原汁原味

營業中

休息中

呢間餐廳之前食過兩三次，覺得味道唔錯，今日想食小菜又諗起佢😌餐廳座位唔算闊落，多客起上嚟都會有少少迫～呢度嘅小菜有啲都好有特色，今次揀咗幾款試吓😗我叫咗米芝蓮推介嘅招牌柚子片皮雞 (半隻) ($178)，上面鋪咗十分香脆嘅雞皮，食落去脆而不膩，而下面就墊咗柚子同雞肉，將佢哋加埋雞皮一齊食，柚子嘅香甜同雞肉做到一個好好嘅平衡😌未試過呢個味道，又幾好食～另外叫咗車打芝士五層乳豬 ($82)☺️上枱個樣相當靚仔，上層係香脆乳豬，中間仲有青瓜、芝士醬、同埋疑似係哈蜜瓜嘅清爽配料，下面係一塊多士～覺得個口感非常豐富，亦係幾特別嘅新派菜式😆仲有即燒西班牙黑毛豬叉燒 ($128)😌呢個好有驚喜，肥瘦適中，有部分帶點焦香，好入味，忍唔住一件接一件🤗最後就係西蘭花炒龍躉球 ($158)😋龍躉球五大件，啖啖肉，炒得好惹味😉呢餐兩個人食咗$600，雖然唔算平，但食得好滿足☺️

叫左既幾樣菜都好味道, 柚子無骨雞, 雞皮去左膏好好食又脆, 啖啖肉, 乳鴿饟鮑魚, 乳鴿汁味道同出面唔同, 好味👍🏽, 但係饟鮑魚喺入面就好似唔需要, 兩樣野無乜關係, 鮑魚都無乜味, 就咁乳鴿已經夠好藍乳脆鱔, 鱔好脆, 骨去得好好, 唔油, 合桃好脆, 不過唔覺有藍乳味叉燒好食, 每件大細適中, 比某d 出名叉燒既鋪頭絕不輸蝕其他普通野肉餅伊麵都好食芝麻糊, 杏仁茶都不錯鋪頭唔大, 所以唔會好多人, 唔嘈行過可能唔會留意, 不過試過一次應該會再黎

今次朋友揀咗原汁原味嚟飯聚一餐4個人叫咗個二人餐加多個餸食，都夠哂食👍🏻👍🏻二人餐可以揀兩個主菜同一個時蔬咁當然要加錢試吓個米芝連推介既柚子片皮雞，另外揀咗粉絲龍蝦煲柚子片皮雞：係片咗炸子雞既皮配拆咗既雞肉撈柚子。整體嚟講幾特別同幾新奇粉絲龍蝦煲好食既配飯食一流👍🏻👍🏻另外朋友揀個咗炸牛坑腩試，每舊都好大舊個炸皮好鬆脆。不過好油膩，食一舊都好濟二人餐既涼茶係羅漢果茶嚟整體嚟講係唔錯既一餐，餐廳環境都係舊式中茶既味道

見到灣仔有間標榜無懷舊粵菜➕無味精既米芝蓮店一直諗住大班人先可以食多D不過今次2個人都叫到4款🤨冰鎮鮑魚可能店員見我地2人所以一上枱已經細心1分為2😲細心👍🏻鮑魚爽脆😯上面既醬既好像冷麵中既海蜇既醬酸酸多少甜🤨做前菜正👍🏻話梅豬手煲煲中有有腰豆，話梅，重有重到傑身既話梅醬話梅好易就甩左粒核就算直接食都覺得可口🤨腰豆就做到 半爛身食起上黎粉粉地咁👌🏻講反主角就係 豬手整件都被 話梅醬汁包住點食都食到醬吳會只食到豬手無味咁皮就好有膠質👍🏻點餐覺得係有肉豬手不過係煲湯豬手個人對 只有皮筋既豬手一向都麻麻地但呢個本人下次會再叫👍🏻話梅涼瓜呢個都係前菜類冷上入口第一下係甘味之後就有淡淡既梅味出黎ok涼瓜既甘苦既人會岩他們🤝即燒西班牙黑毛豬叉燒size就出面一條左右我喜歡原條上因為有邊既燒蕉位又有中間既琳肉我覺得店方選位幾好肉質做到鬆，有好少既脂/爽筋有口感我相信應該係梅頭肉黎而表面做到脆面叉燒做到表面脆到出聲😋結: 咁多味本人都食得出店家既心思已係本人book mark左既常去餐廳必試既推薦: 話梅豬手煲即燒西班牙黑毛豬叉燒#話梅豬手煲#即燒西班牙黑毛豬叉燒#話梅涼瓜 #冰鎮鮑魚#原汁原味

