一講起印度菜，你會諗到乜？我會第一時間想起非常濃郁的香料，啲香料濃到有啲焗促感。不過今次呢間餐廳，打破我對印度菜的一切想法。 尼泊爾雞肉餃子 $88 餃子雖然同我哋平日食開的餃子無異，不過其實重點不在於餃子，而係醬汁。醬汁以四川花椒、薄荷、番茄等製成，食落有啲惹味而不會搶去餃子風頭，係一個出色的配角。 瑪沙拉燒馬友 $188... 肉質鮮嫩的馬友魚，加埋味道濃郁的瑪沙拉醬，好夾！ Butter Chicken 牛油雞 $107 雞肉嫩滑之餘，好鍾意夠掛汁，以醬汁沾烤餅同食，味道100分！ Garlic Naan 蒜蓉烤餅 $32 印度菜必食item，充滿油香的鬆軟烤餅，沾上咖喱醬同食，堅正！ Poori $32 食完烤餅唔夠喉，嚟多個因熱力而變得脹脹的Poori，與烤餅一樣好有油香又鬆軟，口感仲多啲啲煙韌感。 香辣鬆化胡椒餅 $25 喺煎得脆脆的胡椒餅上放入青瓜、番茄、香蔥等配料，口感幾fresh，好啱做前菜。建議上枱後盡快食，否則脆脆的胡椒餅會被配料、醬汁而變軟。 Mango Lassi $39
比起一般甜甜的芒果汁，加入乳酪的芒果酸奶少一份甜膩，多一分解渴。 
通常一入印度菜餐廳都會聞到濃烈的印度線香，有點侷促，但入呢間就無喇！餐廳格局好適合一家大細的家庭，予人有種團聚、聚餐的感覺，小店情濃。更多

嗰日澳門返嚟落船勁肚餓喺附近搵咗一間由印度人開最正宗嘅印度菜😳咁啱最近公司都搵緊gathering地方 望到原來呢間餐廳可以包場開party 好味下次可以encore 同老闆傾落先知原來已經開咗成30年添啦 ❣️𝒫𝒜𝒩𝐸𝐸𝑅 𝒫𝒜𝒦𝒪𝒟𝒜𝒮 酥炸奶酪球 $88 用鷹嘴豆粉包住paneer 大...大舊食落似豆乾😂連埋青瓜一齊包系炸皮入面 感覺好新奇 青瓜爽口減少油膩感 而且面頭灑左椒鹽粉 咸咸地做餐前小食幾過癮 ❣️𝐵𝒜𝐼𝒢𝒜𝒩 𝐵𝐻𝒜𝑅𝒯𝒜 特色燴免治茄子 $96 原先見到圖以為好似茄子煲咁油淋淋 點知嚟到出乎意料地乾身 茄子南瓜青豆鷹嘴豆撈埋😎似大雜燴咁 咖哩太辣可以加啲落去溝溝 ❣️𝒫𝒜𝒩𝐸𝐸𝑅 𝐵𝐼𝑅𝒴𝒜𝒩𝐼 印式芝士炒飯 $116 勁大兜超足料 而且估唔到炒起嚟會乾身過中式炒飯🥺印度米食落粒粒分明 比平常楊州炒飯仲正 仲要一啲油都feel唔到 芝士香氣食落有啲類似蟹粉香 推薦👍🏻 ❣️𝑅𝒪𝒢𝒜𝒩 𝒥𝒪𝒮𝐻 印式燴羊肉 $125 羊肉好腍冇騷味 較為香辣嘅咖喱撈埋一齊食啱啱好 除咗送飯仲可以配千層餅🥺而且老闆話味道有經過改良 比較適合香港人口味 辣度對我哋嚟講適中易入口 ❣️𝒞𝐻𝐼𝒞𝒦𝐸𝒩 𝐵𝒰𝒯𝒯𝐸𝒯 𝑀𝒜𝒮𝒜𝐿𝒜 香滑馬沙拉雞 $118 呢個擺盆勁靚 超鐘意嗰容器😍嫩滑雞肉加埋帶🥥香嘅咖喱 微辣甜甜地 初嘗印度咖喱呢個真系值得推薦 ❣️𝒫𝒜𝑅𝒜𝒯𝐻𝒜 千層餅 $36 一塊都夠兩個人分 而且佢拉開可以好似蚊香一圈一圈咁😛好酥化 配嗰兩個咖喱啱啱好 ❣️𝑅𝒜𝐵𝑅𝐼 最後嗌咗呢個甜品 老闆推薦話系傳統美食😌有啲似燕麥片又有啲似薏米 但系淋身好多 面頭放咗舊超級無敵甜嘅蛋糕 呢個甜度有小小意外 不過成餐食辣中和都ok嘅 ❣️𝑀𝒜𝒩𝒢𝒪 𝐿𝒜𝒮𝒮𝐼 $39 用印度🥭同乳酪mix埋一齊 勁濃郁滑喉 而且無添加糖都可以咁甜 解辣真系一流更多

