影片
港鐵銅鑼灣站 F1 出口, 步行約4分鐘
繼續閱讀
電話號碼
27776068
營業時間
今日營業
11:30 - 15:00
17:30 - 23:00
星期一至日
11:30 - 15:00
17:30 - 23:00
以上資料只供參考, 請與餐廳確認詳情
食家推介
今天嘅飽食之旅係潮州軒，真係一個有驚喜嘅經歷！要講到標誌性菜式，個芋泥甜得嚟又唔會過於膩口，正宗潮州味，每一啖都食得出師傅嘅心思。佢哋個滷水拼盤真係正，鵝肝鬆軟，滲透曬滷汁嘅精華，令我一下子就愛上。梅子豬手嗰啲肉質軟熟，滋味滿分；而椒鹽九肚魚又鬆化細嫩，即刻攞走我個心。而家講到汙頭南瓜焗飯，好彩我忍唔住去試咗，啲米飯焗得啱啱好，脆卜卜嘅南瓜同埋鮮甜嘅米香，簡直太對味喇！👍真心推介你去試吓，食物新鮮同風味獨特，啱晒搵好嘢食嘅你！🍮🍴
繼續閱讀
去到潮州軒，第一啖就係鮮蝦，似乎響我味蕾跳菜花舞咁，叫人一啖又一啖！瀨尿蝦嘅脆口感親，好似夏天嘅第一陣涼風，可惜啲膏唔夠香濃，不過總體算得上頂呱呱👌。跟住，凍馬友魚嚟一份，味道真係鮮過海呀！瑤瑤滑，冰凍過後更加提升晒鮮味。拼盤一出場，各樣嘢食都係噹噹地！特別係鵝肝，算係軟滑得嚟又入味，真係食過就唔好忘㗎。手功鮮蟹棗同埋潮陽鮮蝦棗都係好料，真材實料，蟹棗熱辣辣，食落有勁！🦀但講真，普寧豆醬雞就啱晒啲鍾意傳統味嘅朋友，我就略嫌口感唔夠滑。桂花炒魚翅同生菜落場就算唔掂，比起今晚其他美饌，實在係有啲欠奉。杏仁茶結尾，呢個甜品就真係啱口，甜度啱啱好，完美收尾✨。总括來說，潮州軒嘅食物質素確實上乘，部分菜式絕對係此行亮點，下次食飯計劃，記得要來嚟嘆下！
繼續閱讀
.[🇭🇰香港- 銅鑼灣].🔻初訪 - 高級又高質嘅潮州菜! 枱同枱之間夠闊落 坐得幾舒服👍🏻 啱晒同屋企人或者成班人嚟食飯必食:👉🏻 酥皮蟹盒👉🏻 脆炸普寧豆腐👉🏻 潮州紅燒翅👉🏻 沙茶牛頸脊肉炒河.🔻🍽 潮州軒📌 地址: 銅鑼灣新寧道8號中國太平大廈1期2樓.
繼續閱讀
🥰 老友 “意大利長介” 再搞飯局, 相約同門師兄弟 “村井” 同埋 “一清”. 記得早前 美女食家 推薦 “潮州軒”, 機會嚟嘞, 飛雲!🥢 餐廳位於銅鑼灣商業大廈2樓, 新派飯店格局, 走中高檔路線, 座位舒適, 人手充足, 服務到位, 紅白酒杯齊備. 今晚主攻 美女食家 及 OpenRice專家 推介嘅菜式.生醃有膏瀨尿蝦特色凍馬友魚潮州軒滷水拼盤手功鮮蟹棗潮陽鮮蝦棗花雕蒸大紅蟹普寧豆醬雞蛋白杏仁茶🦐 生醃有膏瀨尿蝦, $480. “長介” 建議嘅, 需要預訂, 瀨尿蝦滑捋捋, 配合蒜椒酸汁, 味道出色! 我好似見唔到 “膏” 喎, “村井” 認為 "生膏" 不及 "熟膏".🐟 特色凍馬友魚, 六件, $240. 魚肉甘香, 份量啱啱好, 抵讚!🥰 潮州軒滷水拼盤 (鵝肉, 大腸, 腎, 鵝肝, 滷蛋, 豆腐), $360. 鵝肝, 口感軟綿, 咁香入味, 一流. 鵝肉, 夠腍, 滷水味道出色. 大腸, 夠嗅, 十個讚. 每款四件, 每人一件, 意猶未盡.🦀 手功鮮蟹棗, $200. 真係食到蟹肉, 熱辣辣, 彈牙, 不俗!🦐 潮陽鮮蝦棗, $160. “蝦棗蟹棗” 唔係計劃之內, “長介” 亂加, 萬幸冇採雷, 表現過關.🦀 花雕蒸大紅蟹, $2,496. 美女食家 強烈推介, 需要提前預訂, 師兄弟們完全不問價錢! 每両$78, 共$32両. 每人兩三件, 啱啱好, 所以真係貴, 哈哈. 蟹肉實淨, 花雕濃郁撲鼻, 又平均滲透大紅蟹, 拍案叫絕! (後記: 預訂 “花雕蛋白蒸蟹”, 但我同 “一清” 都唔覺食到 “蛋白”)🐥 普寧豆醬雞, $360. 感覺少似南乳炆雞, 雞唔夠滑, 錯晒, 下次唔揀.🤗 桂花炒魚翅, $1,280. 配生菜好食, 但變咗 “生菜包”, 有點浪費炒魚翅嘅烹功. “長介” 追加又冇睇價錢, 我覺得唔抵食攞.🍥 蛋白杏仁茶, $48. 杏味平衡, 唔會 “渴撻撻”.🫘 特色餐前小食, $30. 豆腐乾, 半肥瘦豬肉, 出奇地好食.🥂 “長介” 自帶四款酒, 開瓶費每支$200, 冇收足. (1) 清酒襯唔到食物. (2) 法國侏羅區白酒味道似黃酒花雕酒, 只係配合到蒸蟹. (3) 阿根廷白酒 White Bones, 今晚最貴, $800+, 可惜出塲太遲, 半醉了. (4) 紅酒出 Gevrey Chambertin, 香氣優雅, 配食物有點難搞.🤗 總結: “潮州軒” 食物出品優質, 驚喜菜式包括 滷水鵝肝大腸, 生醃瀨尿蝦, 花雕蒸蟹. 略嫌上菜速度太快, 扣分. 老友 “村井” 食過兩三次, 讚口不絕, 今次冇點佢推介嘅 乾燒翅, 期待下次再訪.
繼續閱讀
呢度應該係其中之一間喺香港相當有質素嘅潮州菜館各方面都好出色由環境去到服務由食材料去到煮功都冇乜嘢可以挑剔係可以喺個價錢上面反映出嚟始終係大師傅過嚟開真係食材精做，完美示範😂講吓個環境：呢個舖頭喺以前雪園嗰個位所以地方都有一定大中間大廳地方闊落旁邊有貴賓室有幾多間就唔係好清楚睇落應該最少有六間房嗰晚叫咗啲蟹，魚翅，同埋啲潮州菜式蠔仔餅同埋牛肉都好得甜品叫咗潮州出名嘅芋泥簡直係一流總括嚟講全部都做得好出色如果唔係太計較個價格絕對可以再嚟👍
繼續閱讀