住家飯大家都一定鐘意，因為有家嘅溫暖🏠 喺灣仔都有一間呀，好方便大家lunch或者放工後食晚餐🥣 食物嘅選擇有好多，有2人套餐可以揀，或者有好多其他餸可以單點，睇吓你鍾意食啲咩😊 佢嘅招牌菜係「招牌柚子片皮雞」🐥 ，呢個係米芝蓮推介👏👏 比起平時啲炸子雞係特別啲，因為佢除咗有柚子汁之外，亦都有柚子喺片皮雞下邊，另外除咗雞翼之外，其他雞肉都已經起晒骨，所以食落去啖啖肉，柚子就甜甜地，好開胃！另一個值得推介嘅招牌係「即燒西班牙黑毛豬叉燒」🐷 呢個亦都係超好食！如果想食呢個就記住要早少少叫，因為佢製作需時，真係即場燒俾你食，上碟時熱辣辣，好香口🥰 叉燒好多汁，叉燒肉好嫩，好好食😋😋 小食就試左「明太子雞翼」🥢入邊個餡好豐富👍 佢仲有好多其他餸都好吸引，下次一定要再返嚟試🤗

This is definitely my go-to place when I’m in the area and craving some Hk-style dishes. Jelly fish - good portion size for the price Sweet and sour pork - served hot and crispy. I like the tanginess of the sauce, it goes well with the fried pork.Sea urchin fried rice - what’s important about good fried rices is that the rice don’t stick and clump. You can see the rice is dry and separate nicely. Also there’s quite a lot of sea urchin as well.Braised beef ribs - the meat is tender and it kinda j

2022.7.13 星期三 7pm剛巧放工時間，都開始多人來吃晚飯。座位和枱都有點窄，不過都還好，夠放三碟餸。•••••••••••••••••| 招牌柚子片皮雞(半隻) $178 |💛米芝蓮推介。薄薄的雞皮有少少脆，都很香口。雞肉嫰滑，大細剛好，方便送飯。雖然有點油，不過有粒粒飽滿柚子肉，還有少許糖漬柚子，有點酸甜味配搭，有解膩的作用，帶點清新的感覺。| 砂鍋鮑汁雞粒炆飯 $90 |💛很足料，大大粒雞肉，適量配菜。炆飯軟硬適中，顏色很均勻，調味很足夠，不過就不太感覺到有鮑汁味。| 原汁原味鮑魚小炒皇 $138 |💛炒得充滿蝦乾濃香味，但就有點太油。韭菜花爽嫰沒有渣，沒有草青味。有很多蝦乾和腰果，還有菜脯和幾片帶子，但就不太覺得有鮑魚。| 足料老火湯 $28 |💛粟米紅蘿蔔湯，完全家裡煲湯的味道，沒有味精味，喝了很舒服。粟米粒好飽滿，紅蘿蔔甜，料很多而湯碗不太大，所以略嫌湯較少。| 自家製牛奶布甸 $19 |💛牛奶很香，雪得夠凍，如果大杯一點就好了。服務費 10%•••••••••••••••••單單吃炆飯就不會覺得鹹，不過我們連小菜一起吃，就會覺得少許鹹。所以想叫小菜的話，最好配白飯

在灣仔黎講，午市套餐可能未必最平，但我覺得係一間幾好食/好有香港地味道的餐廳👍🏻着先，今次我地試左食蒸魚，價錢大約係$98。口感好好，同埋叫蒸魚。魚肉嘅肉質唔會好鞋，反而仲帶出魚的鮮甜約蔥同蒸魚豉油一齊撈飯食，實在太好味呢另外，今次仲叫左波士頓龍蝦芝士焗伊麵雖然價錢比其他食物貴少少，$158 但絕對係物超所值首先，龍蝦好大隻，伊麵份量亦足夠雖然好heavy，但係整個賣相都好吸引同入哂味整體黎講，可以一試再試最後，原本套餐都有老火湯贈送。但沒有影相，但味道來說，相信都係自家煲，不是味精湯

今日同4個朋友去左原汁原味度食咗餐，同上一次食既水準都差唔多，但今次個燉湯有藥材，呢個我就唔太鍾意！因為我覺得有啲苦😅😅但原來佢哋個燉湯會成日轉！但炸so炸生蠔就好好食喇😋唔知係咪佢哋係用日本刺身蠔做呢，所以冇腥味！片皮雞一樣咁正，係條叉燒要等耐小小，因為佢哋係即刻燒！個南乳脆鱔都好好食，因為佢係冇骨既😂😂重有幾樣掛住食唔記得左影！但總括黎講都係好食，最正係真係冇味精👍🏻👍🏻下次去要試吓個酸菜魚，我見人哋食好似好好食，同好大煲😎

25/4開返堂食，明朋友介紹有新菜式當然要過嚟試吓！正！老火湯保持一貫水凖，還有原盅時令燉湯-天生雪蓮燉雞湯日本刺身生蠔煲用時令日本蠔肉，新鮮蠔味一流！馬蹄瑤柱肉碎釀原條涼瓜正宗瑤桂，100% 誠意之作，原條涼瓜上枱原汁原味。佛跳牆撈起鮑參翅肚樣樣齊，希望疫情快些過去大家風生水起！紅燒墨西哥車輪鮑原只墨西哥車輪鮑上枱，真係好小地方可以試到。仲係用新鮮活鮑炆煮，濃濃鲍香味一流！甜品加多個自家製官燕蛋白杏仁茶，用正宗燕絲加上司傅生磨杏仁汁！真材實料！埋單還有雞卷送，下次可以再來試過。

