1986地道越南餐廳 (安寧大廈) (已結業)

喺土瓜灣見到有越南菜頭入去試吓其實出邊都有唔少人排隊，其他餐廳唔見有人排隊，都知道而家應該好野蟹膏湯檬粉 $68- 好香蟹膏味，一啲都唔似揸流攤-檬粉有啲似米粉，同出邊食嘅夢粉有啲唔同-湯底好夠濃上菜時熱辣辣，好好味以為食完蟹膏會好膩，不過因為係湯粉，所以還好，仲飲得落成杯沙冰烤豬肉法包 $48- 包皮外脆內軟，唔會硬骨骨- 豬肉煮到好香，唔會乾爭爭再加埋秘製辣醬，自己鍾意幾多落幾多，唔會令到個包林，晒非常好其實個包好蝦人整，做得唔好，會好難食，食到個口損晒。不過依度完全冇呢啲問題。食完法包，侍應仲會攞濕紙巾俾你，俾你抹手咁嘅服務喺邊度搵牛油果沙冰 $32-有牛油果香味，打得好滑-唔會加得太多奶，比例合適紫米乳酪沙冰$32-試新嘢，有啲酸酸美美咁，因為有乳酪，又有啲紫米俾你咬下咬下，唔會好似珍珠咁又多糖又唔健康，紫米純天然，夏天飲好開胃總結：食咗兩個餐，兩個嘢飲，總共$180。仲要冇+10%，但服務有咁好，食完都覺得自己賺咗！

外賣送遞真係會養懶人架, 不過亦因為咁, 就會令人去試更多唔同類型嘅嘢食! 今日搵到一間好味又有質素嘅餐廳!🌟🍴越式烤豬肉拌撈檬打破咗我對撈檬嘅觀感, 檬粉同一般餐廳唔同, 粗身少少, 不過好爽口, 唔會因為浸住d 撈檬汁浸得耐而淋咗。烤豬肉亦係少見, 其他餐廳通常會有豬扒或者豬頸肉, 呢度只有烤豬肉, 餐廳用咗秘製嘅汁醃製, 味道好濃, 肉質保持彈牙軟腍。配上酸甜適中嘅露蘸汁, 整體味道up up!🍴招牌生牛肉湯河粉喺開始食生牛河之前, 先飲咗配送嘅高湯半熟蛋, 香濃幼滑, 咸度適中, 飲完真係會胃口大增! 薄切牛肉, 肉味香濃而且juicy。牛骨湯底配上不同越南配料好有層次!整體食物味道都好好, 值得繼續支持!

越南野多數係豬扒、雞扒、牛肉等，好少豬肉。所以當有得揀豬肉個陣我一定要揀豬肉先。不過呢間用既係豬頸肉，雖然唔係用豬肉片個d, 不過我都ok 啦，因為豬扒太厚肉，而且多數整到乾身。味道好味，量都ok 夠。佢會伴個甜酸汁，而且會加兩舊豬肉丸落去，過癮。而且會浸兩舊瓜落去。整體都好豐富。不過我最欣賞係佢個檬粉。因為平時食開個d 檬係好難用筷子夾起。呢個檬粉係好似米線咁滑但易夾到、比米粉粗身少少，口感我非常喜歡！每次我都清晒堂食位置好細, 只有約十幾個, 所以都好多人揀外賣。服務態度好好, 好有禮貌

頭先比錯左個飯 ，返到屋企先發覺 ，佢地好快手跑過黎送返岩 個員工重成頭汗 重送杯飲品 重係咁道歉 搞到我超唔好意思，BTW 我比100分 可以再去多幾次啲野好食大件 價錢合理 超級超級讚爆

其實已經食左正餐 去牛棚🐮途中經過呢個越南餐廳 比佢門面餐牌既「海防蟹膏金邊粉」忍左入去 於是兩個人又坐低食野喇!!!😙先上枱既係 下龍灣手工墨魚餅 - 墨魚餅夾口彈牙 入面仲會爽雜住墨魚粒 唔需要點醬已經好夠味 係我地影緊相既同時 店員都會好細心 請我地快啲享用 因為凍左淋左就唔好食架喇!🙌🏻海防蟹膏金邊粉🍲- 真材實料 湯底超香蟹鮮味 金邊粉上亦放左蟹膏 每一啖都係享受 兩個人爭住飲啲湯 材料配搭無得自選 除左香菜札卷比較少見到之外 其他都係越南菜既常客💁🏻‍♀️💁🏻‍♀️天氣熱所以我地都叫左杯消暑特飲 熱情果特飲 唔會好甜 酸味剛剛好🤤

