北海道
提示：呢篇文講嘅唔係北海路。
想搵令制嘅北海道嘅話，請睇北海道 (令制)。
北海道（粵拼：bak1 hoi2 dou6；日文：
發音 (幫手·有關)）係日本四大島嘅其中之一，係47個都道府縣中而家唯一嘅以「道」同埋以「支廳」嚟做政治劃分嘅地方。自從日本政府放棄咗庫頁島嘅主權之後，呢度就成為日本最北嘅一個島兼一級行政區。
北海道嘅面積總共有83,423.84平方公里（包括埋有爭議嘅南千島群島在內）[1]，係日本面積最大嘅一級行政區。北海道嘅首府係札幌市，成個「道」有35個市、129個町、15個村。2022年嗰陣，北海道嘅人口有518萬[2]，係日本最多人口排名第八位嘅一級行政區。
北海道亦可以指嗰個行政區所在嘅島嶼，即係北海道本島，呢度同本州、四國同九州並列做日本本土四大島，成個島面積係77,983.92平方公里，係日本面積第二大島嶼[3]，亦都係世界面積第21大島嶼。除咗北海道本島之外，北海道亦管轄有渡島大島、利尻島、禮文島等等呢啲離島。日本對有領土主張但未實際控制嘅南千島群島喺日方行政區劃咗由北海道管轄。
由於北海道係喺近代先至進行開發，所以呢度嘅人口密度遠比日本嘅其他地區係低啲。呢個令到北海道保持到有廣闊而未經過人工干擾嘅自然環境，吸引到一眾遊客去到嗰度觀光。北海道亦都擁有日本四分之一嘅農地，令到嗰度亦成為咗日本提供糧食重要嘅基地[4]。根據品牌總和研究所嘅調查，北海道自2009年開始已連續14年位居都道府縣魅力度排行榜嘅第一名[5]。
由來[編輯]
北海道嘅原住民阿伊努族喺以前曾將北海道、庫頁島、千島群島等呢啲阿伊努人住嘅地區統稱做
象徵[編輯]
北海道旗同埋北海道徽都係喺1967年5月1號制定出嚟，呢個設計係開拓使時代嘅北辰旗做理念嘅七稜星圖案[8]。 北海道嘅道鳥同道樹分別係棲息喺釧路濕原呢啲地方嘅丹頂鶴同埋喺北海道具代表性嘅針葉樹魚鱗雲杉，呢兩樣嘢都係喺1964年通過道民投票嚟決定[8]；而北海道嘅道花係玫瑰，喺1978年通過一般募集而選出嚟[8]。
地理[編輯]
北海道南面係本州，隔住津輕海峽；北面係庫頁島，隔住宗谷海峽。札幌市係北海道嘅行政中心兼最大城市。
北海道係一個島，全島面積大約77982 平方公里，係日本除咗本州之外面積第2 大嘅島，全世界排第21 位。北海道比起愛爾蘭島稍為細啲，但係同庫頁島比佢又大少少。
北海道同喺南方嘅本州以津輕海峽相隔，但有青函隧道嘅鐵路運輸同海峽渡輪作為接駁交通工具。北面隔住宗谷海峽同庫頁島相望；東面就係千島群島；西臨日本海；東南面係太平洋；而東北面就係鄂霍次克海。
季候風顯著，係屬於溫帶季風氣候。
史[編輯]
《日本書紀》提過渡島（即北海道），更提到同阿倍比羅夫有接觸，喺奈良時代同平安時代已經同出羽國做交易。當時嘅居民同東北地方北部嘅居民一齊俾人叫做蝦夷，呢兩班人可能係同一個民族，而且更加可能就係而家重喺北海道生活緊嘅阿伊努族嘅祖先。
明治元年（1868年），明治新政府決定喺蝦夷地設置箱館裁判所，隨即改名叫做箱館府。
喺1869年，明治政府要求幫「蝦夷地」改過個新嘅名，松浦武四郎以北方嘅「北」（きた）、「カイナー」（阿伊努族對當地嘅稱呼）嘅「カイ」，同埋日本對領土常用嘅「道」（どう），合併成「きたかいどう」，再翻釋成為漢字「北加伊道」；最後用咗，但係考慮到要配合番律令制時代五畿七道嘅「東海道」、「南海道」、「西海道」，所以最後再改成「北海道」（ほっかいどう）。
- 以前有東海道（東京到名古屋沿線）、西海道（九州）、南海道（四國）、山陰道（本州日本海側西部）、山陽道（神戶經廣島至下關沿線）、北陸道（本州日本海側中部）、東山道（本州東北及中央部）七個道，佢哋都係喺7世紀設置，後來慢慢變成地理名詞。
