仟億茶餐廳

營業中

休息中

今日入完西貢，出返嚟彩虹邨去咗千億茶餐廳食晚飯。叫咗黑椒牛仔骨、炸子雞、滑蛋蝦仁。味道好好味不二之選。價錢公道多款啤酒。完全係和朋友聚首一堂的好地方。你們都可以來試一下

地鐵一出的確方便去食不過估唔到食個下午茶都甘失望一個生炒牛肉飯，賣相已經唔好！味道更加唔好提😒😒賣相好如果味道許可都沒問題😌牛肉味道似豬肉碎，樣都不討好相信食物質素不去改變難以再有食客光臨我自己同樣較難再次光臨🙃只食一半就要放棄了

好似細個人地呀媽D隔夜餸咁難食，食吾食自己諗，叫左個一品海鮮煲，裡面有白菜底，面頭有D叉燒鴨腳，幾件豬潤食落臭臭地鞋拾拾，仲有幾隻冬菇吾知浸左幾耐原全無菇味只有一陣浸泡了一天的宿味臭好似食臭襪咁,海鮮有2隻南美白蝦，百隹20蚊有一袋20幾隻食抗生大果D呀，以上材料我估計系揾D末滾起既熱水拖一拖，然後砌起落煲仔然後打個生粉豉油的鼻涕獻汁，真系食'死人，58蚊再加7蚊白飯列湯，列湯系青紅蘿白煲鷄頭鷄尾鷄腳之類，食到反晒胃應該系負5星

好耐冇試過用唔使$40就已經可以食到一個午餐，今次去到彩虹依一間茶餐廳，感覺都幾港式，少少懷舊嘅感覺。見到有$35嘅餐牌，即是睇一睇，見到咖喱雞扒飯都好似唔錯咁，於是就叫左一個，另外包一杯熱飲。同行嘅朋友叫咗一個楊州炒飯，都係大概$40左右。聽聞依度嘅學生仲可以有$24嘅學生餐，相當抵食。咖喱雞扒雖然價錢平 但係絕不馬虎 佢嘅雞扒經過香煎過 食落去都幾香口，加上海量嘅咖喱汁 食晒成個飯絕對冇難度 楊州炒飯都好有鑊氣 不過未算好特別

一個晚上，諗住落街食下茶餐廳，見呢間冇乜人又多位，就入去食，但入到去員工態度差，又唔記得野，又會係你食食下途中掃地，問有咩推介，話都係果d囉，碗碟污穢唔在講，叫左個鮮尤豉椒炒面，雖然尤魚味道同份量叫做合格，但個面好難食，好干，豉椒得幾粒，完全冇豉椒味，一間茶餐廳最重要既辣椒油都冇，得一支奇怪油，食物淡而無味，另外叫左個雜菜粉絲煲，但入面得幾條粉絲，西蘭花入面有沙中伏之選，成個彩虹最難食既茶餐廳，唔會再黎

牛腩唔係牛腩，係牛碎唔係食車仔面，係食油煙唔係食串燒，係食炭濃都比較多烏蠅無冷氣，風扇打番油煙出黎一年前食過好難食，但念在唔想斷人衣食無出post但今次係第二次食，無改善。永不再試我唔係打手

精美小廚味道好好👍🏻👍🏻份量又足夠 價錢又公道啤酒夠凍👍🏻👍🏻每次放工返西貢都會經過彩虹千憶茶餐廳，哩間茶餐廳啲小菜選擇多，價錢又公道。重點推介哩間餐廳啲炸子雞啲脆皮比其他餐廳好食😃😃仲有啲啤酒又特別凍，解渴一流，加上夜晚營業時間又長 最適合同家人或者朋友黎食下飯聚下舊。除此之外，哩度啲早餐都好豐富 又唔洗等好耐 最岩我地哩啲上班一族食完返工！衛生方面，哩間餐廳都十分乾淨 唔會好似其他餐廳污糟 食得比較安心👍🏻👍🏻所以真係直得一試！！

