39歲嘅吳卓羲早前啱啱就同班好朋友慶祝完生日，一張飯局上嘅大合照就喺網上流傳出嚟，只見阿Ron搭實一名長相清秀嘅女子嘅膊頭，舉止親暱，兩人點睇關係都唔簡單！即刻就被傳話阿Ron終於破dry有新歡！但點知就阿Ron就否認戀情，仲透漏理想對象另有其人...
登入 瀏覽本網站，可獲取積分換領專屬優惠
點擊查看專屬優惠
從微博上流傳嘅相中可以睇到，阿Ron同呢個女仔坐埋一齊，關係匪淺。其實大家真係好關心阿Ron嘅感情狀況。事關佢11年同內地女星張馨予嘅一段情最廣為人知，當年張馨予仲上阿Ron微博Po出自拍，逼佢承認戀情。手段不一般。
之前兩人都有被影到出雙入對嘅相，不過呢段戀情最終都係無疾而終，今年張馨予嫁內地反恐特工，阿Ron相當大方，為Ex送上祝福，仲開玩笑話自己都係警察。
張馨予同老公何捷因為拍綜藝節目撻著，最後仲做埋軍嫂，令好多人大跌眼鏡。
宜家阿Ron都揾到另一半，大家肯定要為佢送祝福啦，事關大家都知道阿Ron媽咪非常恨抱孫，不過阿Ron態度一直唔嗲唔吊，成日話自己忙事業，唔得閒拍拖。
今次生日被踢爆有女朋友，大家當然要問下阿Ron啦，但係阿Ron依然唔承認，話只係多年好朋友，又解釋話搭膊頭影相好正常，佢宜家仲係單身啊！
好啦竟然都仲係單身，咁阿Ron你又可唔可以同大家講下你鐘意邊類型嘅女仔啊？阿Ron之前女友一個比一個索，想必佢嘅擇偶條件都非常嚴格。
早前阿Ron同劉心悠一齊為新戲《再見女人街》宣傳 ，阿Ron竟然自爆心悠BB係理想型！阿Ron你真係識揀呀！
至於原因係咩？阿Ron話覺得心悠BB講廣東話嘅時候嗰種溫柔嘅語氣令佢覺得好受落，原來阿Ron係鐘意小鳥依人呢類嘅女仔！
其實心悠bb同阿Ron真係好稱呀！唔知佢地拍劇嘅時候有冇撻著呢？之前心悠BB都話自己單身，又話自己未有試過談過好真心嘅戀愛，唔知阿Ron係咪佢嘅真命天子呢？不過兩人目前互動唔多，仲未有咩蛛絲馬跡可尋，可能阿Ron都係處於佢自己講嘅嗰句“有意思都唔敢追呢？”
心悠BB對人真誠，圈中人緣唔錯。其實從阿Ron同張馨予呢段戀情可以見到，阿Ron份人都比較低調，唔鐘意太多放閃，心悠嘅性格就正好啱嗮喇。阿Ron都唔好再忙於工作喇，係時候為自己嘅終身大事做下打算喇。
