凹凸洞療程成效比併,變番徹底平滑可以點?_下篇 : oliviamama

凹凸洞療程成效比併,變番徹底平滑可以點?_下篇

續上篇有關凹凸洞GE分享,好多人真係好擔心凹凸洞無得救,或會好失望,

而上一次已經解釋過水晶磨皮、鑽石磨皮、酸性換膚,都會令皮膚更受創,唔適應就好易過敏,

對於暗瘡肌、受損肌、敏感肌都唔適合,可以click番回顧:

http://www.beautyexchange.com.hk/portal.php?mod=view&aid=120254

 

應承左比併好多人用來對付凹凸洞GE MTS/ 微針療程,首先了解下咩係MTS/ 微針療程

MTS微針療法,而家分為電動及手動,但基本原理係一樣,以一個滾輪(上面密佈著針),藉由不停滾動、針刺皮膚產生無數微細傷口。經由刺激真皮層來治療暗瘡凹凸洞。

多數仲會配合精華去做,借由微細傷口滲透落皮膚內。

 

咁到底MTS/ 微針療程,可唔可以改善到凹凸洞?

其實只可以係改善,我係美容公司做咁耐,未見過以微針呢個方法做到百分百去除凹凸洞。就算係可以去到肉眼望落平整左好多,都唔會係完全解決,而且因為始終以「先受創,再收復」的原理去做,肌底有好多傷口你係睇唔到GE,久而久之,內部傷口更多。長遠皮膚質素係會愈來愈弱,因為不停收復又受傷,受傷又再收復,如果係手臂上GE傷口係咁,你都估到最後個傷口係咩樣? (好恐怖)

 

而點解有D凹凸洞改善到,有D又好似差唔多? 改善到係因為碌得中根源。疤痕根部深淺不一,咁多支針以量多方法去創造無數傷口,刺激真皮層,其實都未必到達到疤痕根部,咁啱個位hit到針中根部,先有可能拉番鬆條根,所以MTS/ 微針療程係會借助重複用針碌,係4個不同方向碌4次(正反左右斜角)去增加碌中根部GE機會。

而點解有D又好似差唔多,無咩改善。係因為落針位不定,大多只係令中層皮膚有受損GE錯誤信息,隔一段時間拉扯收縮又可能出現影響。不過唔好以為,係咁碌,碌多幾次實鬆到疤痕根部,D針係直上直落,完全無挑動根部GE作用。所以多數都要做10次8次,先會見到有少少感覺「好似好左、好似平左D」。

事實係,做得耐MTS/ 微針,就算凹凸洞改善到,都唔會係想像中或者係原本BB仔果種「未受損過的肌膚」,表層望落去一定係好老化肌膚GE感覺,一個個細細GE洞仔,因為皮膚好似打仗咁重復受傷,係唔會出現你想要GE水潤白滑肌。

做得MTS,10次都起碼$10,000或以上,仲未計上精華素GE價格。亦沒有計較所忍受GE痛楚,以及做完之後,要有5-7日GE復原期,復原期間,肌膚係又紅又腫又痛。

其實如果你有以上budget,不如真係做D可以改善到凹凸洞,又唔洗復原期,又無咁痛GE方法。

 

利用PicoSure蜂巢皮秒激光,點樣可以改善凹凸洞? 有咩好?

 

比較過多年去凹凸洞GE方法,最有效、快捷,而且做完唔會有咩紅腫,幾個鐘就可以退哂紅,就係PicoSure蜂巢皮秒激光,一般人以為皮秒激光一定係做去斑,實質佢最勁而又有哂認證GE係佢個蜂巢鏡,真係做到去凹凸洞,逆轉膚質。我GE凹凸洞暫時只係MIOGGI做左2次,下面有我GE前後相,可以睇到效果真係好理想。

完成1次之後,我臉頰GE凹凸洞已經有明顯改善!

療程係利用FocusTM Lens Array蜂巢瞬效透鏡GE治療頭,將激光穩定重配130個小光束,提升20倍能量,在不破壞表皮情況 (獨有GE空泡化效應,無破損表皮層!!) 啟動修復機制,追擊凹凸洞。

做GE時候係會有點激光FEEL 痛(我覺得係低痛楚,因為有些人實在忍唔到痛,如果做過MTS,此療程可以話係 “無痛”),療程前會先敷20-30分鐘麻醉膏。



 

療程原理係先以高效震盪波作用,震動肌底GE疤痕根部,令原本緊縮GE位置可以鬆番,表皮至深層真皮層同時更將震盪波傳遞,啟動修復生長因子,促進膠原蛋白代謝與增生,活化新生膠原蛋白細胞。泵番開表層同底層皮膚,令凹洞可以平滑番。

撐開緊縮GE位置,姐係條根無咁易再拉扯緊番D皮膚,同埋俾機會皮膚生長番應有GE空間、水份、柔軟細胞。可以話係一個比較治標又治本GE方法。

唔洗無數次GE創傷,而且唔係單一靠光熱GE一般激光機,大幅降低熱傷害、避免反黑、快速復原。隨著時間俾皮膚更新,皮膚會水嫩潤滑。一般都會建議以3-5次為一次完整GE治療。如果好嚴重GE凹凸洞,可以重覆再做多幾round,一切都由第1次上MIOGGI見顧問及醫生去決定GE療程建議而定,亦都可以配合自己budget一步步去做。

我GE療程建議係一共做左3次,1 round GE完整治療,期間因應皮膚修復GE情況,每次療程相隔1個月。表層同底層皮膚都有一個機會去回復未受任何傷害前GE狀態。

上妝時,粉底都唔會再食哂入凹洞中,更加唔需要用厚身GE遮暇去cover紅腫! 平滑GE細緻手感令我覺得整個療程真係好值得!!

 

MIOGGI以專業服務為賣點,所以專業咨詢係免費,而且唔會好似D美容中心咁hard sell,所以我都好鼓勵有凹凸洞問題,又想知道多D關於PicoSure蜂巢皮秒激光凹凸洞療程GE話,可以預約專業咨詢,評估了解過先更加知道適唔適合自己,而且知道budget係幾多,方便自己計劃下。MIOGGI首次體驗PicoSure蜂巢皮秒激光個價錢仲係$4800,所有費用已經包括在內,唔會另外有咩收費。

想解決凹凸洞,感受到皮膚一點點回復白滑GE感覺,就唔好再等,凹凸洞係唔會自己消失GA,一次GE效果已經好吸引,登記link:

http://bit.ly/2rFk5hC

 

下次再見!