- 1869年設置嘅北海道11 國86 郡
- 渡島國：龜田郡、茅部郡、上磯郡、福島郡、津輕郡、檜山郡、爾志郡
- 後志國：久遠郡、奧尻郡、太櫓郡、瀨棚郡、島牧郡、壽都郡、歌棄郡、磯谷郡、岩內郡、古宇郡、積丹郡、美國郡、古平郡、余市郡、忍路郡、高島郡、小樽郡
- 膽振國：山越郡、虻田郡、有珠郡、室蘭郡、幌別郡、白老郡、勇拂郡、千歲郡
- 石狩國：石狩郡、札幌郡、夕張郡、樺戶郡、空知郡、雨龍郡、上川郡、厚田郡、濱益郡
- 天鹽國：增毛郡、留萌郡、苫前郡、天鹽郡、中川郡、上川郡
- 北見國：宗谷郡、利尻郡、禮文郡、枝幸郡、紋別郡、常呂郡、網走郡、斜裡郡
- 日高國：沙流郡、新冠郡、靜內郡、三石郡、浦河郡、樣似郡、幌泉郡
- 十勝國：廣尾郡、當緣郡、上川郡、中川郡、河東郡、河西郡、十勝郡
- 釧路國：白糠郡、足寄郡、釧路郡、阿寒郡、網尻郡、川上郡、厚岸郡
- 根室國：花咲郡、根室郡、野付郡、標津郡、目梨郡
- 千島國：國後郡、擇捉郡、振別郡、紗那郡、蘂取郡、※得撫郡、※新知郡、※占守郡
※ 得撫郡、新知郡同占守郡都係日本政府喺1875年庫頁島千島群島交換條約入面攞到得撫島以北嘅千島群島領土之後先至編入。
1869年七月設置北海道開拓使（箱館府因為咁而俾人廢咗）之後，就開始開拓北海道。1882年又廢埋開拓使，設函館縣、札幌縣同根室縣三個縣嚟取代前者。只係過咗四年，到1886年又取消埋呢三個縣，再改做北海道廳。由於明治政府嘅政策令到好多日本人由全國各地移居嚟北海道，一時之間開拓嘅工作喺北海道周圍都進行緊。
人文[編輯]
- 北海道好多地名係由阿伊努族原住民語轉過嚟用嘅。但係後來又用漢字嚟轉寫原住民語，造成咗北海道好多「難讀地名」（好難用漢字嚟判斷發音）。
- 好似「…內」、「…別」嘅地名即係阿伊努語入面，近沼澤、河川之地；首府「札幌」等亦都係由原住民語轉變而嚟。
政區[編輯]
北海道喺行政上係「道」，亦係日本目前唯一嘅道，同縣係平等嘅，下面有14 個支廳，係第二級行政區；各支廳下面有市、郡、町、村，唔包含北方四島，全北海道而家一共有180 個市町村（35 市130 町15 村）同64 個郡。
支廳[編輯]
根據北海道支廳設置條例，支廳嘅管轄區域係只有各郡所管轄嘅地區，並唔包含市，不過實際上支廳嘅業務亦確實喺各市嘅區域內執行，因此一般都將各市當係支廳嘅管轄區域。
因為北海道範圍廣大，好多情形下只列出町村名或郡名並唔容易畀人知道確實位置，因此會用支廳名作為輔助；例如新聞會用「網走管內嘅○○町」。
- 市部：夕張市、岩見澤市、美唄市、蘆別市、赤平市、三笠市、瀧川市、砂川市、歌志內市、深川市
- 空知郡：南幌町、奈井江町、上砂川町
- 夕張郡：由仁町、長沼町、栗山町
- 樺戶郡：月形町、浦臼町、新十津川町
- 雨龍郡：妹背牛町、秩父別町、雨龍町、北龍町、沼田町、幌加內町
- 市部：小樽市
- 島牧郡：島牧村
- 壽都郡：壽都町、黑松內町
- 磯谷郡：蘭越町
- 虻田郡：新雪谷町（原名：ニセコ町）、喜茂別町、京極町、俱知安町、真狩村、留壽都村
- 岩內郡：共和町、岩內町
- 古宇郡：泊村、神惠內村
- 積丹郡：積丹町
- 古平郡：古平町
- 余市郡：仁木町、余市町、赤井川村
- 市部：旭川市、士別市、名寄市、富良野市
- 上川郡（石狩國）：鷹棲町、東神樂町、當麻町、比布町、愛別町、上川町、東川町、美瑛町
- 上川郡（天鹽國）：和寒町、劍淵町、下川町
- 空知郡：上富良野町、中富良野町、南富良野町
- 勇拂郡：占冠村
- 中川郡（上川支廳）：美深町、音威子府村、中川町
- 市部：帶廣市
- 河東郡：音更町、士幌町、上士幌町、鹿追町
