17
5
1
港鐵佐敦站 C2 出口, 步行約3分鐘
繼續閱讀
開飯介紹
以生猛海鮮活魚刺身火鍋為主, 另設晚市新派粵菜小炒, 為食客提供不同口味需要。全店食物均以新鮮, 即叫即做為主, 提供極品級數美食, 兼環境舒適, 絕對是宴客好地方。
繼續閱讀
招牌菜
很多人問我今年世界盃睇好邊隊? 老實說, 還未有定案! 其中原因是巴西酷熱的天熱與比賽時間的未知因素, 另一個更重要的是今年和地聯賽鬥得激烈, 英超西甲鬥到最後直路還有兩至三隊有權爭標, 令球員疲憊傷痛不已。不過今年聯賽的確十分戲劇性, 連一向不熱衷睇波的友人們都講起利物浦來!這天與親愛的友人看完戲, 心中喃喃的唸: “利物浦對車路士大戰”, 要看車仔如何翻盤! 誰知友人一句: “倒不如找個地方打邊爐睇波吖!” 真是意料之外! 之前也與朋友來過打邊爐, 知道有賽事直播。到埗, 在廳找不到好位置, 於是試找找房間靜靜的看。店員通知我最低消費HK$800, 這下我心裡有數。兩人吃HK$800在刺身火鍋館一點都不難! 先來個象拔蚌刺身! 象拔蚌肉雪白, 邊旁略有啡黃, 膽位置色淡, 應該是屬於沙面象拔蚌。基本上的象拔分沙表或泥表, 沙面肉爽, 味道較淡。泥面質腍, 但甜香多一點。火鍋館用上兩種切法, 蚌肉起片, 不太薄, 令吃下更有彈性而且爽脆; 膽位切條, 保存鮮味, 口感飽滿而帶有鮮甜。吃時, 前吃肉片再而膽, 蘸上豉油Wasabi, 鮮味更見一班。點了個胡椒豬肚湯底, 但在等湯底滾透之時, 除吃上象拔蚌刺身外, 還來一個普寧豆腐。普寧豆腐其實只是個炸豆腐, 旁附上個油鹽蔥水。吃時將熱烘烘豆腐角放於鹽水中, 有種涼身的效果, 豆腐入口不熨口, 加上鹽水而帶出豆味鮮香。可是豆腐角炸得有點過火, 而且有點“油益”味, 只是鹽水蔥好, 但也蓋不過油味。打邊爐要吃牛, 來碟手切牛都要兩百多, 所以HK$800 Min.絕不是問題。問題在於牛的質素又如何呢? 牛片上桌, 看其雪花分佈不算均勻, 即代表入口能無痕跡地溶化的機會低, 甚至有大片白位可能有筋的出現。然而我並不介意多嚼幾口而啖出牛味的, 可是入口牛片脂香明顯有所流失, 牛味亦不太足。這個牛, 真的難令人滿足! 不過近年牛肉價錢上升得緊要, 這樣的價錢有這樣的水平, 不算離譜。比起一般牛肉片, 近年我更愛吃護牛白肉。因為相對價錢商宜一點, 而且牛中脂香味道絕不遜一般的手切牛肉。只是兩者相比, 牛白肉不能做到入口溶化的效果而已!兩個人的火鍋其實可以很簡單, 要些菜, 要碟肉就可以。要多了只是怕眼闊肚窄, 浪費食物, 所以一些清清口味的東西劬是個不錯的選擇。左邊是一碟黑木耳, 降血壓, 有益而味淡。爽口中可吃到湯底原味!另一個則是碟黃喉, 可是比起上次英記吃到割成一差一差的如剪紙雕花般樣子的, 這個明顯不如英記的爽口。而且由於是密孔管狀, 所以黃喉受水溫煮熱程度不同。煮得耐, 外邊過老; 煮得不夠, 中間心會韌, 這菜餐廳是處理不佳。再來多一個吸湯的能手 -- 冰豆腐。打邊爐喜歡吃冰豆腐, 上桌時冰冰硬硬, 但是越泡越有味, 而且不會因誤了時間而散開。口中飽滿而實在的豆腐口感, 加上湯汁暖胃, 咬下而會溢出口中, 感覺很不錯。友人喜歡吃滑, 來了個蝦滑, 墨魚鴛鴦滑。可惜不論是哪個滑, 口感彈性都不足, 鮮味故然有, 特別是墨魚滑也算是濃口, 可是質感真的差了點。最後來個拳頭般大的一品餃, 泡了兩隻, 勉強吃了而有很多蝦肉, 但是味道已忘了! 但可以肯家的是這餃真的很膩, 吃一飯如吃個饅頭般。最後還是吃包的拿回家給家人吃!!兩個人火鍋, HK$800, 其實也不會太難。難就難在你是否想花費如此去看場球賽! 這次, 因為謝老四的一腳跣倒, 令車仔還保有興趣的爭標感覺, 令人回味。可是, 旁邊房間的極嘈吵叫聲, 原原本本的對我們倆做成極大滋憂。而且看畢這場大戰之後, 如我房內要轉台,在外大廳的電視也會跟著我們在轉, 失卻了獨立房間的私人獨立意味, 有點被"搵笨"了!