今天晚上約了乾女兒吃飯，他說要吃印度菜，便在網上搜尋發現這裏。 原來這裏曾經在深井開店，後來搬到了上環。 印度芝士餃子$88，餃子的外型有點像北方的水餃，你想芝士味道香濃，可以點些辣醬來增加味道的層次感。 印度煎餅$32，煎餅沒有切開，用手撕開來吃，再加點咖喱汁，非常配合印度的飲食文化。 串燒雞柳$88，雞柳帶點孜然和咖喱的...香氣，外脆內軟，肉質豐富，非常值得推薦。👍👍👍👍👍🥰 印度芝士菠菜$92，廚師將菠菜打爛，混合芝士之內，有蔬菜又有芝士，是芝士控必點的一道菜色。 炸米餅配薄荷汁$88，這個小食要將綠色的薄荷汁倒在炸米餅來，一口把這香脆的炸米餅吃掉，由於薄荷汁的口感非常清新，非常配合夏日來享用。 芒果酸奶$37，芒果味道香甜，酸奶份量十足，是吃印度菜必點的一度飲料。🥰🥰🥰🥰🥰更多

朋友推薦這裡的咖喱已經很久，一直沒有時間來到這裡，直至今天晚上才真正來到這裡享用咖喱。 雜菜咖喱角$56，外表松脆，內里的餡料帶點孜氣和咖喱的香味，是一道印度地道的小食，外皮口感有點像廣東新年小食的角仔。如果想味道再豐富一點，可以加上薄荷醬或酸辣醬。 蒜蓉烤餅$26，烤餅的蒜蓉味道不算太濃烈，香脆可口，加點咖喱汁，是主食之一...。 印式魚柳炒飯$108，咖喱味滲入每粒印度米內，有點像廣東食炒飯，不過採用了印度正宗的長身米，至於魚柳因為炸過，再放在炒飯內，沒有香脆的口感，這個有點失望。如果炒完飯再加入這個炸魚柳，口感應該會更加香脆。 牛油雞$92，雞肉鮮嫩可口，整個醬汁都不會帶任何辣味，是想吃咖喱又怕辣的人必選的一道菜色。 巴辣羊$118，單看顏色就已經可以想像這道菜的辣度，其實已經是地獄級數的初階版，因為店主可能擔心客人吃不到，應該還可以提升辣度，如果想挑戰一下，可以叫店主加辣，個人覺得這個難道已經很刺激，頭頂有點冒煙，愛吃辣的人應該非常過癮。 雜果賓治$42，顏色配搭得非常鮮艷悅目，味道帶點酸酸甜甜，非常配合這個夏天。更多

今日和妹妹吃飯，為了近她上班，選擇了這間較隱蔽的印度餐廳，無論環境和食物都很高質！ 位置：在上環站 C 出口，約1分鐘的腳程，非常方便，在Blue bird Cafe 旁邊。 環境：門口是紅色磚牆搭古舊的掛燈，要上一層樓梯才到餐廳，面積相當大，室內裝潢以紅色為主，古色古香木傢俱配上紅色的牆身和座位，牆上掛上印度傳統畫藝，充滿...異國風情！一邊是靠窗的座位，另一邊盡頭是吧台，有一個角落送滿金色器具，以前是做自助餐區。 