吳啟明淡出娛圈搞飲食 吳啟華:佢上晒岸|即時新聞|東網巨星|on.cc東網

吳啟明淡出娛圈搞飲食 吳啟華:佢上晒岸

20180519
東網電視
更多新聞短片
吳啟明(右下)當年憑無綫劇《大時代》而為人熟悉。

藝人吳啟華的哥哥吳啟明淡出娛圈將近廿三年,在其演藝路上最為人記得的作品便是無綫劇《大時代》,與陶大宇、邵仲衡、郭政鴻等齊演「丁蟹」鄭少秋兒子,當時他飾演「丁旺蟹」,去年「老竇」鄭少秋開演唱會,「吹雞」欲集齊四位「蟹仔」做嘉賓,陶大宇、邵仲衡、郭政鴻齊齊現身,唯獨吳啟明繼續玩失踪沒有出現,「老竇」都冇面畀!

為人極低調

吳啟明淡出娛圈,曾有傳他炒股失手欠債過千萬,仲患上抑鬱,不過他之後幾經努力、終於成功翻身,人生經歷相當轉折,不過,唯一肯定的是,他多年來過着非常低調的生活,從未在公開場合亮相過。

哥哥無意復出

今年一月,吳啟明在中環開了一間餐廳,至今仍在試業中,吳啟明經常會在餐廳打躉,不少食客都見過他,明顯比以前發福不少的吳啟明,樣子滄桑了許多,雖然跟食客頗為健談,但鮮有提到以前拍戲的事,而吳啟明的弟弟吳啟華接受訪問時則大讚哥哥很用心去搞這盤生意,他謂:「佢好畀心機做㗎,不計成本,只求出品好,最緊要好食,飲食業最重要用心去做,佢日日喺餐廳度?住,好好多,佢會成功㗎。」吳啟華坦言沒有去中環舖頭幫襯過,但屋企人都有拿餐廳的食物回家吃,啟華吃過,覺得相當不錯。至於哥哥吳啟明會否想過復出幕前?啟華則表示:「我諗佢唔會復出喇,佢都唔喜歡做(幕前),做生意好好,佢都上晒岸,咁有錢,拍咩戲呢。」

唔想面對傳媒

而今日記者亦有走訪吳啟明於中環開設的餐廳,餐廳職員指餐廳由一月試業至今,暫未知幾時正式開業。問到餐廳除了吳啟明,還有冇其他拍檔老闆?職員則表示:「冇,佢獨資,其實佢都知畀人影咗會有麻煩,佢都低調咗咁耐,都唔想面對傳媒,畀佢做番普通人啦。」

----------------------------
東網巨星開咗ig喇,大家快啲follow啦!
https://goo.gl/KGuo2N