繼續閱讀
今日超熱，去到佐敦做野，同事話極品火鍋有午餐，吾係呀，咁熱仲火鍋。佢話有set, 二話不說即上。冷氣真係偉大發明，我地坐係房內我咖喱牛腩飯+燉豬肺瘦肉湯$52咖喱味超香濃，小辣，油吾多+like, 牛腩好入味及好淋，撈白飯無得頂，D薯仔都入哂味。湯超甜，豬肺五大件，及多件瘦肉，不油成個餐份量足，不錯
繼續閱讀
兩姐妹難得放低d屋企兩隻豬，就一齊去打邊爐杏汁豬肺湯底夠特別，好香杏汁味，豬肺煲得好林，仲要有好多其他湯料，低食小食- 嘩嘩生腸生腸好爽，口感好好撈咗少少日本“嘩沙B” 好好食自家椰菜餃必食，好好食餃入邊包咗少少蝦米乾，好香桶蠔鮮甜，size唔變細細隻
繼續閱讀
見到食評唔錯, 四個人又可以有間房, 就一於試下!一上樓梯, 見食客都不太多, 之後經理帶我們入"房". 房間係兩張梳房打對坐,一間長方枱, 旁邊有部入牆電視機, 勉強都可以坐到六個人, 但四個人就適合, 如果有需要可以按鐘叫侍應添!!!!左選右揀下, 又係要了一個麻辣湯底, 味道唔錯! 唔會太過辣而食得太辛苦. 入面D豬紅好好食. 手打墨魚滑, 粒粒墨魚肉, 食落好有口感, 但我個人唔太鐘意這玩意, 因為我只係覺得呢粒只不過係一粒巨型手打墨丸而已! 反而正常size 手打墨魚丸會更適合我!田雞好鮮甜, 如果呢段係一條片, 你會見到田雞肉不斷顫抖! 近期心水之選, 牛頸脊係牛頸至牛膊中間的一段肉, 這個部位由於郁動較多, 肉質因而細緻及結實, 還有肥瘦適中, 比食手打牛口感會更勝一籌!牛心椗係心臟血管頭, 切左片感覺唔錯, 很爽口, 但味道無咩特別!非常好食及新鮮的刺物船: 有三文魚, 鮑片, 希靈魚, 八爪魚, 甜蝦, 帆立貝, 吞拿! 食過最好的刺身之中!!!好唔抵食的火鍋配料, 就算多新鮮都只能淺嚐, 對於我這個大食王好不過隱!炸得不算太脆, 而且油份多了點, 很膩! 但反而個醬汁調得幾出色! 另外還叫了栗米, 窩笋, 菜藍, 都係新鮮素材!整體普普通通, 價錢都算中高, 但個刺身真係一試難忘, 但可惜這裡不是一個日本店呢!
繼續閱讀
話說尋日忽然又凍到 PK甘好自然係想去打邊爐暖下架啦，去到佐敦就搵openrice幫下手，就搵左呢間野。首先，一入到去坐都未坐低就問人飲乜，我話一陣先。大佬，我件褸都未除完，又問多次... 甘D料都上得幾快既，由於有細路仔既關系，所以點左個清D既湯底"瑤柱冬瓜湯"，呢個湯底不過不失啦，但成個鍋就係得瑤柱碎, 冬瓜, 湯，就唔係甘好睇，其實加D瘦肉粒都已經好睇好多，甘我自己本身對湯底都冇乜要求既，我認為佢都算合格既。跟住就有下面既火鍋料啦:本地手切肥牛:佢個Menu有三種牛肥牛: 安格施肥牛，本地手切肥牛，本地手切肥牛皇。安格施肥牛同本地手切肥牛係同價$198(大)，本地手切肥牛皇就$258(大)，甘我就要左普通本地手切肥牛，就中招了... 我真係未試過甘x難食既肥牛，完全係牛肉味既瘦肉，不知所謂，真係同佢間野個名一樣 "極品" 呀...新鮮黑柏葉:絕對唔係新鮮黑柏葉，就係凍肉公司未原全漂白果種黑柏葉...特色四寶丸:口感彈牙，味道又係不知所謂，好意思收我 $98...九菜餃:超重味精....羊肉片:就係一般凍肉材料，不過不失。脆骨腩:全晚最似樣其餘仲有: 鳥冬，粟米，西洋菜，冬姑，兩杯 Asahi埋單 $930.................. ok 祝你好運甘講到尾，service 其實算幾好，只係未坐低叫人飲野果下言語上可能有d唔會，我整體係覺得幾好服務的。
繼續閱讀