平機票攻略！歐洲優惠機票全分析！幾錢先係入手價？

by Flyday.hk 08/01/2020

08/01/2020 223 comments

近期最筍！富途證券用Flyday邀請碼開戶，獨家送曼谷機票或福岡/大阪機票！留存$10,000 60日就送，無其他要求！

飛歐洲平機票多到花多眼亂，可選擇嘅已經多達十幾間！最近航空公司仲相繼推出唔包行李嘅輕裝優惠機票！究竟飛歐洲嘅話，中東三寶仲抵唔抵坐，其他歐洲機票幾錢值得入手？想知就入黎睇下小編整合嘅資料，幫你地搵到最抵平飛啦！

最後更新：2020年1月8日

注：以下所提及的價錢為來回連稅價錢，及未包廉航寄艙行李費，以淡季作標準。價錢及建議是小編個人之經驗，只作參考用途。

最低價：過去一年以來嘅最平價錢，可遇不可求。
入手價：搵機票個陣見到呢個價都叫做唔錯，買得過。
正常價：平時無優惠做緊嘅正常價錢。

飛歐洲，又點可以唔提中東3寶airline，分別係卡塔爾航空、阿提哈德航空、阿聯酋航空，不過佢地今年就比較少出優惠，見到就要即刻入手平飛喇！

阿聯酋航空岩岩出咗個好抵飛嘅優惠，飛慕尼黑劈到去連稅$2,982，其他航點大約係$3,400至$3,600！不過呢個價錢嘅優惠只係出過一次咁大把！而且直航杜拜仲抵，連稅$2,636咋！仲送埋兩晚酒店添！

阿提哈德航空今年相對無咁積極，最平飛雅典連稅3千、慕尼黑$3,174，其他航點預連稅$3,700左右。不過阿提哈德航空勝在有啲特別優惠，除咗訂Stopover機票免費送2晚阿布札比酒店，可以揀到四、五星級酒店之外，有次仲送埋傑志對曼城表演賽門票添 (不過呢個優惠只限Flyday Fans)！Hahaha

卡塔爾航空航點比另外2間多，而且連續幾年名列Skytrax全球最佳航空前列位置，所以價錢比阿提哈德航空、阿聯酋航空都企得硬少少，係有一次飛土耳其安卡拉賣到去連稅$3,483，其他時間最平都要三千八，預返多數都要四千頭！今年仲新加入航點里斯本、拉巴特、伊茲密爾、馬爾他、哥德堡、馬拉加等。

今次有兩間歐洲航空公司出咗個唔包行李嘅輕量裝優惠！其一就係漢莎集團旗下嘅漢莎同瑞士航空，兩間貴為姊妹航空，唔包行李最平飛波蘭兩個航點連稅$2,578 起！真係好抵！但係飛歐洲唔包行李就真係要諗下！

另外佢地之前都有個破抵價的「港歐上」優惠，最底價飛華沙$2,643、巴黎或布拉格都係2千9到。平就平，但係最後要飛多一程去廣州/新加坡，小編建議大家最好飛埋佢當去多一個Trip！不得不提佢地今年有個破抵價嘅直航連23KG行李慕尼黑優惠，連稅$2,707 咋！

另外法航同KLM都有出輕量裝優惠，飛赫爾辛基最平連稅$2,580 起！其他航點預返大約三千！至於2個直航航點阿姆斯特丹/巴黎反而未見有平。

今年北歐航空價錢比較分散，最平劈到去二千七左右起，其他航點一般三千中左右，都算係好吸引！至於直航哥本哈根曾經開賣過連稅$3,472，呢個就要大推喇！

芬蘭航空七月嘅時候推出直航新低價，直航赫爾辛基連稅都係三千八！超抵！真係好想飛去呢個全球最快樂國家啊！至於其他歐洲航點就由$3,486 起，比起其他歐洲航空無咁吸引，但係又比中東三寶平！

如果想坐直航既，一定要早留意住，因為唔太多優惠出，直航可以留意呢幾間航空公司：

– 俄羅斯航空

俄羅斯航空今次出咗個直航飛莫斯科史上最優惠價，連稅只需$2,148！堅係平到傻咗！平時好少做優惠，連稅要三千五左右架！至於其他俄羅斯航點就無優惠喇！

– 英國航空同維珍航空

今年最威飛歐洲肯定就係英航+維珍，痴咗線平到去連稅二千三飛到去歐洲，仲要包咗23KG行李！優惠航點多之餘，又可以open jaw，仲儲到里數添！佢地另外仲無限loop出咗幾次三千頭嘅歐洲優惠，真係唔怕無得平飛歐洲啊！

– 國泰航空

今年國泰出多咗歐洲優惠，優惠價平到四千有找！不過想等最平歐洲平飛，都係要等星期二早上fanfares開賣，今年試過飛阿姆斯特丹連稅$3,464！平時優惠大約4千樓上。

– 土耳其航空
直航伊斯坦堡好少減，6月時推出直航來回伊斯坦堡連稅$4,085已經係全年最抵價，不過飛其他歐洲航點就有驚喜，連稅最平$2,504 起！另外土航轉機可以參加佢地個免費city tour，咁就可以輕鬆玩埋伊斯坦堡喇！

小編有感：
睇歐洲機票價錢固然重要，不過揀之前最好諗下自己坐唔坐到12個鐘嘅長途機，如果唔得，可以直接買前8後6嘅中東三寶，始終舒服啲同無需要困喺飛機咁耐！相反自己好捱得，就梗係揀歐洲航空或者國泰一程飛過去，唔使兜去中東轉機，時間上亦都無蝕咁多，分分鐘價錢仲平過轉機價！