服務：有人會為你開門，一坐下就送上兩杯水，第一次入印度餐廳終於有免費水喝，之後我們點巴辣雞時，職員都一再問我們是否可以吃得很辣，很貼心有禮！ 午市：有午市套餐提供，送餐湯和前菜。 餐湯：雜菜忌廉湯，用上粗粒黑胡椒來除雜菜的草腥味，但不會嗆喉，清淡又美味！😍 前菜：炸米餅和雜菜咖哩角配薄荷汁和辣汁，我喜歡其薄荷汁，真是好清新，妹妹說似點牙膏醬🤣 🌶巴辣雞🐓 Chicken Vindaloo $98 第一次試吃印度辣咖哩，辣勁真是不可小看🤫，可以媲美四川麻辣，辣到出汗和不停喝水😝，但吃得很過癮和雞肉煮得很嫩滑，跟鮮紅色的咖喱汁很配合，如果辣勁減少少，我們應該會連汁都吃完！這款推介給嗜辣的朋友。 🥥椰汁咖哩🐟魚 Fish Madras $88 這款奶黃色的咖哩表面灑有椰絲，是用炸魚柳，但質感軟了一點，咖哩汁很香，用來點烤餅吃一流，只是魚肉一般。 🍖燒春🐓雞 Tandoori Chicken $102 我見到Openrice 都推介，就特意點一份，跟西餐烹調手法有點不同，事前用很多香料醃製過，用鐵板呈上出煙的燒雞，表皮燒得夠香口，是肉質相對咖哩雞少嫩滑，但味道相當出色，🥰個人很喜歡這款燒春雞，很重香料味。 🧄蒜茸烤餅🫓 Garlic Naan $26 來到印度餐廳怎可不吃烤餅呢？烤餅大大塊，上面灑有蒜茸粒和其他香料，餅底厚實，有嚼勁，用來點咖哩汁一流。 🥤芒果🥭酸奶 Mango Lassi $72 for two 我喜歡餐廳不加冰和大份，喝完一杯都想繼續下一杯，夏日解暑涼品！ 總結，無論食物質素或服務都很滿意，雖然價錢是貴少少，但偶爾一餐異國風情都不錯。更多

餐廳：印度皇 (上環) 地址：上環干諾道中137-139號三台商業大廈1樓 每過一段時間，我就會好掛住印度嘅美食🇮🇳，尤其每次喺Facebook見到我之前去印度認識嘅屋企人同朋友嘅相，就會好懷念當時嘅回憶，仲有嗰陣同Host Family一齊住佢哋煮比我食嘅傳統印度家常便飯🌮 今次去咗上環呢間開咗7-8年嘅印度餐廳——...印度皇 @basmati_hongkong ，喺正大街干諾道中，顯而易見，喺三台商業大廈上去1樓就見到佢哋空間感好大嘅環境，平日晚上嚟到唔算多人。店員喺印度人👱🏽‍♂️，最重要喺佢哋都好talkative好nice😚 唔知揀咩食好嘅人最啱就喺叫佢哋嘅廚師精選2人/4人套餐，仲有各2sets選擇，人均都喺百幾二百蚊，以上環嚟講價錢唔算好貴👍；而我因為有自己想食嘅嘢所以最後都喺選擇咗A La Carte Menu入面嘅食物🤪 ✝️Panner Pakodas $78 呢碟酥炸芝士球夠晒吸引，當中加咗洋蔥🧅、青椒🫑等配菜，輕輕咬開薄脆嘅外層就見到一整舊嘅淡味Paneer 芝士，仲有兩款酸辣醬比你配埋一齊食，又幾可口惹味😋 ✝️Paneer MoMo $88 呢款印度芝士餃子有啲似我哋平時食嘅菜肉餃🥟，不過裡面就用咗Paneer芝士做主要材料🧀，皮薄帶有少少煙韌口感，爽脆嘅蔬菜帶嚟豐富口感🥬，仲可以蘸埋秘製嘅印式香料辣醬一齊食🌶 ✝️Tandoori Mixed $168 一碟有齊烤魚🐟、烤雞🐔同烤羊嘅鐵板餐，一上枱果陣成碟仲喺「炸炸」聲勁多煙噴上嚟，熱辣辣聞落好香🔥，加上檸檬汁🍋，連埋本身所用嚟醃製嘅印度香料，撈飯食就最啱，不過我個人都喺鍾意淡味少少，畢竟有啲香料味濃得滯蓋過咗本身嘅肉香 ✝️Aloo Gobi $78 呢個薯仔椰菜花咖喱🥦，以辛香為主，唔覺得好辣，配埋Paratha($34)同Naan($21)蘸啲咖喱嚟食就最適合不過🤤。Paratha有啲似千層酥，食落酥脆得嚟彈牙有咬口，仲有層層酥油香😌；Naan就喺發酵過嘅麵包，口感較為鬆脆，微微帶有焦香味，好似我咁鍾意食麵包嘅人真喺食多多都唔厭 飲品就叫咗Young Coconut🥥 ($42)、Lime Perrier ($42)同印度啤酒Kingfisher Lager Beer($38)，呢款啤酒口感清淡容易入口，有陣陣麥香🍺，喺印度非常出名嘅牌子更多

約左個好耐冇見嘅朋友， 佢係呢頭番工，都好多野食，我就提議去食印度野🇮🇳 因為都見呢間幾多人去 💚雜菜咖哩角Samosas (4pcs)🥠$56 同香港嘅咖哩角好唔同，包成立體三角形，大件好多而且餡料豐富，入面包左薯仔等等素菜，素食朋友都啱食 🧡牛油雞 Butter Chicken🥘$ 92 睇到openrice... 好多人叫呢款，食落帶微微嘅辣，牛油味香濃，雞肉冇皮冇肥膏啖啖肉，配烤餅食非常好味😌 💚薑蔥烤餅 Green Onion Naan🫓 $29 黎到果下都幾吸睛，因為佢冇剪開，大半塊咁上😯😯無論係蘸咖哩定係薄荷醬都咁好食 🧡燒烤精選 Tandoori Mixed Grill🍖 $168 因為揀唔到食咩鐵板好，樣樣都想叫，索性叫個mix咁就可以試晒佢。有齊羊肉卷、燒春雞、燒醬雞同魚柳。一黎到已經聞到燒得好香。兩款雞都係微辣，綠色果隻就比較重香料味。羊肉卷有口感少少彈性，羊肉味重，幾惹味 💚炸米餅配薄荷汁 Pani Puri🧆 $88 見幾有特色，而且未試過呢個印度小食，所以一直好想試下。外殼炸到脆卜卜，入面放左薯仔、洋蔥等等，食之前再淋啲酸酸地嘅汁入去。一放落口咬啲汁係個口到爆出黎😳口感特別，老闆仲教可以加啲紅色醬（甜甜地）落去，又有另一個食法 🧡芒果酸奶 Mango Lassi🥭$37 食印度野次次都會叫mango lassi，味道夠正宗而且酸酸甜甜好開胃 食到尾老闆見我地啲咖哩仲有，俾左少少印度炒飯我地試下😝印度米係長條形而且幼細，就咁食已經食到好香嘅米味，清清地都幾好食。當然撈埋咖哩就更加好味😋 服務非常唔錯，老闆亦都好親民，會再黎👍🏻更多