- 上川郡（十勝國）：新得町、清水町
- 河西郡：芽室町、中札內村、更別村
- 廣尾郡：大樹町、廣尾町
- 中川郡（十勝支廳）：幕別町、池田町、豐頃町、本別町
- 足寄郡：足寄町、陸別町
- 十勝郡：浦幌町
地域區分[編輯]
雖然從來都冇明確嘅定義，但北海道通常都會被劃分為四個地區。
另一方面，北海道廳將北海道分成六個「地域生活經濟圈」。又將上一段提到，面積較為寬廣嘅「道東地方」分成三個唔同嘅生活經濟圈：
- 道南圈（49 萬6370 人）：渡島、檜山支廳轄區。
- 道央圈（343 萬3659 人）：石狩、後志·、空知、膽振、日高支廳轄區。
- 道北圈（67 萬2609 人）：上川、留萌、宗谷支廳轄區。
- 鄂霍次克圈（32 萬4719 人）：網走支廳轄區。
- 十勝圈（35 萬4147 人）：十勝支廳轄區。
- 釧路·根室圈（34 萬5918 人）：釧路、根室支廳轄區。
經濟[編輯]
2000年，按北海道內總生產嘅產業構成比率計，第一級生產佔3.3%，第二級生產佔22.4%，其餘就係第三級生產，達到76.7%。同全日本嘅數據嚟相比，北海道第一級生產同第三級生產嘅比率較高，第二級生產特別係製造業嘅比率就較細。
以農業為主體嘅生產結構。第二級生產喺好似苫小牧市、釧路市較為興盛，機械製造、飼料 / 肥料聯合企業發達。
第三種機場：利尻機場、禮文機場、奧尻機場、中標津機場、紋別機場、女滿別機場
第一級生產[編輯]
- 種植業
- 每戶農家嘅平均耕地面積達到16.9 公頃（2002年），係日本其他都城府縣嘅13 倍。除咗土地寬廣之外，北海道大規模發展初期各地嘅氣候條件對應、喺農村兼營嘅機會好少、好多農民接收周圍嘅棄耕地去擴大規模，都被認為係主要原因。
- 喺農業生產額當中畜牧生產佔嘅比例高達45%。特別係釧路支廳同根室支廳呢兩個地方每戶農家嘅平均耕地面積就達到60.3 公頃（2003年），係北海道總農業生產額嘅12.2%。奶用牛嘅生產量都幾大吓。
- 日高支廳係英國產良種馬等嘅輕種馬嘅養育基地。
- 麥同薯等嘅耕種旱田同全國相比亦比率高（貴），甜菜、薯同小麥等全國優良品種多。
- 北海道被視為日本本土嘅糧食基地。
- 水產業
- 寒流親潮同暖流黑潮喺島嘅附近不斷交滙，形成出名嘅四大漁埸之一 —— 北海道漁埸。
- 明治時代喺北海道日本海沿岸，對北海道嘅水產業嘅依存率高（貴）以鯡魚為首。自此之後喺堪察加海上，白令海上面嘅北洋漁業飛躍性發展，造就咗北海道太平洋沿岸水產業嘅發展。
- 1977年嘅 200 海里水域對被設定為遠洋漁業中心嘅北海道漁業造成極大損害。但即使係咁北海道仍然係卸貨量佔全國高達 25%嘅漁業王國，水產業就係北海道第 2 個發達嘅行業。當中喺北海道大量買入帆立貝、螃蟹同海膽等水產物嘅遊客，為北海道旅遊產業嘅發展作出重大貢獻。
- 釧路市係北海道水產卸貨量最大嘅城市，自1990年起連續 13 年成為世界第一嘅水產卸貨量港口。
第二級生產[編輯]
- 礦業
- 工業
- 苫小牧市同釧路市都係大規模嘅造紙業城市，紙漿業發達，係機械制造、飼料 / 肥料聯合企業嘅工商業城市。
- 室蘭市係製鐵同化學聯合企業嘅工業城市。
- 函館市係造船嘅城市。
- 札幌市以加工北海道自己出產嘅農水產品作為市嘅主要工業，食品加工製造業發達。
- 北海道嘅工業由太平洋沿岸嘅苫小牧，釧路嘅兩個地區總括。食品加工從苫小牧到札幌同內陸嘅多個城市都有。
第三級生產[編輯]
- 旅遊相關產業
- 以1972年喺札幌市舉行嘅冬季奧林匹克運動會為機會，日本政府設置咗北海道開發廳嚟作為旅遊事業發展中心。同時新千歲機埸嘅開發同鐵路嘅整備，大大提高咗旅遊業嘅發展。好似夏天富良野嘅薰衣草田園旅遊，釧路濕原瞭望等，冬天嘅滑雪同滑板滑雪運動繁盛，為咗服務嚟到呢度嘅遊客，相關零售業同運輸業發展得好同興盛。