小貼士：
1. 黃金定律！去歐洲一定要預早半年左右訂，最遲都要3個月前，仲有機會入手暑假/聖誕節或跨年機票，一有優惠就入手唔係蘇州過後無艇搭。

最近歐洲航空公司有好多超抵歐洲優惠，想平飛過去可以揀英航+維珍、北歐航空等，土耳其航空都亦係一個好選擇！

3. 基本上所有飛歐洲嘅航空都可以Open Jaw，即係不同城市來回，咁就可以避免走回頭路，用「多個目的地」功能搵走可以就得！呢招可以避開一些重離境稅嘅國家如英國/倫敦，大約可平$1,000左右。

4. 歐洲既內陸廉航非常多，包括Ryanair、easyJet、Flybe、Niki、Germanwings、Vueling、Norwegian等等。不過間間風評都麻麻，加上前往機場嘅交通費都貴，所以可以揀不如坐火車或者巴士。而選擇以米蘭、羅馬、馬德里呢啲機場稅比較平既航點作為起點及終點，中間就坐內陸廉航會平好多。

其他平飛攻略：
日本平機票攻略
 韓國平機票攻略
 台灣平機票攻略
 東南亞平機票攻略
 澳紐平機票攻略
 美加平機票攻略

平機票歐洲平機票平飛攻略平機票攻略

上一篇文章

尊貴之旅！超抵飛歐洲！卡塔爾航空來回歐洲各大城市經濟艙只需$2,050 起、商務艙$13,280 起

下一篇文章

【皇家約旦航空】優惠繼續有！快閃靚價！來回曼谷$551

223 comments

Carlos chan 28/12/2016 - 2:31 下午

可以出美加平飛攻略嗎？

admin 28/12/2016 - 5:25 下午

我地會考慮考慮~寫一篇真係需要好多時間呀^^

Mi 14/01/2017 - 10:15 下午

如果2017年聖誕選法國航空去巴黎，可以等出優惠嗎？還是聖誕是沒有優惠呢？

admin 16/01/2017 - 6:58 下午

聖誕節無優惠架啦 🙁

Kit 17/01/2017 - 11:52 上午

阿聯酋航空而家冇左個優惠, 唔知係咪等下佢出會好過而家即刻訂飛呢??

admin 17/01/2017 - 6:31 下午

梗係等優惠啦～成日都有

CA 25/01/2017 - 11:36 下午

如果今年8月去東歐，布拉格/布達佩斯openjaw進出，仲有冇機會有平飛？因為岩岩search 完要$8xxx

admin 27/01/2017 - 2:08 下午

無啦！8月係暑假大旺季 🙁

Ha 15/02/2017 - 5:09 下午

笫一次拜訪貴網，發現資料實用，望多多指教。

cheaptickets.hk報價$3930/人，19/4香港去阿姆斯特丹14天，阿聯酋航空，來回各約17-18個鐘
1. 價格合理嗎？
2. 這網站可靠嗎？
3. 還有更抵機票可尋嗎？

admin 16/02/2017 - 2:50 下午

1.呢個價錢絕對合理，因為係坐阿聯酋
2.可靠的
3.建議你可以睇下俄航，又或者上ctrip 搵下~

MIMI 20/02/2017 - 10:42 下午

想請問9月出發瑞士 mytrip.com 坐EY 來回ZRH HKD3988
買唔買得過? 定可以再等下有無平 ? 期待回覆! tks!

admin 21/02/2017 - 1:54 下午

直航應該都係四千鬆D 架咋喎? 如果唔係9月尾D 旺季的話都可以等下。

MIMI 21/02/2017 - 7:44 下午

因為我睇左好耐直航都要7千幾!! 仲以為4千已經叫抵添 ><

SaoTeng 13/04/2017 - 9:46 上午

想問下2017年飞里斯本邊個航空會比較平？有冇學生團體票買？睇個漢莎航空7千左右價格ok嗎定選擇其他航空公司？想要一間總體價格ok kg數又多。因為系要過去讀書一年，有邊間航空公司系可以免費改機票？？吾好意思吖，有咁多問題問。

admin 13/04/2017 - 12:56 下午

$7000 好貴下，你想要多D 行李的話建議你揀Qatar，因為有30KG，唔知你個visa requirement 需唔需要來回機票，如果唔需要來回機票的話建議你分開買單程，之後差唔多要返黎香港先買回程，咁樣平好多。

NN 27/04/2017 - 11:43 上午

你好

想問下暑假7月尾還有機會有去西班牙BCN 的平機票嗎？

我搵到俄羅斯航空去BCN $6400~
來回各約15-16個鐘
值得買嗎?

admin 27/04/2017 - 5:44 下午

7月尾無乜可能有平機票架啦~ 呢個價錢差唔多了

thomas 22/05/2017 - 6:52 下午

可以介紹去南美洲嘅平機票嗎？謝謝！

admin 21/06/2017 - 1:20 下午

一有優惠我地會介紹架啦

KatieT 27/05/2017 - 10:16 上午

Hi Admin,

Very much appreciated your strategical info. and your prompt response as well.
Keep it up!

Woo 10/06/2017 - 10:44 下午

Going to Paris.
Considering Emirates airline.
In view of the recent event of Qatar airline, is it still safe to take Emirates airline?

admin 21/06/2017 - 1:20 下午

yes

Woo 10/06/2017 - 10:58 下午

Going to Paris.
Considering Emirates airline.
In view of the recent event of Qatar airline, is it still safe to take Emirates airline?
Forgot to mention:
I have to arrive Paris on or before 2017 Jun 25. So, my departure date from HK would be around Jun 23 or Jun 24. I prefer to have a stop over for transit somewhere so that I can break the long journey up.
Emirates airline was my first choice. But, now hesitating because of Qatar event and worry about safety.

admin 15/06/2017 - 3:56 下午

Actually in my opinion, it is definitely safe to take Emirates and Qatar. Even there was Qatar incident on the news.

