古天樂與「試當真」成員許賢、蘇致豪、林家熙、《膠戰》的劉沛蘅和陳毅燊(Ansonbean),一齊為外賣平台拍攝廣告,最令人驚喜的是連天后鄭秀文(Sammi)亦有份參與。
猶如搞笑賀歲片
整個廣告片長達5分鐘,內容圍繞眾人正苦惱新年面對親戚八姨婆的提問,其後Sammi著蘇致豪扮八姨婆,他們構思不同方法阻止八姨婆提問,包括不停叫外賣塞滿八姨婆個口。另一部份就提到每逢新年,古天樂和鄭秀文感慨自己被親戚當水魚,古仔直言︰「玩親麻雀都要我鬆章,玩射龍門、魚蝦蟹猜小明包剪揼十五二十,一定要我輸!飛咩黃騰達啫!」之後Sammi不停向古天樂批踭,非常搞笑,儼如看了一部搞笑賀歲片。
Sammi上載花絮
Sammi在IG上載當日拍攝花絮,當大家正式拍攝前已經笑過不停,她說︰「#堅係拍攝得好開心好齊心 #忍唔住笑咗#走先啦係咁先啦下次再玩啦 #食先喇係咁食喇食完再玩啦」