雲海日本料理

營業中

休息中

由於有一張二送一嘅定食餐飲券，一於三人行來食！今日買咗酒店卡嘅優惠，原來二送一嘅定食唔係任你選擇，只限一款定食，起初有點失望，冇諗過最後係好開心同好驚喜呢款叫雲海餐，服務員講要啲時間去堆砌出來一來都打開個餐盒見到真係好靚！有齊頭盤、壽司、煮物、炸雜菜蝦餅、清湯！其中角切刺身飯，真係堆砌得好靚好精美，簡直唔捨得食！所有魚生真係好新鮮，炸物略為有點油，好彩服務員喺我哋飯後，上一杯綠茶（唔係好肯定係咪）因為一坐低嘅時候係另外一杯茶的！呢杯茶俾我哋消制解油，茶好香！就算正價，價錢都非常合理！一定會再試

四個女人點做四個set份量太多？如圖，尤其是個鵝肝，見到都有少少驚，真係好大份！炒飯食唔落，其實佢炒得好正，last 雪糕球好味，如果可以比兩球就好啦！鍾意食雪糕 （我啱啱唔係話自己好飽咩 😆）總括嚟講識得舒服、開心，承惠每位 1600 🤪

平日午餐時間，舊上司一早book左兩位。十二點半左右去到，未係好多人。餐廳間隔好闊落，好岩同朋友食飯傾偈。以酒店價格黎講，lunch set 大概$350起，價錢算合理。我地分嘢叫左壽司定食同銀鱈魚定食，有前菜，刺身同主食。因為朋友唔想食刺身，可以轉做天婦羅。今日前菜係日本蒟蒻，唔係好岩食😅😅天婦羅好脆，食落完全唔覺有層粉，好似生炸咁👍🏻👍🏻銀鱈魚入口嫰滑，壽司新鮮。最後仲有一碗稻庭烏冬。整體環境、服務、食物都非常滿意。

試吓日式鐵板燒，喜來登酒店雲海唔易book,仲要落訂餐廳環境好舒服，裝修型格，今次特意坐鐵板燒吧位，可以睇住師傅製作，又可以傾計交流下選擇困難下終於試兩款鐵板燒海鮮鐵板燒套餐$520雲海鐵板燒套餐$590兩款餐都有頭盤、刺身、沙律、虎蝦、銀鱈魚，雜菜、炒飯、 麵豉湯 及香瓜菜刺身：三文魚&吞拿魚都好新鮮肥美沙律：芝麻醬酸酸地好開胃虎蝦： 好大隻，彈牙有鮮味，yummy銀鱈魚: 魚皮香脆，魚肉油脂豐富但不膩，正炒雜菜：份量唔少又唔油炒飯： 粒粒分明，可以咸少少更好海鲜鐵板燒套餐$520有埋帶子、三文魚朋友話好味但不驚豔雲海鐵板燒套餐$590就有美國西冷，可選厚切牛柳粒或薄切包香蔥。選擇左薄切，有6件好豐富，5成熟牛肉剛剛好，肉味濃又滑，配香蔥加炸蒜片，非常惹味😋

睇住師傅將一系列新鮮優質食材逐樣逐樣煮俾你食，頓時胃口大開。好耐無試過鐵板燒，今晚趁朋友生日一齊去慶生。到步後經由經理推薦食物，細心講解各類食物配搭，唔會亂寫D貴爽唔飽。前菜係醒胃沙律、天婦羅、多款新鮮刺身，鐵板燒有龍蝦、帶子、和牛、鵝肝等高級食材樣樣都係好正，絕對對得住個價錢，飯後仲有特式生日蛋糕，超正、超窩心。最後經理仲推薦下次可以試廚師發板、包場鐵板燒，下次一定call齊班Friend一齊再試

Highly recommended雲海服務一流，特別男經理同鐵板燒師傅對所有客都咁好服務，我一家人8位到，每人平均$600-$700左右食鐵板燒，師傅手勢一流，一定會同家人再去食。我預早預約，地方環境一流，唔似外邊日本餐廳，太多枱太密就好嘈，我比較仲意乾淨舒服環境，同所有食物新鮮，抵食！感覺好似去左日本咁好味！最好services 一間日本餐廳！

喜來登酒店「雲海日本料理」有鐵板燒烤肉、壽司美饌、清洒等。入口有玻璃清酒展示櫃，展示各種優質清酒，中央有優雅竹林及花崗岩雕塑，感覺開揚高雅餐廳分為六個主要用膳區，包括向外開放的鐵板區、私人鐵板室、壽司及清酒吧，私人用膳室，主膳廳及榻榻米房間。今次安排了小房間，私隱度高，享用美食邊談天最適合不過。餐牌款式很多，又想試鐵板燒，但刺身天婦羅等又好吸引。放棄鐵板燒後仍有不少選擇。最終跟朋友一樣選了「松花堂」松花堂$390一個套餐分兩盆上，多款食身擺放得好精緻，令人食指大動。套餐食物未致於驚艷頭盤： 汁燒茄子&芥辣八爪魚汁燒茄子好味juicy配埋木魚，入味芥辣八爪魚：正常發揮蛋卷：有兩件，層層蛋味濃燒銀鱈魚：銀鱈魚油脂好香，燒過皮微脆，大滿足刺身：甜蝦、吞拿魚&三文魚好新鮮又肥厚，yummy煮物：蝦、蘿蔔等蝦及雜菜天婦羅🍤、冬菇、南瓜、茄子、蕃薯：各款材料好新鮮，天婦羅漿薄薄，脆而不膩下次再上鐵板燒