HEYHEYHEYXD 19/06/2017 - 11:57 上午

我9月中去巴塞隆拿,搭CX,要$6300,入唔入得過?Thx

admin 19/06/2017 - 3:26 下午

直航黎講入得過，轉機的話仲有好多選擇可以平好多。

NC 05/07/2017 - 9:49 下午

想請問9月頭5千蚊去AMS算唔算貴？

admin 09/07/2017 - 11:52 上午

直航的話唔貴，轉機就算貴

Natalie 29/08/2017 - 1:01 上午

18年７月16日一家人去英國應該買那間航空公司最好?幾時要買機票最平?一家人去(大約十個人)會有優惠嗎?

admin 03/09/2017 - 3:30 下午

直航有三間，國泰/維珍/英航，之但係直航暑假長期唔減，要預起碼$8000 蚊，如果你肯轉機的話你今年年尾留意下，Qatar/Emirates 個D 都有機會有優惠，十個人唔會唔會話平D 既

HK 01/10/2017 - 10:14 下午

18年5月去里斯本，依家英航/SWISS賣緊5千4左右，算貴嗎？
定係等遲吓出Promotion？﹙唔知有冇，好少見﹚
謝謝！

admin 05/10/2017 - 5:44 下午

貴! 四字頭就差唔多，而家太早未有優惠呀

Virginia 02/10/2017 - 3:03 下午

請問在14/7/18由香港去波蘭華沙，回程於5/8/18在芬蘭赫爾辛基回港，我在俄羅斯航空見經莫斯科轉機（3大1兒童）連税$20，500.-，根據你以上的價目表是正價，平嗎？還是有其他提議？謝

admin 05/10/2017 - 5:44 下午

呢個價錢唔貴，因為係暑假，可以接受啦

Ser 06/10/2017 - 6:47 下午

請問18年7月去英國搭土航6千幾貴嗎? 定係等下中東3寶既promotion好d?

admin 08/10/2017 - 12:36 下午

貴左少少，可以等多陣，仲有好多時間。

stella 14/10/2017 - 10:19 下午

18年5月去Zurich, 由Rome走, $5500算貴嗎？謝謝！

admin 15/10/2017 - 11:15 上午

唔算平

stella 15/10/2017 - 12:31 下午

Thank you. 請問下年5月直航，通常大概幾時出優惠？

Carmen 17/10/2017 - 1:17 下午

Hello, 請問想18年3月尾英國入瑞士或羅馬走大約$4500 算唔算平？重應唔應該等promo?還是已經太遲啦? Thanks!

Carmen 18/10/2017 - 11:57 上午

應該係3月尾至今4月頭但見D優惠都係去到3月27日之後D日子都貴所以唔知應該提早個期定係再等？

admin 19/10/2017 - 1:03 下午

3月尾係復活節，好難有減 🙁

Kayli 18/10/2017 - 6:28 下午

想問下18年6月尾7月頭去瑞士，會出平機票嗎?謝謝。

admin 19/10/2017 - 1:01 下午

跟據經濟都會有

Joey 26/12/2017 - 4:29 下午

你好, 我們想在2018年9月中去威尼斯9月尾返港，現時機票以漢莎時間最好，但要價75xx，請問：
1. 此航程優惠價應是多少？
2. 優惠大約幾時推出？
3. 甚麼價可入手？
4. 除漢莎外還有那間航空公司的機票平靓正呢？
謝謝！

admin 03/01/2018 - 12:44 下午

睇下中東三寶，漢莎未必有咁多promotion，$4000幾已可入手

Joey 27/12/2017 - 6:54 下午

你好, 請問漢莎航空9月中去威尼斯9月尾返港機票幾多錢可入手? 現時要價$75xx，優惠幾時會出呢? 謝謝。

admin 03/01/2018 - 12:42 下午

漢莎航空好少出優惠，岩岩11月先出左一轉，睇下其他airlines丫

Fiona 02/01/2018 - 10:58 下午

請問6月初去德國，還會有平機票嗎？
現在看到卡塔爾慕尼黑入柏林出都要5500，是入手價嗎？謝謝

admin 03/01/2018 - 12:31 下午

可以等一等，唔算太平

Farrah 02/01/2018 - 11:04 下午

4,800 open jaw Qatar London入 Barcelona 出六月中算ok 嗎?

期待北美version ?? Thanks!!

admin 03/01/2018 - 12:33 下午

正常價，可以等一等

多謝haha

Edmond 03/01/2018 - 12:14 上午

如果3月28至4月10(學生復活節假期)
係咪由今日愈早買愈好
定可以等優惠？唔該哂

admin 03/01/2018 - 12:30 下午

見價岩就買喇，復活節好少出promotion

SsssL 03/01/2018 - 12:43 上午

Hello admin, 請問6 月中出發去歐洲玩，因想避開倫敦昂貴既稅項，所以決定荷蘭入&愛爾蘭出… 因要求去程&回程都要晚機，所以暫時只提到以下系最靚時間&最平⋯

上網睇到去程16/6(Sat)晚機出發荷蘭AMS, 用open jaw回程30/6(Sat)晚機由愛爾蘭DUB返香港，坐Emirates，價錢為$5200

請問以上價錢可入手嗎？定之後仲有無優惠？(大概會幾時？）

Thank you so much!!!!!????????

admin 03/01/2018 - 12:38 下午

唔算抵丫，可以再望多一,兩個月~

Fanny 03/01/2018 - 7:53 上午

如果去德國同奧地利旅行，請問應該飛邊度先比較適合，维也纳/法蘭克福/慕尼克？

admin 03/01/2018 - 12:31 下午

機場稅應該差唔多，所以都係睇價錢訂喇haha

Cherry 03/01/2018 - 3:21 下午

11月左右買過hkexpress去日本 9/2-14/2 想問問 1人連稅 7kg
行李 $ 1800 算唔算平，見到而家賣到好_貴

admin 03/01/2018 - 5:56 下午

唔算平，不過近新年都算ok

Macy 04/01/2018 - 5:17 下午

4月12-5月24, 來回AMS, $4000 Qatar 抵買嗎?

admin 05/01/2018 - 6:42 下午

都OK丫!

