「出浴片」被玩 吳偉豪一齊笑

吳偉豪
吳偉豪

藝人吳偉豪、蘇韻姿及謝嘉怡等昨日出席《愛.回家之開心速遞》宣傳活動,談及首度擔任港姐準決賽司儀,吳偉豪謙稱:「心情緊張,不過架車照行到嘅,完成到件事囉!」對於被其他司儀拿「出浴片事件」開玩笑,他靦腆說:「大家覺得好笑就一齊笑吓,排嗰時有溝通過,只係唔係百分百一樣。(依家提起沖涼都驚?)有外國研究話,其實人唔係日日都要沖涼,不過香港天氣嘅關係,真係日日都要沖!」

至於蘇韻姿與周嘉洛的緋聞亦成為被玩對象,更被呼「嘉洛嫂」,對此她笑說:「擔當唔起,高攀唔起呀!」而謝嘉怡即將卸任,她坦言未Ready:「未準備好卸任詞,未知講乜好,但一定會自己準備。」

蘇韻姿(左)與謝嘉怡扮學生妹,回憶返晒嚟。
蘇韻姿(左)與謝嘉怡扮學生妹,回憶返晒嚟。