《老表》系列編劇幕後衝出幕前 29歲才女吳沚默IG派福利

撰文：東方新地、圖片：東方新地/吳沚默IG

吳沚默從幕後衝出幕前

電影系畢業的Momo身兼演員、作家和編劇三職，作品有《老表你好嘢》系列和彭浩翔電影《同班同學》等，自己也有寫小說和投稿到不同媒體，是名副其實的才女。當年因為王祖藍找她一起寫劇本，後又鼓勵她入讀藝員訓練班，正式從幕後走到幕前。

成為藝員後，Momo不時都會喺網絡上載照片，等大家可以睇到佢才女同藝員以外嘅另一面。

劇接劇生活忙碌，家住將軍澳就近電視城返工方便，日前就見吳沚默收工轉車搭小巴代步。落車行到屋苑其實就唔係好長一段路，不過MoMo連上落樓梯去到屋苑大堂都全程機不離手，睇路小心安全好喎！

延伸閱讀：吳沚默挑戰馮盈盈節目狂踩界 網民：黃色底子新一姐？！

《後生仔傾吓偈》播出至今愈做愈有，皆因節目食正不同後生仔時下話題，成功吸引一班年輕觀眾群。當中緊係唔少得有強烈黃色底子嘅馮盈盈加持，不過最近一集《後》中，FYY似乎遇上比佢更強嘅黃色底子對手，就係TVB藝人嘅吳沚默(MoMo)！

吳沚默挑戰馮盈盈節目狂踩界

近日嘅《後》以「浸大學系與宿舍的另類特色」為題，並邀請到吳沚默(MoMo)做嘉賓。出身編劇嘅MoMo畢業於浸會電影電視系，一開波介紹自己就已經嚟料，話：「浸大傳理系比較有名，但報名時見到好多人讀J（即Journalism新聞系）」，因「J」令3位主持隨即起哄！

住過學生宿舍嘅MoMo及同校嘅後生女Kosa指宿舍單人房由於附有浴缸，所以唔少學生為求獨佔，都會爭做宿舍導師，，而MoMo就突然爆話:「我兩個男朋友都係宿舍導師。」，但強調當時好怕羞，所以未有入過對方房間。

之後陸浩問MoMo被追求嘅過程，整個對話開始變得黃色化，MoMo話：「新校同舊校之間有個籃球場，所有男生都會喺呢個地方展現自己雄性魅力嘅地方，係咁射係咁射……」，一聽到個「射」字，FYY即刻補句：「係咁射，都好驚喎」。

點知MoMo緊接一句：「我有一次被佢射中咗！」，立即令全場大叫「吓」兼笑到拍檯。而FYY當然唔放過咁好嘅「黃色機會」，追問MoMo「被射中邊度?」，對方答：「射中咗我塊面」，結果成功再一次令全場後生仔笑到失控！

結果被FYY話「一射就射到面上」嘅MoMo就指大家就係咁識咗，點知FYY再次發功話：「射到塊面上就食咗嘞」，MoMo差啲都以為自己講得唔清楚。

MoMo之後表示之後更因而請對方擔任學生作品嘅男主角，「捧佢做男主角然後就潛規則咗佢」，FYY就話：「MoMo嘅大學愛情keywords係射落面同潛規則，不停地射，不停地射同潛規則」，而MoMo見到大家仍繼續講「射落塊面」，都好無奈表示：「點解講出嚟會喺咁？明明好純情」。