DavidTam 05/01/2018 - 11:51 下午

退休夫婦想往英國曼徹斯特探孫，何時飛、和逗留長短冇問題，那家航空公司最便宜？

admin 08/01/2018 - 12:46 下午

你睇下卡塔爾航空轉機去啦
只要你係淡季唔係紅日假期暑假個D日子出發都OK架啦
宜家轉機連稅約五千到啦
停留期限大多1至2個月睇你買咩票價優惠啦~

Alex 06/01/2018 - 9:03 上午

Hihi 一起身本來$4800 漲到$5300 ～～請問2018年 4月尾至五月頭 , HKG -》BUD；PRG -> HKG. 坐卡塔爾, HK$5300. 能入手嗎？定之後卡塔有優惠呢？thanksssss

admin 08/01/2018 - 12:41 下午

呢個日子近五一未必有平啦
呢個價錢都入得手既

Alex 10/01/2018 - 9:22 下午

Halo小編我想請教一下
3月尾去荷蘭我見到個combination 係去程Lufthansa 回程係Swiss airline 價錢同時間都合理都去cheaptickets.com睇過但我未試過來回兩程唔同航空公司我未好似未見過呢兩間聯營
想問咁樣買安唔安全呢？同埋未搭過呢兩間airlines 想問評間如何呀？

admin 22/01/2018 - 12:09 下午

依兩間都屬於星空聯盟，佢地有合作協定，所以無問題的

兩間都Ok

Kelvin 12/01/2018 - 12:01 下午

聖誕連跨年去英國10日機票大約幾錢到? Thanks

admin 22/01/2018 - 12:14 下午

見到要轉機嘅話五千幾，直航8千幾

sally 12/01/2018 - 12:55 下午

請問出發往芬蘭直航$5,373.00 呢個價，係未可以入手?
日子係聖誕兼誇年，thanks

admin 22/01/2018 - 12:10 下午

可以，算平喇

Shan 13/01/2018 - 10:12 下午

19/5-31/5hkg->lgw, bru->hkg
阿聯酋$4300算係平嗎？定係等多陣呢？thanks!

admin 22/01/2018 - 12:15 下午

算平，可以入手丫

Opal 13/01/2018 - 10:56 下午

請問去東歐
布拉格入
維也鈉出
去程卡塔爾
回程中國國際
3700/PERSON 抵嗎?

admin 22/01/2018 - 12:15 下午

ok丫，算平

A 14/01/2018 - 1:11 上午

請問6月頭香港飛巴黎 7月中馬德里返香港 Qatar $4200 算唔算平？係咪平機票有效期通常唔會好耐？ thanks

admin 22/01/2018 - 12:16 下午

算ok，qatar平時出Promo有效期都算長架

Tik 14/01/2018 - 1:03 下午

呢期好似連俄航都無晒3500果D價呀sosad

admin 22/01/2018 - 12:17 下午

有時真係可遇不可求haha，唯有再等下喇

Pete 14/01/2018 - 1:46 下午

hkg to zagreb
Budapest to hkg
6月去7月返最平$4400
係咪入手價？thanks!

admin 22/01/2018 - 12:18 下午

唔算好平，有時間可以再等下

Arya 21/01/2018 - 8:00 下午

你好呀，我正打算4/3晚機由Vienna入，五月由portugal/Spain出，見機票要六千幾，5月頭的機票好像普遍好貴，是否應再等下？

admin 22/01/2018 - 12:10 下午

可以睇多陣，應該可以平少少

Kenny 29/01/2018 - 1:53 下午

七月尾去布拉格唔知重有無可能等到優惠呢？

admin 31/01/2018 - 4:02 下午

難啲啦暑假~不過卡塔爾航空之前有出過~但大概8月出發

MH 07/02/2018 - 7:27 下午

搵緊香港去日內瓦, 6月底去, 7 月頭返係唔係已經暑假價?
見多數星期三四出發, 星期二、三回程會較平

但暫時除左中東3寶同俄航之外, LH/OS/LZ/AY最平都要七千幾, 唔知重有無可能等到優惠呢？

另外, LH想揀A380 d route係咪一定貴d?

thanks!

MH 09/02/2018 - 6:06 下午

Hihi，我正打算6月底HK去Geneva，7月頭走，暫時除左中東三寶同俄佬外, 機票要七千幾，6月底7月頭機票係咪已經開始貴，定可以再等下？ THANKS!!!

admin 12/02/2018 - 6:11 下午

6月底機票已經會費架啦，我覺得唔使等～

kate 10/02/2018 - 9:48 下午

6.28 from hk to prg
7.23 from paris to hk
$5371 per person
should buy or not?/_\

admin 12/02/2018 - 6:09 下午

can buy ～

jess 19/02/2018 - 11:20 下午

你好~

打算9月21號出發去蘇黎世，跨越兩個紅假，請問直航幾錢可以入手?thanks.

admin 21/02/2018 - 1:15 下午

五千五百樓下都可以入手～

Eunice 20/02/2018 - 8:52 上午

有意五月中下旬去倫敦巴黎想問吓根據以往仲會唔會有機要優惠唔該曬!

admin 21/02/2018 - 1:01 下午

多數會有，可以等下優惠～

maywonglam 25/03/2018 - 4:42 下午

請問旺季入手有冇時間分別?

