點樣可以喺含「消毒殺菌」成份洗手液同酒精搓手液短不足下做好防疫? 首要，要認識以下幾點。

<肥皂或普通梘液已經足夠>

- 要有效清潔雙手，用肥皂或普通梘液，加上正確方法已足夠。研究發現用含「消毒殺菌」成份嘅洗手液洗手嘅效果唔會同普通肥皂或梘液有分別。洗手除病原嘅原理係「物理原理」，靠肥皂或洗手液嘅界面活性劑起泡，加上搓擦雙手幫助「剷起」手上污垢和病原體 ;

<洗手: 物理原理 ; 搓手: 化學原理>

- 喺雙手冇明顯污垢而又冇洗手設備下，同含酒精成份嘅搓手液亦可以清潔雙手。搓手液嘅酒精成份最少要有60%濃度。酒精搓手液嘅除病原原理係「化學原理」，用法係要讓搓手液塗滿雙手，搓20秒，然後讓液體喺手上風乾，唔好用紙抹去液體，咁先起到個「化學」作用㗎 ;

<冇搓手液就洗手>

- 如果真係冇酒精搓手液點算? 方法就係洗手! 其實洗手始終係最有效嘅，如果喺街度真係冇得洗手又冇酒精搓手液，就唔好用雙手去攞食物或者觸摸自己眼鼻口，直至可以清潔到雙手為止 ;

- 點解要經常洗手? 患者噴出飛沫中嘅病原可以停留喺公共物體,或者留喺我哋嘅皮膚或衣服上一段時間，可以經手部觸摸後，再透過接觸眼睛同口鼻而傳染我哋。洗手，係必須嘅。

記住，武漢肺炎可經飛沫及人與人之間傳播，做好防疫方法，就要: 經常洗手及減少手部觸摸公共物件+在與人有飛沫傳播距離接觸的地方戴上外科口罩。

想重溫有關「如何在口罩不足下做好防疫」嘅貼文，請瀏覽 https://m.facebook.com/story.php?story_fbid=2554118524809172&id=1801066716781027

正確洗手方法: https://youtu.be/pN2C6AJ2_EA

正確用酒精搓手液方法: https://youtu.be/YGSbWriRl6U

#防災專業發展 #防災情報

#coronavirusoutbreak

#香港賽馬會災難防護應變教研中心Readyhk #2019冠狀病毒病