首次去雲海日本料理晚餐，加上係生日飯，我覺得餐廳各樣服務都很細心。食物方面Good，另外如果你想食濃味/淡味都可以安排到。餐廳環境，可能選擇左餐枱座，一邊食一邊傾，又無油煙對住，好舒服。首次食：整體黎講，係好滿意，日後想食鐵板燒，一定會再諗起“雲海“。

雲海日本料理位於尖沙咀的喜來登酒店內，環境寧靜寫意，主打大阪美食，鐵板燒、鮮活壽司、日式料理等應有盡有，是品嘗日本地道美食的好去處。餐廳設計優雅，以自然的色彩呈現現代日本美學，匠心獨具的燈光令每道菜都像藝術品一樣展現在你的眼前，為視覺及味覺都帶來無與倫比的享受！我們點了季節會席料理·竹，使用了時令的食材，無論是食物質素抑或是擺盤都非常高水準，服務亦十分到位，得知友人不吃海膽，師傅悉心換了其他上等的刺身。雖然每道菜份量看似不多，但我們最後都吃得很飽，以這個價錢來說，性價比頗高！𝐒𝐞𝐚𝐬𝐨𝐧𝐚𝐥 𝐒𝐞𝐭 𝐊𝐚𝐢𝐬𝐞𝐤𝐢 $𝟏𝟑𝟖𝟎 𝐏𝐞𝐫 𝐏𝐞𝐫𝐬𝐨𝐧

份量 質量 已經不能再跟從前相提並論 我選了鐵板燒 師傅 只是隨心煮兩下 份銀雪魚全塊啡色 還記得以前 那位師傅 可以燒到皮脆肉嫩 此外 份量之少 簡直無言 炒飯係預先炒好 咁我點解要俾咁多錢 食鐵板燒 唔知間餐廳食老本仲可以食幾耐

這間嘅經理一個比一個串！waiter有兩位就非常好，唔會因為相熟客人而特別好服務，真正做到一視同仁。而那些所謂嘅經理見到熟客就笑的四萬咁嘅口，其他台客人就唔係客。熟客叫佢地影像，斟茶斟酒就迅速撲去，其他台的客人要等良久先有人走過來提供服務。我見到這樣的情景不只一次，某位男性經理當其他枱個客人完全冇到，就差跪低幫人哋賴鞋底。永遠打去book都話full，但walk in居然一半台都吉嘅，咁巴閉再好吃嘅食物都是徒然。等那些吉台的”常客”慢慢去enjoy你的食物！垃圾之中嘅垃圾！

Unkai Japanese Cuisine 雲海日本料理💵 Hkd 300-800 一位午餐推介指數 🥃🥃🥃🥃🥃雲海係必食的餐廳之一是日黎到並未滿坐，但其實只係餐廳保持社交距離及私隱度，因為成日book坐都話滿，吾好諗住早幾日就book到位松花堂 $390頭盤刺身煮物蝦及雜菜天婦羅蛋卷燒銀鱈魚白飯 清湯 香瓜菜所有野都好正路，未去到嘩一聲，但絕對係中上，黎到五星酒店食日本野，又有招呼，又有環境，又有質素，仲要吾貴，最平三百蚊都食到個lunch，我俾滿分

朋友生日想食鐵板燒，揀咗呢間bookmark咗好耐嘅餐廳。餐廳以前做鐵板燒放題所以長期爆滿，今次早幾日預約已經留到鐵板燒座位。餐廳喺五星級酒店入面，環境高級優雅，鐵板燒座位私隱度高。點了海鮮鐵板燒午餐$500，因為有Marriott餐飲會籍嘅關係有75折。頭盤刺身新鮮質素高。五星級酒店來講，海鮮食材比較普通，有虎蝦、帶子、三文魚、銀鱈魚，主要係冰鮮並沒有生猛或貴價食材。但勝在現場即整即食，烹調發揮得不錯，味道有中上水平。虎蝦鮮甜又彈牙😋帶子似係日本急凍帶子，非新鮮元貝炒飯超大碗又夠鑊氣。我地兩個女仔都成碗食晒。套餐份量好足，可惜冇包甜品美中不足。甜品要另外單點約$100，可免費加生日牌，我哋最後冇叫到。有Marriott會籍折扣和現金券嘅關係，埋單一共$700兩位，性價比超值。整體環境同服務都好加分，同朋友坐足一個下午冇趕我哋走。

去咗喜來登酒店staycation，唔想又食buffet，所以夜晚book咗雲海日本餐廳。環境：地方好闊落、乾淨、寧靜。員工：員工非常有禮貌，解釋非常清楚，好笑容，完全係五星級酒店嘅服務。食物：分量都算大份，刺身、海鮮都好新鮮，好滿足，一定會再黎！前菜（柚子味蛋卷、芥末八爪魚、枝豆）沙律刺身老公鍾意佢個柚子味蛋，話好特別燒伊勢龍蝦同埋燒帶子龍蝦多肉好味，但再鮮甜啲就好啦。帶子超級好味超鮮甜厚肉。鴨肝多士煎得非常好，唔會太油澳洲薄燒西冷，唔食生牛嘅我叫左全熟都一啲都唔鞋！連側邊啲蒜片都好好味。炒雜菜，普通炒菜冇咩特別龍蝦頭麵豉湯，用燒小龍蝦個頭黎煮，麵豉湯味濃炒飯，好夠味，但唔係好知道入面有咩料呢個餐甜品係雪糕，我地揀咗紅豆味，入面好大粒紅豆。另外叫左個有子焦糖燉蛋，都唔錯