幾時入手都差唔多?

admin 26/07/2018 - 6:03 下午

假期旺季會貴好多
一般貴幾千多數會建議早買/岩budget就入手

Jeremy 31/03/2018 - 11:35 下午

達人，您好，細佬今年九月会到北愛爾讀一年書，十一月會回港數天，再回北愛。請問機票点入手好，現在亳無頭緒，求賜教達人，萬分感激，謝謝！

admin 11/04/2018 - 7:05 下午

一定要分開兩次買~一次係香港來回愛爾蘭，中間愛爾蘭來回香港~

機票方面可以分兩程買~香港來回倫敦，之後再買廉航倫敦來回愛爾蘭~

ROSE 03/04/2018 - 5:58 下午

HI,想問如果今年9月尾跨越兩個紅假去芬蘭,入手價機票太約好多錢左右? 唸白睇極光. 謝了

admin 11/04/2018 - 7:02 下午

大約$4000左右可以入手~

Connie 13/04/2018 - 2:16 下午

HI, 6月1會去華沙 7月尾Budapest番HK 想問下照慣例仲會唔會有平機票推出? 依家睇Qatar要$6186 一係就 AIR CHINA~$5000
Thank you~

admin 16/04/2018 - 6:24 下午

岩岩三月出左一輪歐洲機票減價，未必有咁快有得減 ><

Man 16/04/2018 - 10:18 上午

你好~

打算12月19號出發去Manchester然後31號Amsterdam走，跨越Christmas，請問CX直航5900可以入手?thanks a lot.

admin 16/04/2018 - 11:59 上午

呢個價錢可以入手啊

Connie 20/04/2018 - 12:13 下午

咁會建議我買左先定再等下?
D機票會唔會加價?
Thanks!

admin 20/04/2018 - 12:26 下午

你幾時出發呀?

Fiona 23/04/2018 - 12:08 下午

你好，我打算15/9 Vienna 入 29/9 Frankfurt 出，好似得泰航同 sas 最平5800左右，阿聯猶轉又stay 太耐，請問可以入手嗎？漢莎會唔會有減？謝謝

admin 27/04/2018 - 12:14 下午

難D~~~不如你睇下佢呢個新玩法
https://lh-anywaytravelpass.com/en/travelpass/create.html

Ape 29/04/2018 - 10:30 下午

打算7月22日 Rome入, 8月9日 Paris出, 中華航空$5400 左右, 抵唔抵@@

admin 03/05/2018 - 1:38 下午

暑假入得過!

Jeannie 04/05/2018 - 12:53 上午

請問9月頭香港去蘇黎世再由阿苺斯特丹返坐國泰要$9000係咪正常？係咪因為太遲買？

admin 04/05/2018 - 12:43 下午

國泰好少減，依個價算貴，如果一定要坐國泰可以買，唔介意轉機的話，中東三寶4至5k應該有交易

Fiona 06/05/2018 - 6:44 下午

唔該晒，漢莎travel pass 去維也納日內瓦去抵，不過冇得德國出，要再諗諗

Cat 13/05/2018 - 5:56 下午

達人你好!請問十月頭去英法,國泰做緊英入法出,早去晚返連稅$6,625..而法入英出,早去晚返連稅$6,416..另英國來回,早去晚返連稅$6,012..請問值得入？

admin 14/05/2018 - 11:47 上午

10月頭都OK

Susan 15/05/2018 - 11:28 下午

請問如果9月8羅馬入 9月15米蘭出見到來回連稅七千幾起
仲有冇可能有平?

admin 16/05/2018 - 3:59 下午

咁遲~有d難會再平~

maywong 24/05/2018 - 9:02 上午

我想知去巴黎,復活節旺季通常幾錢機票?

反而呢D普通資料就搵唔到

謝謝

admin 24/05/2018 - 11:39 上午

因為旺季日子無一個準則通常幾錢!復活起碼預5千以上，但過往都有啲航空做過復活節有平，好似土耳其航空，etihad咁！

Apple 06/06/2018 - 3:37 下午

請問我想係2019年復活節清明假期去英國，而家使唔使留意定機票？

admin 05/07/2018 - 4:45 下午

都唔駛點等呢個假期極少平

mickey lau 06/07/2018 - 4:32 下午

香港到馬德里再由巴塞隆納返香港機票幾錢好買?早一星期5600而家+咗少少!係咪會越嚟越貴?

admin 09/07/2018 - 11:42 上午

睇你幾時出發~如果淡季既話,4千頭差唔多呢個價!

KS 14/07/2018 - 11:42 下午

我想10月27號飛巴黎
Airfrance折完做緊$5500… Singapore airlines $4500
CX $6900 我係咪應該博下有冇fanfare ?
Thanks ~

admin 18/07/2018 - 11:42 上午

新航好似唔使咁貴bor~再搵下前後日子!

Joe 17/07/2018 - 10:59 下午

Hi，請問 2019.4.18 – 30
AMS 入 MUC出
FINNAIR $58xx
抵嗎？

admin 18/07/2018 - 11:35 上午

finair嘅話easter檔期差唔多~~

Jacob Chan 18/07/2018 - 11:16 下午

今日又升到64xx了

admin 27/07/2018 - 11:54 上午

咩呀?

SCE 26/07/2018 - 1:40 下午

坦白講，
睇晒成編野既所謂最低價可遇不可求係錯既。。。
我懷念返 2016 中/尾你地曾經出過一條貼文奧地利/瑞士航空飛歐洲任何地方再加回程 LSG 漢莎，及東南亞自選一程 (星加坡，杭州，成都) 5 程機加埋都係最平 2800/2900
回程返香港唔過 24小時又平均 120文。。。。
雖然要經 expedia 或者 cheapticket 訂飛，不過數到今年為止始終佢地係最平。。。????

admin 26/07/2018 - 4:16 下午

個個真係平到嘔，但係已經係兩年前 🙁

admin 27/07/2018 - 11:48 上午

坦白講，
小編都知！不過這些機會錯過了就錯過了！

Joey 26/07/2018 - 6:25 下午

你好，我們打算2019年4月中去Amsterdam, 5月初由Paris 返港。請問哪間航空公司機票最抵？甚麼價位可入手？謝謝！

admin 27/07/2018 - 11:46 上午

4月中近復活節，都係留意中東三寶好啲，仲有土耳奇航空！
較大機會出復活節平飛，但宜家仲未賣到下年，所以可以等下！

Fiona 08/08/2018 - 10:45 下午

你好，我和家人打算4月中去英，法和荷蘭旅遊，5月初回港，算是淡季嗎？想考慮買AMS的來回機票，而且想問買去AMS的機票會比較便宜嗎？直航的話大概甚麼時候找可以買到較平的機票？

admin 14/08/2018 - 11:46 上午

算呀!唔痴easter的話~
ams直航得國泰同klm~~cx長期最平都要5千幾以下,klm最平大約4千3-6~
都係要等佢地出優惠買先會比較平!