今天晚上，我經過一間名叫原汁原味的食店。我見有一兩個人等緊外賣，上網查吓個食評都不錯，就試吓呢間。入到去下單，看見環境其實是非常一般，但我還是膽粗粗下了單。我點了一個魚香茄子煲飯套餐，有餸有飯有湯。大概十分鐘就有，我取時都覺得有點不對勁，。回到家後打開，樣子沒有異樣。我先吃一口茄子，發覺這餸一點也不香，味道淡而無味，非常差勁！我還要到㕑房取鹽來調味。湯也不是新鮮的，我喝了幾口就停了。而飯是有點硬，絕不柔軟。總括而言，他們的食物名過其實，請不要幫襯！

之前知道呢間有啲名氣特登來試下，可能因為疫情，星期日1點半去到唔洗等位，2人叫咗：1. 排骨陳村粉（午餐set）夠滑多汁，份量都ok，價錢唔平都80-90蚊，不過喺香港午餐可以食陳村粉嘅餐廳真係好少，呢個係加分位！2. 柚子雞半隻 （招牌菜）雖然係招牌菜但性價比就唔高。味道本身唔差，雞皮脆，入味，可惜個人覺得落得太多柚子，甜過頭，如果你平時飲嘢鍾意走甜少甜嘅話未必鍾意。而且雞肉係切薄片/雞絲，份量本身唔多之餘，揭開個底大部份其實係柚子撈沙律，實際食落並冇半隻雞肉嘅份量，收呢個價位且標明招牌菜個人認為略嫌失色。3.  菜心普通菜心冇特別Overall唔差嘅，希望下次有機會再試下啲中式小炒！

呢間餐廳好耐冇食，唔係因為佢啲嘢唔好食， 而係覺得每葉餸的份量偏少， 而且價錢唔平，兩人以上的飯局，就好少選擇呢一間餐廳。 由於限聚令關係， 晚市禁堂食， 呢度推出咗抗疫外賣套餐， 睇落價錢合理， 就一於試下。 選擇咗 鮑魚小炒王、 蒸咸鮮馬友 同 慢煮牛肋條。 打開盒發覺賣相唔錯。 至於味道呢， 條馬友鹹鮮味十足， 送飯一流， 牛肋條肉味濃郁，唔需要點咬， 就順滑吞咗落肚。 鮑魚小炒王就味道正常，相信堂食會好味啲， 因為唔使畀個外賣盒焗住。 整體覺得， 呢次外賣體驗十分良好， 而餸菜份量， 已經比之前印像中多番Ｄ。 值得推介

哩日同女朋友去灣仔行街 佢最鐘意食住家飯 炒小菜 真係百吃不厭平時要搵食D咩 岩佢心水 都真係幾麻煩 但見到哩間叫 原汁原味一睇就知咩料 果然佢一聽就話OKAY! GO!因為疫情關係 鋪頭係中午時間都冇乜人 只有兩三枱客入座之後 好快就簡好野食女朋友簡左佢最鐘意食既霸王雞我就簡個開胃D既咕嚕肉兩個算係食肉獸 同埋成日都覺得叫肉抵過叫菜食 haha上菜第一客wow 份量算幾多 兩碟都好多肉霸王雞 算有雞味 但好可惜 應該整得太熟 肉質變得太實同口感唔好女朋友愈食愈唔滿意haha 真係好高要求而咕嚕肉就我地兩個都覺得幾好食甜酸味道適中 口感係紮實既感覺 好有住家菜既味道唔似平時出面外皮爽脆既做法最後仲叫左碗芝麻糊 但一般般 冇乜特別overall 用餐體驗 都算坐得舒服 service okay但價位以lunch 小菜 都唔算平 食物質素希望可以更好 

同朋友去完灣仔會展後 ，係附近找一間茶餐廳試 看舖頭餐牌見正正常常 就沖入去 怕再找就過10點 無飯食 食完後 覺得要再去過試其他 今次第二次再來同朋友賀生日， 朋友一早訂枱及訂菜 怕無得食特式菜 又叫招牌：柚子雞 ：皮脆肉滑又無骨 鮮柚子夾在皮與肉之間去油膩感鴨腿湯飯：不是用豉油湯 係炖湯南乳脆鱔：南乳味有少少重 但尚可接受芝士乳豬：可以蘋果脆米龍蝦🦞：店員推介 較特別做法 但真的是不及蛋白炒 感覺不太配合魚翅乳鴿：塞滿魚翅，魚翅粗身有咬口蛋白杏仁茶：不太甜膩，味道不錯所有人都食得飽滿 十分滿足