難得過到嚟土瓜灣，就梗係去試下，好多街坊都推介嘅，1986 越南野食啦！佢哋嘅海防蟹膏扎肉湯金邊粉，真係名不虛傳，我亦都未食過淺啡色嘅金邊粉，質感、味道，都真係一絕，搞到我又忍唔住，連個湯都清埋。見到隔離枱，佢哋食嘅生牛肉湯檬粉，同埋小食炸春卷、雞翼都好吸引，但可惜，一個人嘅食量係有限嘅，無可能試到更多款式，佢哋仲有好多美食，都好吸引我，所以，我實會再過嚟 encore 㗎！ 😋😍😜💛😋😍😜💛

買過一次外賣要等20分鐘，今次打電話先落單，接單小姐話十分鐘後有。我12分鐘已經到左比錢，等左10分鐘等老闆都話做緊，後過我打電話同比錢既都攞左，我就再問。一共問左一次小姐姐，兩次老闆，到第四次問小姐姐先話一早做好放左一邊。由落單到比錢12分鐘，比錢後25分鐘，共40分鐘都無人叫號，攞出黎。我就話問左3-4次先攞出黎，有冇搞錯啊？番到去湯又凍左飯又硬，我唔知你呢個老闆點樣管理同跟單？莫非你有智力問題？

疫情之前，我差不多一年去一次越南，因為野食真係好平又好好食。冇得去旅行，唯有喺香港搵食。呢間小店我已經幫襯左好幾次，因為真係好好食，味道好正宗，同我喺越南食到既好相近🥢越式烤豬肉拌檬粉烤豬肉份量足夠仲好入味，口感鬆化。特製露蘸汁嘅甜度同酸度恰到好處，裡面兩粒鬆軟的烤肉丸。烤肉丸完全係越南既味道，入面餡料有薄荷葉、木耳等。呢個拌檬粉配埋薄荷葉一齊食特別開胃🥢家鄉肉丸豬骨湯檬粉湯底用豬骨熬製而成，豬肉味濃幾清甜，配料有冬菇豬肉丸、豬骨、蝦仁、蕃茄，冬菇豬肉丸幾特別，用乾冬菇包裹住豬肉丸，口感唔錯🥢鮮蝦米紙卷🌯米紙煙韌透薄，包住蝦仁、扎肉、青瓜、雞蛋、檬粉等餡料，配上店家特製既露蘸汁。完全係成個米紙卷既靈魂，清新開胃，最岩炎炎夏日店員有禮貌，食完仲會問我地岩唔岩食，係真心想聽意見。我應該好快再返去食，下次再同大家介紹其他野食😬

🐝☀️今次第一次食呢一間(。’▽’。)♡，就係因為佢外賣自取有8折優惠，所以就試下啦，折完都係48蚊咋。o(*///▽///*)q🤍我覺得幾好食 (๑ʘ̅ д ʘ̅๑)!!! ，啲麵唔會好淋，啲餸都幾新鮮，份量都好夠，食完超飽。(๑ºั╰╯ºั๑)🤍土瓜灣嘅越南餐廳唔係好多，今次第一次食呢一間，令我覺得之後都想再試多啲唔同嘅越南食物！(σ°∀°)σ..:*☆🤍大家經過土瓜灣都可以食下啊！(⁎⁍̴̛ᴗ⁍̴̛⁎)🐝🐝

1986只係開左幾個月，有新野，就緊係一有機會就試下。叫左越式烤豬肉拌檬粉($58)另加牛油果沙冰($30)，趕住返去睇奧運，外賣仲有八折。餐廳只係收現金同payme。餐廳既選擇唔算好多，如果撈檬黎講，就只係得烤豬肉拌檬粉呢款，烤豬肉偏細塊細塊咁，但份量唔算少，汁就甜酸得宜，整體黎講，都OK。牛油果沙冰我叫左少甜，有香濃既牛油果味，而且十分creamy，好好味。下次想試埋佢既越南家鄉粉卷，好似第二度好少見。

