鵝掌坦

鵝掌坦牌坊（西槎路邊）

鵝掌坦（粵拼：ngo4 zoeng5 taan2）係中國廣東廣州嘅地名，喺白雲區西南角嘅同德圍一帶，東靠田心村；南靠增埗；西靠松南；北靠同德鄉。

個名出自北江啲河水衝積，形成笪似鵝掌嘅沙洲而改成噉嘅名。曾經喺1990年代尾到2000年代初，附近有間同德圍貨運場喺度營運，啲大貨車同貨櫃車成日喺西槎路出入，搞到同德圍一帶烏煙瘴氣同大塞車。後嚟2005年俾新聞日日睇（而家嘅G4出動）節目大幅度做新聞專題報道之後，交通同周邊一帶環境先至有啲改善。