林峯麥美恩拍兩集戲變好兄妹　友情話嚟就嚟

藝人麥美恩主持的無綫節目《Mayanne小喇叭》邀請的嘉賓往往出嚟意表，最近更請來「好兄弟」林峯與吳卓羲「雙龍合體」擔任嘉賓，相當有睇頭。Mayanne在社交網分享與林峯的淵源：「好多人都問點解我請到峯哥，真係因為一套劇（指《使徒行者3》）嘅合作咁簡單？或者我試用主持角度去解釋吓，爆Seed同朱倩的而且確得兩集戲，需要用最短嘅時間去表達兩人嘅關係，所以每一場戲個情緒係要好中、好深，朱倩死得慘加爆Seed反應，係睇到個心穿咗個窿，最後大家感受到爆Seed好錫呢個新手UC朱倩。」人與人相處相當微妙，可以好複雜，亦可以好簡單。Mayanne指娛樂圈和好多行業一樣可以好複雜，但出奇地也可以有好單純、好直接的友情，在林峯和吳卓羲兩兄弟身上，絕對能感受到。