Nathan 04/09/2018 - 5:20 上午

想問如果12月平安夜前飛荷蘭依家大概5000蚊搭華航抵唔抵定係可以等優惠？驚會愈黎愈貴

admin 07/09/2018 - 6:02 下午

唔好等優惠，買得架啦

Liu 04/09/2018 - 11:05 上午

2019年7月中想坐SAS停CPN去OSL,請問應該邊個月book機票最平?

admin 04/10/2018 - 6:56 下午

宜家SAS做緊優惠

Liu 05/09/2018 - 8:47 上午

Hi 想2019 summer 七月中去OSLO, 坐SAS航空,如果現在買機票是否太早?驚買貴咗

admin 07/09/2018 - 6:00 下午

太早左D D，但係都建議大約早半年至9個月前買會好D，唔會出減價架啦。

Eddie 11/09/2018 - 10:19 下午

Hello~
想問問去 12 月中去英國，１月回來，在那邊大約五週左右，出發回來的日子可以自由選，想問以下問題：
1. 航空公司有無好介紹？
2. 最平通常係中國國際航空，香港轉機，約 4500，但很怕在北京轉機，怕 Delay，而且聽講服務麻麻，同意嗎？
3. 我大算睇多兩週左右，再決定買機票，有無推介機票的入手時間。

謝謝～～爬文都找不到的答案，希望貴站能提供意見，謝謝。

admin 13/09/2018 - 11:57 上午

4千5不如俾多幾百蚊坐中東三寶,ETIHAD,EMIRATES同QATAR喇~~
第一間應該最平~不過要等優惠出，然後Emirates宜家已經做緊優惠,大約4千7-9到~Qatar近排都少左優惠,不過都係會有,等優惠出
呢3個同常停留期限都okay長,但都要睇彩數！

Tina 25/09/2018 - 10:14 下午

Hello! 諗住12月尾去lisbon, 一月頭Morocco casablanca回香港，上星期睇Turkish airlines最平係$4600,但早幾天看已經是$5800,貴了許多，發現其他日子也貴了不少。
請問為什麼會貴了許多？
而且未來會有減價的機會嗎？
何時入手較好？
謝謝！

admin 13/12/2018 - 1:18 下午

首先呢2個航點好少有優惠~同埋年尾係旺季所以一開始$4600都ok入得手

Michael Tsang 27/09/2018 - 2:10 下午

我睇緊出年5月頭helsinki機票，星期五去，星期一返，俄航大約做緊$4500（可部分退款嘅就做緊大約$4700），呢個係唔係無得再平啦，finnair直航要過萬。

admin 04/10/2018 - 6:50 下午

可以睇下SAS北歐航空

Polly 15/10/2018 - 2:50 下午

請問2019年六月出發去倫敦，坐什麼航空公司好些？何時購票好？謝謝！

admin 19/10/2018 - 11:23 上午

視乎你搭直航定轉機！轉機最平3千尾四千頭都有，坐好少少阿聯酋，新航就預4千幾至尾！
直航就有維珍，英航，國泰～維珍最平4千6，7，另外，兩間都要5千幾！全部都係等出優惠先買，因為6月都算淡季！

Polly 15/10/2018 - 2:51 下午

請問2019年六月出發去倫敦，坐什麼航空公司好些？何時購票好？什麼價位是最好？謝謝！

admin 19/10/2018 - 11:23 上午

andy 25/10/2018 - 5:54 下午

請問六月出發去倫敦, 阿姆斯特丹返香港, 現在買國泰機票$4620抵唔抵? 如果要等平機票, 2/11之後就要加燃油附加費

admin 26/10/2018 - 11:19 上午

抵!宜家買!唔好等!

YY 01/11/2018 - 8:24 上午

今年暑假8月頭飛倫敦，新加坡航空做$5700,卡塔爾$4700,現在可以入手買，定再等下？

admin 01/11/2018 - 11:33 上午

OKAY

Derek 12/11/2018 - 5:42 下午

你好, 2019年3月尾有幾個選擇唔肯定決定邊個好, 請問邊個可以考慮?

瑞航阿姆斯特丹(停蘇黎世)
$3870/ 4690(揀位)

英航蘇黎世(停倫敦)
$4460
(停倫敦)

英航倫敦
$4750

英航曼徹斯特(停倫敦)
$4620

admin 14/11/2018 - 12:07 下午

小編自己麻麻英航,覺得好窄!所以會揀第一,因為蘇黎世無咩野玩,玩一日半已經夠,而且瑞航都幾好坐,不過餐飲無咁好食!
阿姆斯特丹好值得去~小編去完即愛上!
但以優惠黎講,英航少做優惠,所以個價係難得!或者揀第三間,北歐航空 https://flyday.hk/62403/
再平啲唔使煩！
最後一項,去曼徹斯特坐維珍仲平,4千1,2到,你睇下仲有無平飛 https://flyday.hk/62112/

Tiffany 21/11/2018 - 2:15 下午

你好！

2019年5月中/尾想去倫敦 + 阿姆斯特丹，玩三個星期就回程。想飛直航來回。我見有D人話係LHR出入會貴D，但見HK來回AMS既飛又貴過LHR (兩樣都係$5XXX)，求請教！

admin 26/11/2018 - 12:29 下午

唔~如果你想兩程都係直航的話,得CX可以做到~
所以5千幾係正常都唔正常!
相反你如果選擇轉機,即係其他歐洲/中東航空,或者British airways (可以一程直航),做優惠嘅時候可以搵到4千頭至5千頭嘅機票!