之前去到牛池灣諗住食車仔麵、點知多人得滯冇位、咁唯有同朋友諗住見佢靜靜地有卡位 可以坐得舒服d⋯⋯叫個干炒豬扒烏冬完全唔入味、又油🤮🤮干炒牛河又濕笠笠、牛肉又梅到不得了、我絕對想像唔到佢地呢d野食點可能係出自一間茶餐廳......最後大件事喇、兩個食完返到屋企又痾又嘔、好彩唔係太嚴重、唔使入急症所以以後絕對送都唔去D阿姐態度又差、以後絕對列入黑名單，同埋我而家終於明白點解佢地咁多位剰喇

尋晚同朋友在鑽石山搵宵夜食，relax n happy下，佢就帶左我去呢間茶記。 😁一行入去就聞到好香既西檸雞，我們一坐低就即刻叫左晚餐西檸雞，茶記個伯伯好好，提我們如果想食蒸既嘢，要早啲落，因為要等4個字架 (20分鐘)，咁我們就快快諗想食咩魚，最後就揀左梅菜蒸鯇魚😋傾下講下啲餸就黎到啦，真是要分享下個梅菜蒸鯇魚真是好好味，條魚蒸得啱啱好，好滑，配埋切碎左既梅菜，芫茜，葱，薑絲一齊食，真是好正，可能條魚太好食，反而令到西檸雞遜色左，覺得西檸雞啲粉厚左啲，但是雞肉都嫩滑，都係好食既finally 我們2個女仔叫左一個晚餐 - 西檸雞，配白飯及中湯，再叫左梅菜蒸鯇魚 (唔做餐) 再叫左個可樂，埋單都係$107，好食抵食👍👍

轉左手之後食個乾牛河都要50蚊分量仲要雞碎甘多好唔好食就見仁見智喇！飲品仲要一陣漂水味！對俾以前味道，分量，一個係天一個係地，難怪人地隔離車仔面甘好生意，檢討下啦，唔該

今日本想同朋友到西貢游水 之後上車前見到仟億茶餐廳 見價錢吸引 就諗住食小小醫下肚 之後叫左個牛肉面 熱奶茶我覺得佢比出邊既茶記不同因為佢不單止平 野食質素都比出邊既茶記好下次入西貢之前都會去食番個早餐💪

今日行到攰攰地，第一次路經依頭，見到仟億感覺好親切！香港愈黎愈少咁地道嘅茶記喇，即刻入去抖一抖！叫咗一個西多士下午茶餐，凍利繽納西多士d蛋漿好夠，好香！利繽納都唔會淡茂茂！再黎多件奶油多，好足料好好食，個包哄到好鬆脆食食下先記得影相8再者，店內的伙記叔叔們全部都好好禮貌！值得敬佩！

自從餐廳轉咗手之後，食物質素好差。肉醬意粉冇乜肉，得D茄汁撈意粉。叫所有炒飯類D飯炒出黎係林既，唔係一次兩次，係次次都係，叫佢再炒過，佢話冇辦法炒到D飯乾，試話過既食客會知道我想講咩。

次次去襯仟億食飯都唔洗點等位今次lunch就食左雞脾沙律雖然唔太健康 但真係好好味好大隻的雞脾啊!!炸得好靚又好味喎真係啖啖肉 同埋炸得又夠熱夠熟沙律份量又多 嘿嘿而且沙律醬的味度岩岩好唔會太酸 都okay次次食完都好開心好滿足食雞脾沙律一定要配埋紅豆冰啊

fried pork chop spegatti with cream sause-->fried pork is a bit dry and luckily there's not a thick coat of flour, no taste at all as it's a frozen pork chopspegatti is too soft coz it boil for too long and easily to be cut..cream sause is ok and a bit too sticky, there's some mustroom and onion insidered bean icenot much red bean inside and the beans are soft enough, the milk is a bit too dilute and over-sweettened...won't go again =.=