卓韻芝爆未婚夫忙到冇覺好瞓
藝人卓韻芝昨日到中環舉行新書分享會，笑言不讓未婚夫「閃電俠」到場，以免被人Hashtag。她冧爆形容對方是全世界最靚仔，又透露打算今年舉行Wedding Party，並踢爆未婚夫已開始失眠：「佢緊張都係想件事完美，我就可以做少啲嘢。」
阿芝大讚未婚夫細心，擔心她換衫時弄跌訂婚戒指，故將戒指與頸鏈二合為一，讓她掛在頸上，對方稍後亦會設計結婚戒指，婚紗則交由朋友負責。問到婆婆是否很喜歡「閃電俠」？她笑言：「婆婆已經督促佢抹地、收衫，好慘！（佢已經融入家中？）係呀，婆婆話切葱、批薑皮，咩都要做吓。」