Ky 25/11/2018 - 8:24 上午

2019-3月或4月左右到摩洛哥。去程香港到馬拉喀什；回程卡薩布蘭卡到香港；現機票都不平；中東轉機好定歐洲轉；而家都7-8千，想等優惠。謝謝！

admin 26/11/2018 - 12:21 下午

近排都貴!無咩都平!可以等多一陣~之前優惠都係4千頭!宜家加埋稅都唔使咁貴!
可以坐ETIHAD或者漢莎都OKAY,無咩分別!

Kitty 08/12/2018 - 11:41 上午

你好！

2019年5月中/尾想去意大利 + 法國，打算玩兩星期，打算羅馬入巴黎走，想直航來回。請問除了國泰，還有什麽航空公司推薦？什麽價位可以入手？感謝！

admin 11/12/2018 - 9:58 上午

要直航同OPEN JAW得國泰咋~~國泰大約$5,500以下~如果見到4千尾就入手!

Betty 10/12/2018 - 3:42 下午

你好~

2019年5月中/尾想去意大利和法國（逗留12/3日），最想直航來回，羅馬入巴黎出，但國泰我見依家每人$7xxx。而剛剛見到新加坡航空羅馬入巴黎出每人$48xx，值得入手嗎？還是再等下？
還有其他航空公司推薦嗎（prefer直航）？
感激！！！

感激！！

admin 11/12/2018 - 10:01 上午

如果新航的話,可以留意佢4千頭至3千尾先入手,因為5月都係淡季~4千8略為貴左啲
直航又OPEN JAW得國泰咋~大概要4千尾至5千5~平的話~
另外,如果唔使一定要直航~其實都有好多選擇~

tea812 12/12/2018 - 7:36 上午

你好～我想問如果宜家想買2月中去華沙咀其實係唔係冇乜機會再有promo ga la? 宜家最平係俄航4千2…入唔入手好呢？
thanks

admin 13/12/2018 - 12:36 下午

無乜機會有平啦~呢個航點都唔係成日有優惠
小編覺得可以入手~~

Joey 07/01/2019 - 5:54 下午

你好，我們打算2019年6月頭去Zurich, 6月尾由Amsterdam 返港。請問哪間航空公司機票最抵？甚麼價位可入手？謝謝！

admin 10/01/2019 - 11:48 上午

有好多間可以講
平價:sas,etihads,klm 4千蚊樓下
中價:emirates below 5k~around4千1,2
高價;cx above 5.5k

travelgirl18 08/01/2019 - 2:48 下午

你好~ 想問下如果5月中去維也納+布拉格, 暫時搵到最平係emirates (時間比較好D), ard HK$5,500 per person. 值得買嗎? 定係等下會唔會再有優惠? 謝謝!

admin 10/01/2019 - 11:45 上午

貴呀!!!再等佢跌到4千幾先買啦~五月淡季黎架!

Kiki 10/01/2019 - 11:50 上午

HELLO~ 我想問如果今年聖誕+跨年去倫敦搭SAS, 每人$46XX 算唔算平? 要轉一次機, 謝謝

admin 11/01/2019 - 2:35 下午

呢個價OK呀

Wong TY 13/01/2019 - 2:06 下午

你好
9月頭到比利時出席婚禮
請問哪間航空公司機票最抵?甚麼價位可入手?謝謝!
現找到SAS $54xx, 可以買嗎? 其他airline大部分都好似$8xxx
定係等下好?

admin 14/01/2019 - 12:10 下午

唔抵~~再等下!sas出平飛去到5月31日咋~9月頭屬淡旺季
但都唔使去到5千幾~~

Wong 16/01/2019 - 6:26 下午

你好
請問8月初左右, 香港飛倫敦直航, 回程維也納經倫敦返香港，2程長途機都係坐英航A380, 約6500 ok嗎

admin 14/02/2019 - 3:11 下午

都OK

CH 18/01/2019 - 9:53 上午

你好,請問今年8月香港飛倫敦直航, 回程維也納經倫敦返香港
坐英航 A380 約6500元ok嗎？感謝。

admin 30/01/2019 - 2:56 下午

差唔多!

kelvin 01/02/2019 - 12:12 下午

請問9月尾去德國柏林，還會有平機票嗎？
現在最平芬蘭航空，大約$5500左右

admin 14/02/2019 - 3:08 下午

有無搵下瑞士航空?
9月尾未必有平架啦~同埋都少優惠

Vincent 07/02/2019 - 1:27 下午

Hi, I plan to go to Zagreb in late May. Now Emirates is about 5500. Should I wait for a lower price? Thanks.

admin 14/02/2019 - 3:07 下午

唔使等可以入手~呢個航點無咩優惠

jk 27/02/2019 - 6:16 下午

hi,謝謝你的詳盡資料
打算於六月中去德國，漢堡入慕尼黑出，呢排睇最平係阿聯由5200左右，時間比較好，可以入手嗎？定係可以再等優惠？麻煩晒

admin 28/02/2019 - 3:08 下午

漢堡都少有優惠
呢個價都差唔多~德國個稅都貴少少既

Joyce 01/03/2019 - 8:31 上午

多謝你既分享^_^

前排買左$2891 瑞士航空，香港飛日內瓦(蘇黎世轉機)來回，旅程會搭火車係瑞士周圍玩，回程想唔坐回頭車返反日內瓦上機，想問小編知唔知道可否日內瓦個程no show，直接由蘇黧世返港？有無試過依啲情況？

admin 04/03/2019 - 12:04 下午

肯定唔得，中間個程唔搭的話後面個D 航班全部無得搭～

ALEX 04/03/2019 - 9:20 下午

你好我目前係英國WH緊, 4/7就VISA到期, 所以個日一定要出境… 我打算直接翻HK~ 請問如果係1/7-4/7之間飛邊日會比較平? 我查過如果呢家買FINNAIR, Emirates都係Around $4600-5000… SWISS, CATHAY就過$5000… 唔知那段期間會唔會有特別優惠的機會呢? 還是我盡快買會比較好? 謝謝.

admin 07/03/2019 - 12:08 下午

應該不會了!