甚少過嚟土瓜灣嘅我，竟然係到發現一間令我驚喜的越南餐廳首先午飯時間，舖外滿是等位和等外賣的食客，係我心中已埋下期待的種子。而且未入去食已經感覺到店員嘅禮貌款待，值得加分餐牌上沒有太多花巧嘅食物選擇，老闆應該是想貴精不貴多。我和老公點了碳燒豬肉檬粉，蟹膏蟹湯越南粉和雞翼先講碳燒豬肉檬粉，豬肉份量足夠 而且非常入味！而撈檬的酸汁嘅酸度恰到好處，既開胃又不用香檳奪主再黎蟹膏蟹湯越南粉，先喝口湯 第一啖已經食到濃濃嘅蟹味 店員姐姐解釋 本店的越南粉有別於其他店，是正宗越南粉 較粗身和有彈牙的口感。 食到差不多最後 店員還問我 需不需要要加湯（超貼心）小店可以做到依個質素 實在難得 真係要大大力支持

今日同朋友第一次黎堂食，肚餓就叫咗好多嘢食添、職員介紹個海防蟹膏粉絲試吓真係好特別好好味！😋春卷好正👍🏻！扎肉三色拼盤、撈檬都好特色🍜遇上一位短頭髮侍應生service真係好好、笑容滿面，好客有禮招呼！真係唔俾貼士唔得喎！😅離開餐廳後到酒吧上班、直到回家、我個心都一直感到唔舒服所以上來評論幾句！一定再嚟🤣🤣🤣

之前食過生牛河粉已經回味,今次帶朋友再來試埋蟹膏湯粉絲,春卷,此店真係值得讚賞！有蟹味的湯, 材料豐富,湯都比我飲晒,完全超乎我想像店內座位係小左D,名副其實小店😅但環境乾淨,味道滿分,等咗一陣位都係值得。

試左個三拼牛湯河粉,有扎肉,有牛腩,仲有牛骨整出嚟嘅湯低,樣樣都好足料,香菜都足,仲有粒牛肉丸咬落去嗰時仲會有肉汁,好食到癲。menu張圖同實物出到嚟嘅野食係一模一樣原全冇照騙,想搵啲越南嘢食我推薦呢一間💛💛

朋友介紹，試試呢間越南菜，店舖環境雖小，但勝在乾淨企理，都算坐得幾舒服，員工態度非常好，會主動詢問顧客有無任何需要👍🏻連杯水都非常細心，唔知係咪加左檸檬薄荷葉，個味好清香，估唔到連水都有驚喜✨✨本來對食物質素期望唔高，始終好食既越南菜真係唔多，點知...一試難忘，真係樣樣都好好味，好正宗既味道我叫呢個係蟹膏檬粉，唔記得全名，我本身唔係幾食蟹膏，朋友極力推薦先試試，好足料，超多蟹膏，仲要係好食，完全令我對蟹膏改觀🤣，仲有有札肉，蝦等等，全部都好好食，特別係個湯底，忍唔住係咁飲d湯，呢個值得再嗌，👍🏻👍🏻朋友叫左呢個包，朋友話好好味，我無試，但聽得出個包面烤到好鬆脆，好似幾好味，打算下次試試呢個墨魚餅好有咬口，熱辣辣炸起，又係好好味，明顯食到好多墨魚粒，重點係辣椒醬！！！呢隻辣椒醬唔算辣，我覺得都似甜辣，呢款真係超好食，膽粗粗問店員有無得買，結果真係有！店員話可以去對面有間食材店買，大家試完有興趣可問問店員春卷又係超好食，個皮好好好脆，一d都唔會硬，個味道岩岩好最後係飲品，紫米乳酪沙冰，紫米好有咬口，拼埋乳酪個味好夾，喜出望外🤩🤩呢間小店真係好好味，好難得款款都好味，價錢又合理，員工態度又