年尾出完bonus，打工仔又心思思想轉工。搵工時除了考慮前途、工種、職級和人工外，仲有一個考慮因素：福利！小編今次同大家盤點香港8間大公司的特別／神秘福利，包括Yahoo、Apple、Starbucks、TVB等等，睇下邊間公司的福利最吸引到你？
登入 瀏覽本網站，可獲取積分換領專屬優惠
點擊查看專屬優惠
Yahoo雅虎香港的特別福利
香港Yahoo員工爆料，所有同事都包早餐同午餐，而且選擇超豐富：早餐有麥當勞、茶記三文治、炒麵米粉等，日日唔同款；午餐屬自助形式，以中菜、西餐為主，有時更會有泰式同日式選擇，慳返好多飯錢，為食小編表示超妒忌！
▲香港Yahoo的lunch buffet每日供應，日日菜色不同。
Apple 蘋果的特別福利
小編最羨慕香港Apple 的員工福利！他們除了可享有蘋果產品的discount外，原來每人每年有成$15000的醫療福利，呢筆錢可以用來配眼鏡亦得，甚至可share埋俾配偶！而配偶不一定是「老婆」，女朋友也可啊！
Starbucks 星巴克的特別福利！
香港Starbucks員工除了每日可免費飲一杯咖啡飲品外，仲有一個可惠及親友的福利！由於Starbucks屬於美心集團旗下，所以員工可享美心集團餐廳85折優惠，如果有朋友做Starbucks，跟他去吃美中鴨子、Kikusan這些餐廳都有discount!
SCMP 南華早報集團的特別福利
▲圖：SCMP
阿里巴巴旗下的SCMP南華早報集團，每星期一都是fruit day，每週的生果款式皆不同；星期五更有happy hour，無限啤酒免費暢飲，同事們可謂攞正牌飲酒，過返個happy friday! 另外公司都有common room 可以打桌球、玩switch、打乒乓球等，隨時去玩都OK！
▲SCMP娛樂空間
TVB的特別福利
每年一度盤菜宴，TVB員工人人有份，當晚會有大抽獎，及與藝員合照的機會！另外對街外人來說有錢都買唔到的TVBuddy，原來員工每星期都有一次購買機會，甚至可以買到整套經典TVB劇集DVD，非常難得！
長江和記實業的特別福利
李生旗下，所有長和員工都可以免費申請星展信用卡，而呢張信用卡，用於百佳及屈臣氏都有9折，去豐澤買電器更有95折優惠，即使係買iphone都有折呢！
HSBC 香港上海滙豐銀行
香港有三間匯豐辦公大樓設有健身室俾員工免費使用，分別位於奧運、旺角及石門，唔洗自己join plan又可做gym！每月亦有一日可以早2個鐘收工，安排上較為彈性；另外伴侶也可享有公司醫療福利，只要申報為伴侶，毋需結婚都可以享受得到！
渣打銀行的特別福利
不過要數銀行界最令人羨慕的福利，一定有渣打銀行份！渣打銀行員工的有薪產假有20周之多，足足是法例規定的1倍，而男士侍產假也有2周，真係好體貼！