- 喺泡沫經濟之後旅遊事業受到咗影響，而北海道拓殖銀行破產之後更加造成連鎖爆破效應，經濟狀況困苦。嚟自國內嘅遊客數量喺1997年以後每年大概有600 萬人左右。不過之後外國遊客數目有所上升，由1997年嘅12萬人增加到2003年嘅29 萬人，當中台灣、香港、韓國呢3 個地方嘅旅客增長特別大。每一年到阿寒國立公園，知床國立公園同釧路濕原國立公園參觀嘅團體客人數量增長都特別多。
旅遊[編輯]
四個地區同佢哋包含嘅旅游重點：
重有好多原始森林喺北海道：
東部有千島火山帶，南部有那須火山帶同島海火山帶，所以附近嘅溫泉特別多。
大學[編輯]
運動[編輯]
喺亞洲位置[編輯]
 |
睇埋[編輯]
出面網頁[編輯]
.svg){kind=small}
- ↑ ０１北海道 (PDF). 国土地理院. 2017-10-01. 原著 (PDF)喺2018-02-04歸檔. 喺2018-02-03搵到.
{{cite web}}: Unknown parameter|deadurl=ignored (|url-status=suggested) (help)（日文） - ↑ 住民基本台帳人口・世帯数 【地域振興局市町村課調べ】. 北海道. 2022-01-01. 原著喺2022-11-12歸檔. 喺2022-11-12搵到.
{{cite web}}: Unknown parameter|dead-url=ignored (|url-status=suggested) (help)（日文） - ↑ 島面積 (PDF). 国土地理院. 2017-10-01. 原著 (PDF)喺2018-02-04歸檔. 喺2018-02-03搵到.
{{cite web}}: Unknown parameter|deadurl=ignored (|url-status=suggested) (help)（日文） - ↑ 食料基地の展開 (日文). 国土交通省. 原著喺2014-09-07歸檔. 喺2022-11-12搵到.
{{cite web}}: Unknown parameter|deadurl=ignored (|url-status=suggested) (help) - ↑ 地域ブランド調査2022 都道府県の魅力度等調査結果 (日文). 地域ブランドNEWS. 原著喺2022-11-12歸檔. 喺2022-11-12搵到.
{{cite web}}: Unknown parameter|deadurl=ignored (|url-status=suggested) (help) - ↑ 6.0 6.1 6.2 北海道の名前について (日文). 北海道. 原著喺2014-09-07歸檔. 喺2022-11-12搵到.
{{cite web}}: Unknown parameter|deadurl=ignored (|url-status=suggested) (help) - ↑ 山下克彦・平川一臣 (2011). 『日本の地誌3 北海道』 (日文). 東京都: 朝倉書店. ISBN 978-4-254-16763-4.
- ↑ 8.0 8.1 8.2 北海道の概要／シンボル (日文). 北海道. 原著喺2022-11-12歸檔. 喺2022-11-12搵到.
{{cite web}}: Unknown parameter|deadurl=ignored (|url-status=suggested) (help)