James 12/03/2019 - 9:43 下午

上星期㩒到漢莎(搭瑞士航空)下年1年尾出發過完農曆新年返去Budapest 連稅$37xx
但今日再㩒已經賣哂
同一時間地點$53xx連稅請問算合理嗎？根據你經驗之後會再有三千幾個價出現嗎？
定係轉飛Vienna $50xx連稅較抵？(呢個價飛Vienna合理嗎)
Thanks

admin 13/03/2019 - 11:36 上午

難啲~~~農曆新年blcok out期都幾長!5千3算合理,如果出發日子好近新年

James 12/03/2019 - 10:56 下午

你好
請問出年21/01/20飛Vienna04/02/20返香港
坐Swiss $5090連稅算合理嗎？
定再等多陣先出手？
Thanks

admin 13/03/2019 - 11:38 上午

okay呀!

LING 19/03/2019 - 10:42 上午

你好,我想7月中尾到法國1個月,見到新航來回5200HKD到,入吾入手好?

admin 19/03/2019 - 12:20 下午

暑假差唔多啦~可以入手!

Grace Poon 08/04/2019 - 8:53 下午

你好, 想9月28日出發到芬蘭, 10月11日奧斯陸返, 芬蘭航空公司現做7,700左右, 請問這個時間算合理價錢嗎, 或可以再等一下?

admin 09/04/2019 - 11:48 上午

麻麻地WOR!你一定要坐直航?

Grace Poon 09/04/2019 - 7:47 下午

因為係凌晨機, 去到芬蘭係早上6點, 時間靚, 所先想坐直航, 如果唔坐直航, 有乜野好提議?

Shan 10/04/2019 - 10:28 下午

你好！想問9月28飛阿姆斯特丹，10月6日返香港，國泰連稅$6050，可以入手嗎？定要等下有冇其他優惠？謝謝

admin 12/04/2019 - 11:49 上午

呢個痴左10月1日紅假都無咩優惠架啦~直航差唔多~

CTK 04/05/2019 - 3:41 上午

你好～
請問如果想2019 12月中出發到瑞士/芬蘭，回程1月中係英國返香港，大概幾錢值得入手？
岩岩check過卡塔爾航空係around hkd5700～應該再等下先or望下其他航空公司？（唔係backpacker..最少需要20kg行李）

admin 09/05/2019 - 11:28 上午

https://flyday.hk/68635/
睇返呢個post~國泰open jaw都係4千5,好抵玩呀!

Wen 17/05/2019 - 10:03 下午

請問plan緊出年4月復活節連假去法國及英國大概10-13天。想請教如用AsiaMiles 換 open jaw 機票，入及走嘅機場點安排最平？及是否要打國泰CS熱線換唔可以網上做？又聽過人話長途機用AsiaMiles換唔抵，是嗎？謝謝你！

Flyday.hk 06/08/2019 - 12:31 下午

london入，Paris走，London離境稅好貴。
係唔抵，但如果你旺季都換到咁都Ok
要打hotlines換

KK 24/05/2019 - 2:33 上午

請問12月13出發，1月2x號返，慕尼黑入赫爾辛基走，卡塔爾連稅4900左右值唔值得入手？定係可以再等下其他優惠？

admin 24/05/2019 - 11:30 上午

邊間航空~

KK 24/05/2019 - 11:50 上午

寫左卡塔爾?

Dawn 26/07/2019 - 3:37 下午

你好!
請問19年11月28日出發, 12月9號左右返,國泰倫敦直航, 早去晚返, 連稅HK$6593/位可入手嗎?

因為錯過左5月國泰,英航,維珍3間直航既優惠, 唔知要等到幾時.

Flyday.hk 26/07/2019 - 6:32 下午

老實講有啲貴～我係你會再等多一陣

Dickson 17/08/2019 - 11:17 下午

Hi! 2020年2月中出發, HK飛London Heathrow, Manchester番HK, CheapTickets.hk 連稅$4531/位已經算好平? 洗唔洗再等? Thanks.

Flyday.hk 21/08/2019 - 11:35 上午

價錢OK呀

Dickson 17/08/2019 - 11:29 下午

(更正) 2020年2月中出發, 阿聯酋, London Heathrow入, Manchester走, CheapTickets.hk 連稅$4531/位已經算好平? 洗唔洗再等? Thanks.

Flyday.hk 19/08/2019 - 2:44 下午

已經好平下，唔使再等，因為本身Manchester 個稅好貴，所以點都要四字頭。

giann 24/10/2019 - 11:10 下午

2020 復活節，搭EMIRATES飛葡葡牙波多（PORTO）
$5300 可入手？

Flyday.hk 25/10/2019 - 3:18 下午

可入手!

rchk 27/11/2019 - 1:50 下午

下年4月1-8日 HKG/MAN – LHR/HKG 坐cx $5600連稅入手ok?

Flyday.hk 02/12/2019 - 1:12 下午

ok，近復活節

hsm 31/12/2019 - 7:57 下午

hi, 打算7月21日 London入, 8月8日 Barcelona出, ETIHAD $6300 左右, 可入手?

Flyday.hk 10/01/2020 - 12:13 上午

貴左少少，五千鬆D 應該OK，可以等多陣。

JK 14/01/2020 - 10:52 下午

Hihi 想今年7月頭香港-蘇黎世直飛來回，CX around 7400, Swiss 6600左右，買得過嗎？諗緊等唔等優惠出，驚7月無優惠
Thx!!

Flyday.hk 15/01/2020 - 1:19 下午

唔使等優惠架啦! 直接買啦! 暑假出發唔會有優惠~

發佈留言 Cancel Reply

This site uses Akismet to reduce spam. Learn how your comment data is processed.

平機票攻略！歐洲優惠機票全分析！幾錢先係入手價？

尊貴之旅！超抵飛歐洲！卡塔爾航空來回歐洲各大城市經濟艙只需$2,050 起、商務艙$13,280 起

【皇家約旦航空】優惠繼續有！快閃靚價！來回曼谷$551

相關優惠

223 comments

發佈留言 Cancel Reply