffee
⏰【時間】約1.5小時
🗺【地點】葵興
💰【費用】$450/位
最後一間介紹既同樣係人氣之選，ArtCoffee Studio位於觀塘萬年工業大廈2樓O2O Mall，距離觀塘地鐵站約5分鐘步行距離。如果鍾意私隱度高嘅情侶/閨蜜就千祈唔可以錯過，因為佢哋嘅拉花課程都係每班最多2人，真正小班教學，唔洗排長龍等用咖啡機，導師亦可以專心咁教授你同朋友或者另一半，等你哋可以享受開心嘅二人時間！
為咗學生可以有更多試玩嘅時間，課程分咗兩堂進行，每次九十分鐘。課程中導師會教你拉出唔同的圖案，以及各種畫花圖案如柯基、小豬仔、樹等。課程完咗之後仲可以喺十分具文青設計嘅教室到慢慢打卡影相！
第一次參加拉花課程嘅朋友亦無需擔心，因為導師會由零開始教授各種技巧，快啲搵埋另一半或者朋友一齊參加啦！
ArtCoffee.Studio
⏰【時間】約3小時 (1.5小時 x 2堂)
🗺【地點】觀塘
💰【費用】$650／位
