劉鳴煒寄語家長 予年輕人自由度

講起劉鳴煒，除左諗起佢係「package好好」嘅筍盤，大家又有幾了解？黛安睇咗馬會出版嘅新一期《駿步人生》，鳴煒喺訪問提到，佢唔覺得家境好就係人生勝利組；本身係青年事務委員會主席嘅鳴煒話，青委會最應重視嘅唔係最頂尖或最底層嘅1成人，而係中間8成嘅年輕人。已上晒岸嘅佢，無對時下年輕人指指點點，反而講出年輕人對上一代無嘅難處—選擇多咗令煩惱都多咗，「30年前，中學畢業入不了大學眼前只有一、兩條路；現在中學畢業後升學，隨時複雜過港鐵路綫圖，揀錯機會好大。」

佢仲話，當年喺加拿大讀完中學，本想留喺北美讀大學，但屋企人唔肯，最後佢要去英國升學。雖然佢無再怨父母嘅決定，但都建議時下父母為年輕人提供資訊同輔導就夠，唔好事事干預，要畀返適當嘅自由度。