85歲余慕蓮14年後重遊電視城 聲線虛弱須用助行架：至驚行唔到
撰文：邱愛霖
出版：更新：
85歲余慕蓮（魚毛）2年前被診斷肺纖維化，後驗出患罕有病症血液炎入主伊利沙伯醫院ICU，情況一度危殆。幸好吉人天相，翌年4月魚毛終於出院，更精心打扮與好友慶祝84歲生日。
85歲余慕蓮（魚毛）時隔14年重回TVB電視城。（TVB截圖）
近日魚毛重遊電視城，她聲線略為虛弱，行路須用助行架，但精神不俗。71歲退休的她相隔14年，在好友鄧達智陪同下重回舊公司，她坦言冇人陪「唔敢嚟」，並與老友安德尊重聚。
同大王安德尊見面。（TVB截圖）
魚毛近日身體康復不少，「冇咳就好正常。」魚毛每朝早都會去公園散步鍛煉肌肉，「至驚行唔到」，之後便回家同寵物龜玩和睇電視劇《真情》。她憶述2年前入院以為「死梗」，「我諗住死梗㗎啦，入咗去半年，唔可以食嘢，插喉插到周圍都係。啲人話10個入去，9個都出唔返嚟，我係其中一個出返嚟。好感恩。」如今魚毛半年要吊一次標靶藥，她說：「唔可以翻發，翻發就Bye bye。」
談到一生，魚毛最大所求是置業：「自細冇家庭，所以我對婚姻冇信心，亦唔希望有下一代，我努力搵錢，希望老來有間屋，但唔好彩而家有病。」如今閒時可以同老友飲餐茶已心滿意足。
魚毛憶述當初入ICU以為「死梗」。（TVB截圖）