近期最筍！富途證券用Flyday邀請碼開戶，獨家送深圳羅湖木棉花酒店套票或福岡/大阪機票！留存$10,000 60日就送，無其他要求！
大家去到國泰航空官網預訂機票時，大部份人都會直接購買或者用ASis里數兌換機票，唔知大家又有無用過里數加現金嘅方法？相信大家都係有一個疑惑，到底用里數加現金嘅方法到底抵唔抵？有咩好處？同其他方式有咩唔同？今次就等小編詳盡介紹一下啦！
國泰航空｜「里數加現金」購買機票
國泰航空於2021年推出「里數加現金」服務，國泰會員預訂機票時可以使用亞洲萬里通里數加現金組合方式付款。簡單啲講，即係可以用里數抵消票價。
▼ 預定機票時，喺付款頁面度選擇「里數加現金」付款方式，按住自已喜好調整要使用嘅里數(最少使用5千里數)。
「里數加現金」及里數兌換機票比較
| 「里數加現金」 | 里數兌換機票 | |
| 機位 | 所有發售中嘅機位都可以用到 | 只限開放可兌換嘅機位 |
| 賺取里數及會員積分 | 可賺取 | 不可賺取 |
點解要用「里數加現金」購買機票
大家可能覺得自己手上都有里數，點解要用「里數加現金」方法？其實以下有幾種情況，用「里數加現金」方法付款係非常適合。
- 手上亞洲萬里通里數不足：如果想用里數兌換飛行獎勵機票但係又唔足夠，呢個時候就可以用「里數加現金」方法購買。
- 手上有亞洲萬里通里數即將過期：如果你發現自己帳戶內有里數即將到期又諗唔到點用，「里數加現金」係其中一個好方法用里數，買機票仲可以平啲。
- 未能兌換心水航班：有時想用里數兌換飛行獎勵機票，但心水出發日子或航班未能兌換，特別係旺季出發日子，呢個情況反而可以用「里數加現金」方式購買！
- 如果想用里數兌換多張機要，但係放位嘅機票無咁多個位嘅時候，可以用嚟補買其他機他機票。
- 如果只差少少國泰會員積分就可以升/保級，「里數加現金」就係其中一個快捷又有用嘅跑分方法。
「里數加現金」好處
除咗係以上情況下適用之外，其實「里數加現金」都有佢嘅本身嘅好處。
- 相比用全里數兌換，以「里數加現金」所購買嘅機票可以賺取里數及國泰會籍積分。
- 如果用渣打國泰信用卡喺國泰官網嘅消費，可以賺高達$2=1里，如果用呢張咭俾埋「里數加現金」買機票嘅尾數，又可以再賺番里數。新客戶仲有高達60,000里迎新獎賞，可以用嚟買機票！
用「里數加現金」方法買機票，可以邊使邊賺，計落其實都係抵！
「里數加現金」實例
好多人都認為用「里數加現金」方式購買機票，比起兌換飛行獎勵機票所需要嘅里數多好多。但部份日子機票所需里數可能並唔係想像中相差好多，甚至有機會可以用更少里數！例如以下所搵到嘅例子！
▼香港來回倫敦機票，以「里數加現金」方式購買需要大約50,409里，而飛行獎勵機票需要54,000 里，用呢個方法買機票更加抵，仲賺返5,000里數同50會籍積分添！
▼ 香港來回新加坡機票，以「里數加現金」方式購買需要大約24,122里，而飛行獎勵機票需要20,000 里。
▼ 香港來回奧克蘭機票，以「里數加現金」方式購買需要大約59,542里，而飛行獎勵機票需要54,000 里。
▼ 香港來回杜拜機票，以「里數加現金」方式購買需要大約43,272里，而飛行獎勵機票需要40,000 里。
總結
「里數加現金」只係一種方法俾大家可以靈活運用手上里數購買機票，抵定唔抵都係要視乎情況而定，大家應該考慮自己所需而使用。