《毛記電視》藝員利君牙宣布結婚！原名為陳柏寧的「利君牙」，2016年曾被爆與毛記電視創辦人之一兼前商台DJ「阿Bu」 （姚家豪） 的情侶關係，其後二人大方認愛，更於今晚由女方宣布結婚！
View this post on Instagram
利君牙與阿Bu在2016年被傳媒影到手拖手行街，後來二人才公開戀情，但過去極少放閃。直到今晚，利君牙上載二人合照，突然宣布：「我 結 婚 喇～拍拖嗰時無親自同大家講，宜家補返啦～」。她直言對結婚有點疑惑：「用咗好耐思考到底結婚係為咗咩？好多人都會話都係差張紙啫，但其實又係咪真係差張紙呢？最後我嘅結論係同平時做嘢一樣，諗幾多係無用，做咗再算！」
利君牙報喜之際，亦少有地大讚未婚夫阿Bu。她寫道：「多謝你，成日用行動嚟話我知你有幾錫我，例如係記住晒我講過嘅無聊嘢，例如係打緊機都會照聽我電話（最多hea覆)，例如係會好俾面咁食晒我啲垃圾創意料理。不過其實唔使做咁多，間唔使用口講我都ok㗎～」帖文一出，一眾毛記藝人及圈中人亦有送上祝福。
