吳若希結婚5周年被促「大戰一場」竟然叫老公：結紮咗先！
廣告
現年30歲的吳若希（Jinny）同老公何兆鴻（Alex）自2017年結婚，先後誕下一對子女，日前她同老公撐枱腳慶祝結婚5周年紀念，就被網民催促兩人係時候「大戰一場」再生多個，但吳若希卻即時落閘，話要戰就要「結紮咗先」！
吳若希 親自訂枱慶祝
吳若希過往經常絕世港女上身在社交網公審老公Alex，今次慶祝結婚5周年紀念，吳若希亦有大呻老公在這個大日子不但沒表示，更要她親自去訂枱，不過她對這一餐亦好滿意，大讚：「呢間餐廳真係好正！」
有網友留意到何生Gel了頭，十分隆重其事，吳若希就大爆：「係呀！佢等呢張相等咗成晚！餐廳職員一話幫我哋影相佢就企起身～～～積極嘅程度令到我呆咗！」
被麥美恩催生多個
不少圈中好友都留言恭賀吳若希「Happy Anniversary」，麥美恩更搞笑話：「係時候生多隻！何生有心有力！」吳若希就反問她：「生完係咪你領養？」麥美恩回答：「改姓麥嘅，我OK！」
網友亦叫吳若希：「咁耐冇見趁今晚係時候大戰一場，何生有心有力啊！」吳若希就再度落閘拒絕話：「結紮咗先啦！」睇嚟真係「兩個夠晒數」！
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
關鍵詞
吳若希
撰文：東方新地圖片來源：IG@ jinnyng
