Disc 1 係來自華星時代歌曲,《聽不到的說話》《甜蜜十六歲》
《妳令我快樂過》《求妳講清楚》《每段路》大熱歌曲都有收錄
而 Disc 2 就係華納年代,有《流浪花》《傳聞》《彎彎的月亮》
《沙沙的雨》等等,我最愛果首《爭取時間》都響入面
最後 Disc 3 就係國語歌曲,香港人比較少聽到呂方國語作品
最多人認識嘅應該得《愛一回 傷一回》《老情歌》呢兩首
有一首比較特別,叫做《愛飛翔》,係一首改編歌
改編自全球大熱英文歌,R. Kelly《I Believe I Can Fly》
呂方開演唱會,所以先會有呢張精選專輯出現啦
其實今次演唱會,佢做左一首新歌叫做《偶像荒》
仲有 KB 響首歌入面幫佢 rap,係一首快歌,Wyman 填詞
首歌其實幾得意,講而家越來越少偶像,造成「偶像荒」
同時 KB rap 詞就係講呂方,所以又可以睇成「偶像方」
不過我真係唔知點樣俾大家聽到,電台好似無乜播過呢